ཕྱི་ལོ་ ༢༠༢༠ ལོའི་སྲིད་སྐྱོང་གཟེངས་བསྟོད་གསལ་བསྒྲགས།

གསར་ལས་ཁང་གི་གསར་འགོད་པས།

༢༠༢༠-༠༨-༠༧

ཕྱི་ལོ་ ༢༠༢༠ ཟླ་ ༨ ཚེས་ ༧ རེས་གཟའ་པ་སངས།

༄༅། །ཕྱི་ལོ་ ༢༠༡༩ ཟླ་ ༨ ནས་བཟུང་སྒྲིག་ཞུགས་རིགས་གཅིག་རྐང་འཛིན་ (Ph.D) སློབ་མཐར་ཕྱིན་པའི་བོད་རིགས་སློབ་ཕྲུག་སུ་རུང་ལ་སྲིད་སྐྱོང་གཟེངས་བསྟོད་ལག་འཁྱེར་དང་ལེགས་སྐྱེས་སྒོར་ ༢༠,༠༠༠།༠༠ གནང་རྒྱུ་ཡིན་པས། སྙན་འབུལ་ཡོད་རིགས་ནས་དག་མཆན་འཁོད་པའི་གཤམ་གསལ་ཡིག་ཆ་ཁག་ཕྱི་ལོ་ ༢༠༢༠ ཟླ་ ༨ ཚེས་ ༢༥ ནང་ཚུད་ཤེས་རིག་ལས་ཁུངས་སུ་འབུལ་ཐུབ་པ་དགོས།

༡༽ དོ་བདག་གི་དྭང་བླངས་དཔྱ་དངུལ་ལག་དེབ་ཀྱི་ངོ་ཤོག་དང་པོ་དང་མཐའ་མ་གཉིས་ཀྱི་ངོ་བཤུས།

༢༽ སྒྲིག་ཞུགས་རིགས་གཅིག་རྐང་འཛིན་ཐོན་པའི་ལག་འཁྱེར་གྱི་ངོ་བཤུས།

༣༽ ཉམས་ཞིབ་དཔྱད་རྩོམ་གྱི་ངོ་བཤུས་བཅས།

ཆེ་བསྟོད་ཞུ་ཡུལ། དྷ་ས་གཙུག་ལག་ཁང་དུ་ ༢༠༢༠ ཟླ་ ༩ ཚེས་ ༢ ཉིན་མང་གཙོའི་དུས་དྲན་གཞུང་འབྲེལ་མཛད་སྒོའི་སྐབས། སློབ་ཐོན་པ་རྣམས་བྱ་དགའ་ལེན་པར་ཡོང་སྐབས་གྲང་གློག་མེ་འཁོར་ཉལ་ཁྲི་ཉིས་བརྩེགས་ AC 2 TIER དང་སྤྱི་འཁོར་ལེགས་གྲས་ཀྱི་ལམ་གྲོན། ཉིན་རེར་ལྟོ་དོད་ཧིན་སྒོར་ ༣༠༠། རེ། ལམ་བར་དགོས་གལ་ཡོད་རིགས་ལ་ཉིན་རེར་ཁང་གླ་མང་མཐར་སྒོར་ ༥༠༠ གནང་རྒྱུ་ཡིན།

གོང་གསལ་འགྲོ་གྲོན་ཁག་རྩིས་འཕེར་ཡོང་སླད་ཁང་གླ་དང་། མེ་འཁོར། སྤྱི་འཁོར་སོགས་ཀྱི་འབིལ་འཛིན་ངོ་མ་ཆབས་འབུལ་ཞུ་དགོས།

དྭོགས་འདྲི་ཡོད་ཚེ་འབྲེལ་བ་གནང་ཡུལ།

བསོད་ནམས་བཟང་མོ། [email protected]

བློ་གྲོས་རབ་གསལ། [email protected]

སྙན་ཞུ་འབུལ་ཡུལ་ཁ་བྱང་།

Secretary

Department of Education

Central Tibetan Administration

Gangchen Kyishong, Dharamsala – 176215

Distt. Kangra, Himachal Pradesh, India

Ph: 01892 – 222572, 222721, 226695

E-mail: [email protected] or [email protected]