ཕྱི་ལོ་ ༢༠༢༠ ཟླ་ ༨ ཚེས་ ༡༡ རེས་གཟའ་མིག་དམར།

༄༅། །སྤྱི་ནོར་༸གོང་ས་༸སྐྱསབ་མགོན་ཆེན་པོ་མཆོག་གིས་ཨ་རིའི་ཞི་བདེ་བསྟི་གནས་སློབ་གཉེར་ཁང་གི་དབུ་འཛིན་ནེན་སི་ལིན་བོརྒ་ལགས་དང་། དེ་གའི་མི་རབས་འཕོ་འགྱུར་གྱི་ཉམས་ཞིབ་པ་ཁག་གཅིག་དང་ལྷན་རྙོག་ཟིང་དང་། ཏོག་དབྱིབས་གཉན་རིམས། བྱམས་བརྩེ་བཅས་དང་འབྲེལ་བའི་སྐོར་ལ་དྲ་རྒྱ་བརྒྱུད་བགྲོ་གླེང་མཛད་རྒྱུ་ཡིན་འདུག 

དེ་ཡང་དགའ་ལྡན་ཕོ་བྲང་གི་གཞུང་འབྲེལ་དྲ་རྒྱའི་ནང་གསལ་ལྟར་ན། ཕྱི་ལོ་ ༢༠༢༠ ཟླ་ ༨ ཚེས་ ༡༢ རེས་གཟའ་ལྷག་པ་ཉིན་རྒྱ་གར་གྱི་སྔ་དྲོའི་ཆུ་ཚོད་ ༩ ནས་ ༡༠ བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ལྷན་དུ་ཨ་རིའི་ཞི་བདེ་བསྟི་གནས་སློབ་གཉེར་ཁང་གི་དབུ་འཛིན་ནེན་སི་ལིན་བོརྒ་ Nancy Linborg, CEO, USIP ལགས་དང་། དེ་གའི་མི་རབས་འཕོ་འགྱུར་གྱི་ཉམས་ཞིབ་པ་ཁག་གཅིག་བཅས་ནས་རྙོག་ཟིང་དང་། ཏོག་དབྱིབས་གཉན་རིམས། བྱམས་བརྩེ།  Conflict, COVID and Compassion བཅས་དང་འབྲེལ་བའི་སྐོར་ལ་བགྲོ་གླེང་གནང་འཆར་ཡོད་ཅིང་། ཨ་རིའི་ཞི་བདེ་བསྟི་གནས་སློབ་གཉེར་ཁང་ནས་འདས་པའི་ལོ་མང་རིང་འཛམ་གླིང་ནང་ཟིང་འཁྲུག་ཡོད་སའི་ཡུལ་ལུང་ཁག་ནས་གཞོན་སྐྱེས་ཞི་བདེའི་སྣེ་ཁྲིད་པ་མང་དག་ཅིག་བཞུགས་སྒར་རྡ་ས་སོགས་སུ་༸གོང་ས་མཆོག་དང་ལྷན་དུ་བྱམས་བརྩེ་དང་བཟོད་སྒོམ་སོགས་ཕུགས་རྩ་བརྟན་པའི་ཞི་བདེའི་གཞི་རྟེན་ཡིན་སྐོར་བགྲོ་གླེང་སླད་ཁྲིད་གནང་ཡོད།

ཐེངས་འདིའི་ཐད་སྲིང་བགྲོ་གླེང་གསན་གཟིགས་གནང་མཁན་ཚོས་འདོད་བློ་ཡོད་ཚེ་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་བོད་དབྱིན་རྒྱ་སྐད་སོགས་སྐད་རིགས་མི་འདྲ་བ་དུ་མའི་ནང་དགའ་ལྡན་ཕོ་བྲང་གི་དྲ་རྒྱ་དང་ངོ་དེབ་སོགས་བརྒྱུད་གསན་གཟིགས་གནང་དགོས་པ་དགོངས་འཇགས་འཚལ། །