ཕྱི་ལོ་ ༢༠༢༠ ཟླ་ ༨ ཚེས་ ༡༠ རེས་གཟའ་ཟླ་བ། 

༄༅། །བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་འཇར་མན་ནིའི་གསར་འགོད་པ་ཧྥི་རན་ཛི་ཨལ་ཊི་ Franz Alt ལགས་ཀྱིས་ཕྱི་ལོ་ ༢༠༢༠ ཟླ་ ༡༡ ནང་ང་ཚོའི་ཁྱིམ་གཞིས་ཁོ་ན་ཉིད། གོ་ལའི་གནམ་གཤིས་འགྱུར་ལྡོག་དང་འབྲེལ་བའི་འཛམ་གླིང་ཡོངས་ལ་གཞེན་སྐུལ་ Our Only Home: A Climate Appeal to the World ཞེས་པའི་དཔེ་དེབ་ཅིག་དབུ་འབྱེད་གནང་གཏན་འཁེལ་ཡོད་པ་དང་། དཔེ་དེབ་གསར་པ་དེའི་ནང་མི་རབས་རྗེས་མའི་མདུན་ལམ་ལ་དམིགས་ཏེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཛམ་གླིང་གི་སྲིད་དོན་གྱི་ཐག་གཅོད་གནང་མཁན་ཡོངས་ལ་གོ་ལའི་གནམ་གཤིས་འགྱུར་ལྡོག་དང་ཁོར་ཡུག་སྲུང་སྐྱོབ་ཀྱི་གནད་དོན་ཐད་འཛིན་པའི་འགལ་ཟླའི་ལྟ་ཚུལ་རྣམས་སྤངས་ཏེ་གོ་ལའི་གནམ་གཤིས་འགྱུར་ལྡོག་དང་ཁོར་ཡུག་སྲུང་སྐྱོབ་སླད་ཐུན་མོང་གིས་འབད་བརྩོན་བྱེད་དགོས་པའི་རེ་སྐུལ་མཛད་པ་སོགས་འཁོད་ཡོད་པ་བཅས། །