ཕྱི་ལོ་ ༢༠༢༠ ཟླ་ ༧ ཚེས་ ༨ རེས་གཟའ་ལྷག་པ།

༄༅། །ཕྱི་ལོ་ ༢༠༢༠ ཟླ་ ༧ ཚེས་ ༦ ཉིན་སྒང་ཏོག་ས་གནས་འགོ་འཛིན་མི་འགྱུར་གཡུ་སྒྲོན་ལགས་ཀྱིས་གཙོས་ས་གནས་ཀྱི་གཞུང་འབྲེལ་མིན་པའི་ཚོགས་པ་ཁག་དྲུག་གི་སྐུ་ཚབ་དང་། བོད་ཀྱི་མགྲོན་ཁང་། དེ་བཞིན་ཡན་ལག་སྨན་རྩིས་ཁང་གི་འགན་འཛིན་བཅས་ཀྱིས་འབྲས་ལྗོངས་མངའ་སྡེའི་སྲིད་སྐྱོང་སྐུ་ཞབས་གངྒ་པྲ་སཏ་ Shri Ganga Prasad མཆོག་དང་མཇལ་འཕྲད་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༥ ལ་ཕེབས་པའི་༸སྐུའི་འཁྲུངས་སྐར་དུས་ཆེན་གྱི་རྟེན་འབྲེལ་མཚོན་བྱེད་དུ་ཕྱག་རྟགས་ཕུལ་ཡོད། 

སྐབས་དེར་མངའ་སྡེའི་སྲིད་སྐྱོང་མཆོག་གིས་༸སྐུའི་འཁྲུངས་སྐར་གྱི་དགའ་སྟོན་ལ་འཚམས་འདྲི་ཞུས་གནང་ཡོད་པ་བཅས། །