ཕྱི་ལོ་ ༢༠༢༠ ཟླ་ ༧ ཚེས་ ༧ རེས་གཟའ་མིག་དམར།

༄༅། །འདི་གར་བལ་ཡུལ་དོན་གཅོད་ཁང་ནས་བཏང་གནས་ནང་འཁོད་དོན། ལྷར་བཅས་སྲིད་ཞིའི་གཙུག་རྒྱན་སྤྱི་ནོར་༸གོང་ས་༸སྐྱབས་མགོན་ཐམས་ཅད་མཁྱེན་ཅིང་གཟིགས་པ་ཆེན་པོ་༸རྒྱལ་མཆོག་སྐུ་ཕྲེང་བཅུ་བཞི་པ་ཆེན་པོ་མཆོག་ཕྱི་ལུགས་ལྟར་དགུང་གྲངས་གྱ་ལྔར་ཕེབས་པའི་༸སྐུའི་འཁྲུངས་སྐར་གྱི་གཞུང་འབྲེལ་རྟེན་འབྲེལ་མཛད་སྒོ་བལ་ཡུལ་རྒྱལ་ཁབ་ཀྱི་ཡུལ་ཁྲིམས་ཀྱི་བཀའ་རྒྱའི་ལམ་སྟོན་དང་མ་བརྒལ་བའི་ཐོག་བལ་ཡུལ་མཆོད་འཇོར་ས་གནས་འགོ་འཛིན་ལས་ཁུངས་དུ་ཕྱི་ལོ་ ༢༠༢༠ ཟླ་ ༧ ཚེས་ ༦ ཉིན་གྱི་སྔོ་དྲོ་ཕྱག་ཚོད་ ༩ ཐོག་སྐུ་མགྲོན་གཙོ་བོ་བལ་ཡུལ་སྐུ་ཚབ་དོན་གཅོད་མཆོག་དབུ་བཞུགས་ཀྱིས་ཕྱོགས་བཞུགས་བོད་མི་མང་སྤྱི་འཐུས་རྣམ་པ་གཉིས་དང་།

ས་འཐུས་ཀྱི་ཚོགས་གཙོ་ཚོགས་གཞོན། ས་གནས་འགོ་འཛིན་ལ་སོགས་པའི་གཞུང་འབྲེལ་གནད་ཡོད་མི་སྣ་དང་། གཞན་ལས་བྱེད་ལྷན་འཛོམས་ཀྱིས་མཆོད་འཇོར་ལས་ཁུངས་ཀྱི་ཚོགས་ཁང་དུ་༸སྐུའི་འཁྲུངས་སྐར་དུས་ཆེན་སྲུང་བརྩི་ཞུས།   དེ་སྐབས་བལ་གཞུང་ས་གནས་ཉེན་རྟོག་པ་ལ་སོགས་པའི་སྐོར་སྲུང་གནས་སྟངས་འོག་གཞུང་འབྲེལ་རྟེན་འབྲེལ་མཛད་སྒོ་དགའ་གུས་སྤྲོ་གསུམ་གྱི་ངང་གང་ལེགས་ཚོགས་ཐུབ་པ་བྱུང་ཡོད།