ཕྱི་ལོ་ ༢༠༢༠ ཟླ་ ༨ ཚེས་ ༢༨ རེས་གཟའ་པ་སངས།

༄༅། །སྤྱི་ནོར་༸གོང་ས་༸སྐྱསབ་མགོན་ཆེན་པོ་མཆོག་གིས་ཨེ་ཤ་ཡའི་ཚོགས་སྡེ་ཁག་གཅིག་ལ་བཀའ་ཆོས་བསྩལ་རྒྱུ་ཡིན་འདུག

དེ་ཡང་དགའ་ལྡན་ཕོ་བྲང་གི་གཞུང་འབྲེལ་དྲ་རྒྱའི་ནང་གསལ་ལྟར་ན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཨེ་ཤི་ཡའི་ཚོགས་སྡེ་ཁག་གཅིག་ནས་ཇི་ལྟར་སྔོན་ནས་གསོལ་བ་བཏབ་པ་བཞིན། ཕྱི་ལོ་ ༢༠༢༠ ཟླ་ ༩ ཚེས་ ༤ ནས་ ༦ བར་ཉིན་གྲངས་གསུམ་རིང་སྔ་དྲོ་ཆུ་ཚོད་ ༨ ནས་ ༩།༣༠ བར་བཀའ་ཆོས་བསྩལ་རྒྱུ་དང་། ཆུ་ཚོད་ ༩ ནས་ ༩།༣༠ བར་ཚོགས་མི་རྣམས་དང་ལྷན་དུ་དྲི་བ་དྲིས་ལན་གནང་རྒྱུ། བཀའ་ཆོས་དེ་ཨིན་ཇི། རྒྱ་གར། བལ་ཡུལ། རྒྱ་ནག ཕེ་རན་སི། ར་ཤི་ཡ། སི་པེན། ཝི་ཏ་ནམ། ཉི་འོང་། སོག་པོ། ཀོ་རི་ཡ། འཇར་མི་ནི། པོར་ཇུ་གྷལ། ཨི་ཊ་ལི་བཅས་ཀྱི་སྐད་རིགས་ནང་གསུང་སྒྱུར་ཞུས་ཏེ་ཐད་གཏོང་གནང་རྒྱུ་ལགས་ན། དོན་གཉེར་ཅན་རྣམས་ནས་དགའ་ལྡན་ཕོ་བྲང་གི་དྲ་ཚིགས་དང་། ངོ་དེབ་ནང་ཐད་ཀར་གསན་གཟིགས་གནང་ཐུབ། ཆོས་ཞུ་བ་རྣམས་ནས་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ།

ཐད་གཏོང་དྲ་བྱང་། http://www.gyalwarinpoche.com/node/422