ཕྱི་ལོ་ ༢༠༢༠ ཟླ་ ༩ ཚེས་ ༢༩ རེས་གཟའ་མིག་དམར།
༄༅། །ཕྱི་ལོ་ ༢༠༢༠ ཟླ་ ༩ ཚེས་ ༢༨ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་དྲ་རྒྱའི་བརྒྱུད་ཨ་རིའི་རྒྱལ་ས་ཝ་ཤིང་ཊོན་ཌི་སིར་རྟེན་གཞི་བྱས་པའི་བསམ་བློའི་བང་མཛོད་ CSIS ཞེས་པ་ཚོགས་པའི་གོ་སྒྲིག་འོག་བགྲོ་གླེང་ལས་རིམ་ཐོག བོད་ནི་རྒྱ་གར་གྱིས་གཙོས་རྒྱ་ནག་དང་ཨ་རིའི་ཡུལ་བབ་སྲིད་བྱུས་ཐོག་ཧ་ཅང་གལ་ཆེན་པོ་ཡིན་སྐོར་གསུང་བཤད་གནང་ཡོད། སྔ་ལོར་དཔལ་ལྡན་སྲིད་སྐྱོང་མཆོག་གིས་བོད་བརྒྱུད་ནང་བསྟན་གྱི་བླ་སྤྲུལ་ཡང་སྲིད་སྐོར་དང་ཆོས་དད་རང་དབང་བཅས་ཀྱི་སྐོར་ཡང་གསུང་བཤད་གནང་ཡོད།
དེ་ཡང་དཔལ་ལྡན་སྲིད་སྐྱོང་མཆོག་གིས། རྒྱ་ནག་གཞུང་གིས་རྒྱ་གར་དབང་སྒྱུར་བྱེད་པར་བོད་ས་ངེས་པར་བཙན་བཟུང་བྱེད་དགོས་ཞེས་པའི་མའོ་ཙེ་ཏུང་གི་རྩོམ་ཞིག་ལུང་འདྲེང་གནང་ཡོད་པ་མ་ཟད། བོད་ནི་ལག་མཐིལ་ཡིན་པ་དང་། བལ་ཡུལ་དང་། འབྲས་ལྗོངས་། ལ་དྭགས། ཨ་རུ་ནཱ་ཅལ་པར་དེ་ཤི། འབྲུག་བཅས་ལྔ་པོ་མཛུབ་མོ་ལྔ་ཡི
གཞན་ཡང་དཔལ་ལྡན་སྲིད་སྐྱོང་མཆོག་གིས་བོད་དང་ཨ་རིའི་དབར་གྱི་འབྲེལ་ལམ་སྐོར་གསུང་དོན། རྒྱ་ནག་གཞུང་གི་བོད་ས་བཙན་བཟུང་བྱས་པར་བརྟེན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་འཕགས་པའི་ཡུལ་དུ་ཚིབས་སྒྱུར་སྐབས་ཨ་རིའི་སྲིད་འཛིན་ཟུར་པ་སྐུ་ཞབས་ཌིཝཱ་ཌི་ཨཱ་སེན་ཧོ་ཝར་ Dwight D.Eisenhower མཆོག་གི་ཐུགས་སྣང་གནང་ཡོད་པ་དང་། རྒྱ་ནག་གཞུང་གིས་འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་བཏང་དང་གཏོང་བཞིན་པར་བརྟེན་རྒྱལ་སྤྱིའི་ཁྱོན་ཡོངས་ནས་ངོ་རྒོལ་ཤུགས་ཆེ་བྱེད་ཀྱི་ཡོད། དེར་བརྟེན་རྒྱ་ནག་དང་མཉམ་བསྟུན་མཁས་གནང་རྒྱུའི་ཚབ་ཏུ་འགྲན་བསྡུར་གནང་དགོས། དེ་སྔ་བོད་དོན་རྩིས་མེད་དང་། རྒྱ་ནག་ལ་ངོ་སྲུང་སླད་ Kissinger’s policy ཞེས་པའི་སྲིད་བྱུས་གཏན་འབེབས་བྱས་པ་ནི་ནོར་འཁྲུལ་ཚབས་ཆེ་ཞིག་ཡིན་སྐོར་སོགས་ཀྱི་གསུང་བཤད་གནང་རྗེས་དྲི་བར་ལན་འདེབས་གནང་ཡོད།
ལས་རིམ་འདི་བཞིན་གཙོ་སྐྱོང་མཁན་བསམ་བློའི་བང་མཛོད་ CSIS ཞེས་པའི་ཨེ་ཤེ་ཡ་དང་ཉི་ཧོང་བཅས་ཀྱི་ཚོགས་གཞོན་བགྲེས་པ་སྐུ་ཞབས་མེག་གྷི་རིན་ Mike Green ལགས་ཡིན་འདུག་པ་བཅས། །
