ཕྱི་ལོ་ ༢༠༢༠ ཟླ་ ༧ ཚེས་ ༡༠ རེས་གཟའ་པ་སངས།
༄༅། །འདི་གར་ར་ཝང་ལ་ཀུན་ཕན་གླིང་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད། བོད་རྒྱལ་ལོ་ ༢༡༤༧ རབ་གནས་ལྕགས་བྱི་ལོའི་བོད་ཟླ་ ༥ ཚེས་ ༡༦ དང་ཕྱི་ལོ་ ༢༠༢༠ ཟླ་ ༧ ཚེས་ ༦ རེས་གཟའ་ཟླ་བ་ཉིན་ར་སྦང་ལ་ཀུན་ཕན་གླིང་བོད་མིའི་གཞིས་ཆགས་སུ་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་བརྒྱད་ཅུ་གྱ་ལྔར་ཕེབས་པའི་༸སྐུའི་འཁྲུངས་སྐར་དུ
དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༨ ཐོག་གཞིས་དགོན་ཐུབ་བསྟན་དར་རྒྱས་གླིང་དུ་དགེ་འདུན་པ་རྣམ་པས་དཀར་ཕྱོགས་སྐྱོང་བའི་ལྷ་སྲུང་རྣམས་ལ་འཕྲིན་བསྐུལ་གནང་།
དེ་ནས་ཆུ་ཚོད་ ༩།༡༥ ཐོག་༸སྐུ་པར་མཐོང་གྲོལ་རིན་པོ་ཆེར་ས་གནས་འགོ་འཛིན་དང་ས་འཐུས་ཚོགས་གཙོ་རྣམ་གཉིས་ནས་མཎྜེལ་རྟེན་གསུམ་འདེགས་འབུལ་ཞུས་རྗེས་ཆུ་ཚོད་ ༡༡ ཐོག་གཞིས་ཆགས་ཀྱི་རྒྱལ་ཡུམ་ཆེན་མོ་ཚོགས་ཁང་དུ་ཕྱིའི་སྐུ་མགྲོན་རྣམ་པ་ཆེད་ཕེབས་ཀྱིས་རྟེན་འབྲེལ་མཚོན་བྱེད་གསོལ་ཇ་འབྲས་སིལ་འདེགས་འབུལ་ཞུས་གྲུབ་མཚམས་ས་གནས་འགོ་འཛིན་ནས་དུས་ཆེན་ངོ་སྤྲོད་གསུང་བཤད་གནང།
དེ་ནས་སྐུ་མགྲོན་གཙོ་བོ་མཆོག་ནས་མར་མེ་ཞལ་ཕྱེ་གནང་སྟེ་༸སྐུའི་འཁྲུངས་སྐར་གྱི་ཀེག་ Cake གཅོད་བྲེགས་གནང་རྗེས་ས་གནས་རང་བདེན་ཚོགས་གཙོ་ནས་ཐུགས་རྗེ་ཞུའི་གསུང་བཤད་གནང་།
སྤྱིར་བོད་མིའི་སྒྲིག་འཛུགས་ཀྱིས་ཕྱི་ལོ་ ༢༠༢༠ ༸རྒྱལ་བའི་བཀའ་དྲིན་རྗེན་དྲན་ལོར་སྲུང་བརྩི་ཞུ་བཞིན་ཡོད་སྟབས། འདི་ག་ར་ཝང་ལ་ཀུན་ཕན་གླིང་བོད་མིའི་གཞིས་ཆགས་ནས་༸རྒྱལ་བའི་བཀའ་དྲིན་རྗེས་དྲན་མཚོན་སླད། ས་གནས་སུ་ཤིང་སྡོང་དང་མེ་ཏོག་ཁྱོན་ ༣༥༠༠ འདེབས་འཛུགས་གནང་ཡོད་པ་བཅས། །
