ཕྱི་ལོ་ ༢༠༢༠ ཟླ་ ༩ ཚེས་ ༢༡ རེས་གཟའ་ཟླ་བ།
༄༅། །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཁོར་ཡུག་གི་གནད་དོན་དང་བྱམས་བརྩེའི་འབྲེལ་བའི་བརྗོད་གཞི་ཐོག་བགྲོ་གླེང་མཛད་གཏན་འཁེལ་འདུག
དེ་ཡང་དགའ་ལྡན་ཕོ་བྲང་གི་གཞུང་འབྲེལ་དྲ་རྒྱའི་ནང་གསལ་ལྟར་ན། ཕྱི་ལོ་ ༢༠༢༠ ཟླ་ ༩ ཚེས་ ༢༢ རེས་གཟའ་མིག་དམར་ཉིན་རྒྱ་གར་གྱི་སྔ་དྲོའི་ཆུ་ཚོད་ ༩ ནས་ ༡༠ བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མེཁ་སི་ཀོ་ཡུལ་གྱི་གློག་བརྙན་འཁྲབ་ཅིང་བཟོ་སྐྲུན་གནང་མཁན་དང་། མིག་དཔེ་ཡར་སྟོན་མཁན་སྐུ་ཞབས་ཡུ་རྗིན་རྡེར་བྷེཛི་ Eugenio Derbez མཆོག་དང་ལྷན་དུ་ཁོར་ཡུག་གི་གནད་དོན་དང་བྱམས་བརྩེའི་འབྲེལ་བའི་Compassion and Environment issues སྐོར་ལ་བགྲོ་གླེང་གནང་རྒྱུ་དང་། ད་ལམ་གྱི་ཐད་སྟོན་བགྲོ་གླེང་གསན་གཟིགས་གནང་མཁན་ཚོས་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་བོད་ཨིན་རྒྱ་སྐད་སོགས་སྐད་རིགས་མི་འདྲ་བ་དུ་མའི་ནང་དགའ་ལྡན་ཕོ་བྲང་གི་དྲ་རྒྱ་དང་ངོ་དེབ་སོགས་བརྒྱུད་གསན་གཟིགས་གནང་དགོས་པ་དགོངས་འཇགས་འཚལ། །
