ཕྱི་ལོ་ ༢༠༢༠ ཟླ་ ༨ ཚེས་ ༡༨ རེས་གཟའ་མིག་དམར།
༄༅། །ཕྱི་ལོ་ ༢༠༢༠ ཟླ་ ༨ ཚེས་ ༡༨ རེས་གཟའ་མིག་དམར་ཉིན་ཕྱི་དྲིལ་
དེ་ཡང་གོང་ཚེས་ཉིན་ཕྱེད་ཡོལ་ཆུ་
དེ་རྗེས་དཔལ་ལྡན་སྲིད་སྐྱོང་མཆོག་གི
གངས་ལྗོངས་དཔལ་འབྱོར་ཞབས་
གངས་ལྗོངས་དཔལ་འབྱོར་ཞུབས་ཞུ་ཁང་འདི་ཁྲིམས་དང་
དེབ་སྐྱེལ་བྱེད་ན་ཆ་རྐྱེན་གང་ཡོད་དམ་ཞེ་ན། གངས་ལྗོངས་དཔལ་འབྱོར་ཞབས་ཞུ་ཁང་
ད་རེས་ང་ཚོས་དམིགས་ཚད་འབུམ་ ༥༠༠ འཛིན་བཞིན་ཡོད་པ་དེ་དག་སྙན་ཞུ་འབུལ་མཁན་ལ་རགས་ལས་ཀྱི
གཞན་ཡང་འདི་ལོར་རྒྱ་གར་ནང་ཏོག་དབྱིབས་གཉན་རིམས་ཉེན་འཚབ་ཆུང་བའི་མངའ་སྡེ་ཚོན་ལྗང་ཁུ་ Green Zone ཅན་ནང་ཚོང་རྒྱག་མཁན་རྣ
དེ་ནས་དཔལ་འབྱོར་བཀའ་བློན་ཀརྨ་ཡེ་ཤེས་མཆོག་གིས་འཚམས་འདྲི་དང་འབྲེལ་གསུང་དོན། དེ་རིང་གི་གསར་འགོད་ལྷན་ཚོགས་འདི་དཔལ་འབྱོར་ལས་ཁུངས་ཀྱི་ལས་གཞི་གངས་ལྗོངས་དཔལ་འབྱོར་ཞབས་ཞུ་ཁང་གི་ཚོང་དོན་གྱི་བུ་ལོན་དངོས་སུ་གཡར་རྒྱུའི་ལས་གཞིའི་སྐོར་ཡོངས་ཁྱབ་གསལ་བསྒྲགས་བྱེད་ཀྱི་ཡོད། དེ་བཞིན་ཕྱི་ལོ་ ༢༠༢༠ ཟླ་ ༧ ཚེས་ ༡༠ ཉིན་བོད་མིའི་སྒྲིག་འཛུགས་ཀྱི་གཞུང་འབྲེལ་བོད་ཡིག་དྲ་རྒྱའི་ནང་ཡོངས་ཁྱབ་གསལ་བསྒྲགས་ཤིག་སྤེལ་བའི་ནང་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཁྱབ་ཁོངས་གངས་ལྗོངས་དཔལ་འབྱོར་ཞབས་ཞུ་ཁང་ནས་རང་རེ་སྤྱི་ཚོགས་ཁྲོད་ཚོང་ལས་གསར་དུ་འགོ་འཛུགས་གནང་འཆར་ཡོད་པ་དང་། ད་ཡོད་ཚོང་ལས་རྒྱ་སྐྱེད་གནང་འཆར་ཡོད་པ་རྣམས་ལ་ཧིན་སྒོར་འབུམ་ ༡༠ བར་ཐོག་སྐྱེད་ཀ་བརྒྱ་ཆ་ ༡༠ བྱེད་པ་དང་ཧིན་སྒོར་འབུམ་ ༢༠ བར་ཐོག་སྐྱེད་ཀ་བརྒྱ་ཆ་ ༡༢ བྱེད་པ་བཅས་རིམ་པ་གཉིས་ཡོད་པའི་བུན་གཡར་གཏོང་རྒྱུ་ཡིན་པ་དང་། འདོད་བློ་ཡོད་མཁན་རྣམས་ནས་ཕྱི་ལོ་ ༢༠༢༠ ཟླ་ ༨ ཚེས་ ༡༤ འགྱངས་མེད་འཚང་སྙན་འབུལ་ཐུབ་པ་དགོས་པའི་མཐའ་མའི་དུས་ཚོད་བཀག་ཟིན་པ་རེད། ཡོངས་ཁྱབ་གསལ་བསྒྲགས་སྤེལ་ཏེ་ཕྱི་ཟླ་ ༨ ཚེས་ ༡༤ བར་སྙན་ཞུ་འབྱོར་བ་ཁག་ལ་ཞིབ་འཇུག་བྱས་ནས་འགྲོ་རྒྱུ་རེད།
དེ་རིང་གསར་འགོད་གསལ་བསྒྲགས་རྗེས་མ་འོངས་པར་ཁྱབ་བསྒྲགས་མི་དགོས་པར་ག་དུས་ཡིན་ནའང་སྙན་ཞུ་ཕུལ་ནས་འགྲོ་རྒྱུ་རེད། གཙོ་ཆེ་ཤོས་གོང་དུ་དཔལ་ལྡན་སྲིད་སྐྱོང་མཆོག་གིས་གསུངས་པ་ནང་བཞིན་ཐེངས་འདིའི་བུ་ལོན་འདི་དེ་སྔའི་བུ་ལོན་ནང་བཞིན་འཚོ་རྟེན་རོགས་སྐྱོར་ལས་གཞི་མིན། རྒྱ་གར་གཞུང་གི་དངུལ་ཁང་ཆེན་མོའི་ཁྲིམས་དང་མཐུན་པ་འགྲོ་རྒྱུ་ཡིན་པ་མ་ཟད། བཙན་བྱོལ་བོད་མིའི་བཅའ་ཁྲིམས་གཙོ་བོར་གྱུར་པའི་གྲོས་ཚོགས་ལ་འགན་འཁུར་དགོས་ཀྱི་ཡོད་པ་དང། གྲོས་ཚོགས་ཀྱིས་རྩིབ་ཞིབ་གནང་དགོས་ཀྱི་ཡོད་སྟབས། ཚང་མས་ཚོང་གི་འཆར་གཞི་ངེས་པར་དུ་དགོས་ཀྱི་ཡོད། ཚོང་གི་འཆར་གཞི་ཚད་ལྡན་དང་ཕུགས་འཕེར་ཡིན་པ་དགོས་ཀྱི་ཡོད། འཚང་སྙན་འབྱོར་རྗེས་གངས་ལྗོངས་དཔལ་འབྱོར་ཞབས་ཞུ་ཁང་གི་ཆེད་ལས་མི་སྣས་ཞིབ་འཇུག་གནང་སྟེ་འབུམ་བཅུ་བར་ཡིན་ན་འགན་འཛིན་ལྷན་ཚོགས་ཀྱི་ཚོགས་མི་གཉིས་ཀྱིས་ལྟ་རྟོག་དང་ཐག་གཅོད་གནང་གི་རེད། དེ་བཞིན་འབུམ་བཅུ་ནས་ཉི་ཤུ་བར་ཡིན་ན། འགན་འཛིན་ལྷན་ཚོགས་ཀྱི་ཚོགས་མི་གསུམ་ནས་ཐག་གཅོད་གནང་དགོས་ཀྱི་ཡོད།
དེ་ཡང་ཚོང་ཁོ་ནའི་ཆེད་དུ་ཡིན་པ་དང་། དེབ་སྐྱེལ་དགོས་པ། རྒྱ་གར་གཞུང་གི་ཁྲིམས་དང་མཐུན་པའི་ཚོང་ལས་ཡིན་དགོས་པ། རྒྱ་གར་གཞུང་ལ་ཁྲལ་འབུལ་གྱི་ཡོད་པ་ཁུངས་སྐྱེལ་བྱེད་དགོས་སོགས་སྔོན་འགྲོའི་ཆ་རྐྱེན་ཁག་ཚང་དགོས།
འདི་ནས་ཕྱི་ལོ་ ༢༠༢༠ ཟླ་ ༧ ཚེས་ ༡༠ ཉིན་ཡོངས་ཁྱབ་གསལ་བསྒྲགས་གནང་བ་དང་མཉམ་དུ་ནང་སྲིད་ལས་ཁུངས་བརྒྱུད་ས་གནས་འགོ་འཛིན་ཡོངས་ལ་ལམ་སྟོན་བཀོད་ཁྱབ་གནང་ཡོད། ས་གནས་འགོ་འཛིན་ནས་བོད་མི་དངོས་འབྲེལ་ཡིན་པའི་ངོས་སྦྱོར་དགོས་ཀྱི་ཡོད། དཔྱ་ཁྲལ་ལག་དེབ་དང་མཉམ་དུ་དཔྱ་དངུལ་གཙང་འབུལ་ཟིན་པའི་ངོས་སྦྱོར་དགོས་ཀྱི་ཡོད། གངས་ལྗོངས་དཔལ་འབྱོར་ཞབས་ཞུ་ཁང་ལ་རྒྱ་གར་གཞུང་གི་དངུལ་ཁང་ཆེན་མོ་ནས་ཆ་རྐྱེན་གང་ཡོད་པ་དེ་དག་ཚང་ཚང་དགོས་ཀྱི་ཡོད། དེ་དག་མ་ཚང་བ་ཡིན་ན་སྙན་ཞུ་ཕུལ་བ་ཙམ་གྱི་ཐོབ་ཀྱི་མེད།
དེ་ནས་ཟླ་གྲངས་གསུམ་རེའི་མཚམས་སྐྱེད་ཀ་འཇལ་དགོས་ཀྱི་ཡོད་པ་དེ་དག་གི་ཐོག་སོ་སོའི་འགན་ཁུར་གྱི་ཡོད་པ་མ་ཟད། ང་ཚོའི་བརྒྱུད་ནས་འབྲེལ་ཡོད་ས་གནས་འགོ་འཛིན་རྣམ་པས་བརྡ་འདེད་གནང་གི་རེད། གངས་ལྗོངས་དཔལ་འབྱོར་ཞབས་ཞུ་ཁང་ནས་རྒྱ་གར་གཞུང་གི་དངུལ་ཁང་ནང་མ་རྩ་ཇི་ཙམ་ཡོད་པ་དེ་ལ་དཔགས་པའི་བུན་གཡར་གཏོང་དགོས་ཀྱི་ཡོད་པར་བརྟེན་ང་ཚོའི་ངོས་ནས་རྩིས་ལོ་གཅིག་གི་ནང་ཧིན་སྒོར་ས་ཡ་ལྔ་བརྒྱ་བུན་གཡར་གཏང་རྒྱུའི་འཆར་གཞི་ཡོད། བུན་གཡར་གཏོང་ཐུབ་དང་མ་ཐུབ་དོ་བདག་གི་སྙན་ཞུ་ལ་རགས་ལས་པ་རེད། དེར་བརྟེན་ཚང་མས་ངེས་པར་དུ་འགན་ཁུར་རོགས་ཞེས་ཞུ་རྒྱུ་ཡིན།
བོད་མིའི་སྒྲིག་འཛུགས་བཀའ་ཤག་གི་དགོངས་པ་གཙོ་བོ་ནི། བཙན་བྱོལ་བོད་མིའི་སྤྱི་ཚོགས་ཀྱི་དཔལ་འབྱོར་གནས་སྟངས་ཡག་པོ་ཡོང་སླད་ང་ཚོས་མཐུན་འགྱུར་དང་ལམ་སྟོན་བྱེད་དགོས་ཀྱི་འདུག དངུལ་གཡར་པ་ཁོ་ན་མིན་པར་བོད་པའི་སྤྱི་ཚོགས་ནང་དཔལ་འབྱོར་གྱི་ལྟ་གྲུབ་སྐོར་གོ་བསྡུར་བྱེད་རྒྱུ་དང་། བོད་པ་ཚང་མ་དཔལ་འབྱོར་ཡག་པོ་ཆགས་ཏེ་གཞན་རྟེན་གྱི་བསམ་བློ་དོར་ནས་ཡག་པོ་ཆགས་པ་ཡིན་ན། དཔལ་འབྱོར་ལས་ཁུངས་ཀྱི་ཡར་ཐོན་ཚོང་ལས་རམ་འདེགས་ལས་གཞིའི་བརྒྱུད་ཚོང་གི་ཆེད་དུ་མཐུན་འགྱུར་དང་ལམ་སྟོན། སྦྱོང་བརྡར། ཁྲིམས་མཐུན་དེབ་སྐྱེལ་སོགས་བྱེད་རྒྱུའི་ཐོག་མཐུན་འགྱུར་གནང་སྟེ་བོད་པའི་ཚོང་པ་རྣམས་ཡག་པོ་ཆགས་ན་སྤྱི་ཚོགས་ཀྱི་ཚོང་འབྲེལ་སྡེ་ཚན་གྱིས་སྤྱི་ཚོགས་ཞབས་ཞུ་ལ་འགན་ཁུར་བའི་ཐོག་ནས་མ་འོངས་པར་གངས་ལྗོངས་དཔལ་འབྱོར་ཞབས་ཞུ་ཁང་འདི་ཧ་ཅང་ཡག་པོ་དང་ཁེ་ཕན་ཆགས་ན། གངས་ལྗོངས་དཔལ་འབྱོར་ཞབས་ཞུ་ཁང་ནས་བོད་མིའི་སྒྲིག་འཛུགས་ཀྱི་སྔོན་རྩིས་ལའང་བརྒྱ་ཆ་ ༦ ཙམ་ཕན་ཐོགས་པ་ཡིན་ན། དྭང་བླངས་དཔྱ་དངུལ་ལག་དེབ་ནས་བརྒྱ་ཆ་ ༦ དང་། དངུལ་ཁང་ནས་སྐྱེད་ཀ་བརྒྱ་ཆ་ ༦ བཅས་ཁྱོན་བསྡོམས་བརྒྱ་ཆ་ ༡༨ གཞན་རྟེན་ཉུང་བ་ཆགས་ཀྱི་རེད། དེ་བཞིན་ང་ཚོས་བུ་ལོན་གཡར་བའི་གང་ཟག་དེ་དག་ཡག་པོ་ཆགས་པའི་སྐབས་གཞུང་ལ་བློ་བཅད་ཀྱི་ཞལ་འདེབས་བརྒྱ་ཆ་ ༡་་༢ འབུལ་རྒྱུར་དགོངས་པ་བཞེས་པ་ཡིན་ན། སྤྱི་ཚོགས་སྲ་བརྟན་དང་རང་ཁ་རང་གསོ་ཆགས་རྒྱུའི་ཁེ་ཕན་ཡོང་གི་རེད། ཅེས་སོགས་ཀྱི་གསུང་བཤད་གནང་། །
