ཕྱི་ལོ་ ༢༠༢༠ ཟླ་ ༧ ཚེས་ ༦ རེས་གཟའ་ཟླ་བ།
༄༅། །ཕྱི་ལོ་ ༢༠༢༠ ཟླ་ ༧ ཚེས་ ༦ ཉིན་ཏེ་༸སྐུའི་འཁྲུངས་སྐར་ཉིན་བོད་མིའི་སྒྲིག་འཛུགས་ཀྱི་སྲི་ཞུའི་ལས་བྱེད་ཞབས་ལོ་ཉེར་ལྔ་ཧྲིལ་པོ་འཁོར་བའི་ལས་བྱེད་གསུམ་ལ་དཔལ་ལྡན་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་གིས་ལེགས་གསོའི་གཟེངས་རྟགས་ཕྱག་འཁྱེར་གནང་ཡོད།
དེ་ཡང་སྲི་ཞུའི་ལས་བྱེད་ཞབས་ལོ་ཉེར་ལྔ་ཧྲིལ་པོ་འཁོར་བའི་ལས་བྱེད་གསུམ་གྱི་ལོ་རྒྱུས་སྙིང་བསྡུས།
༡། ཨོ་སི་ཀྲོ་ལི་ཡའི་སྐུ་ཚབ་དོན་ཁང་གི་དྲུང་གཞོན་ལྷ་དབང་རྒྱལ་པོ་ལགས་ནི། ཕྱི་ལོ་ ༡༩༩༥ ཟླ་ ༢ ཚེས་ ༡༠ ནས་ལས་དྲུང་གནས་རིམ་དུ་ཟླ་དྲུག་ཚོད་ལྟར་བསྐོ་གཞག་གིས་སྤྱི་ཁྱབ་རྩིས་ཞིབ་ལས་ཁང་གི་ལས་དྲུང་ལས་འགན་བཀོད་སྒྲིག་དང་། ཕྱི་ལོ་ ༡༩༩༥ ཟླ་ ༡༡ ཚེས་ ༢༡ ནས་ལས་བྱེད་ངོ་མར་བསྐོ་གཞག་གིས་འཕྲོད་བསྟེན་ལས་ཁུངས་སུ་གནས་སྤོས། ཕྱི་ལོ་ ༡༩༩༧ ཟླ་ ༡ ཚེས་ ༢༠ ནས་ལས་དོའི་གནས་རིམ་དུ་ཡིག་རྒྱུགས་འཕྲོད་དེ་ཚོད་ལྟར་བསྐོ་གཞག་གིས་ལས་འགན་རང་འཇགས། ཕྱི་ལོ་ ༡༩༩༧ ཟླ་ ༨ ཚེས་ ༡༢ ནས་ལས་བྱེད་ངོ་མར་བསྐོ་གཞག་གིས་ལས་འགན་རང་འཇགས། ཕྱི་ལོ་ ༢༠༠༡ ཟླ་ ༡༠ ཚེས་ ༣༡ ནས་སྡེ་འགན་གནས་རིམ་དུ་གནས་སྤར་གྱིས་ལས་འགན་རང་འཇགས། ཕྱི་ལོ་ ༢༠༠༢ ཟླ་ ༡༡ ཚེས་ ༥ ཉིན་ནས་འོས་བསྡུ་ལས་ཁང་དུ་གནས་སྤོས། ཕྱི་ལོ་ ༢༠༠༤ ཟླ་ ༡༢ ཚེས་ ༢༣ ནས་བདེ་སྲུང་ལས་ཁུངས་སུ་གནས་སྤོས། ཕྱི་ལོ་ ༢༠༠༩ ཟླ་ ༣ ཚེས་ ༢༥ ནས་དྲུང་ལས་གནས་རིམ་དུ་གནས་སྤར་གྱིས་ལས་འགན་རང་འཇགས། ཕྱི་ལོ་ ༢༠༡༥ ཟླ་ ༦ ཚེས་ ༤ ནས་དྲུང་གཞོན་གནས་རིམ་དུ་གནས་སྤར་གྱིས་ལས་འགན་རང་འཇགས། ཕྱི་ལོ་ ༢༠༡༩ ཟླ་ ༧ ཚེས་ ༣༠ ནས་ཨོ་སི་ཀྲོ་ལི་ཡའི་སྐུ་ཚབ་དོན་ཁང་གི་དྲུང་གཞོན་དུ་གནས་སྤོས་ཀྱིས་དངོས་སུ་ལས་བཅར་ཞུས་ཏེ་ཞབས་འདེགས་ཞུ་མུས་ཡིན།
༢། འཕྲོད་བསྟེན་ལས་ཁུངས་ཀྱི་ལས་བྱ་ཁ་ལོ་བ་རི་བཞི་ཀརྨ་བསྟན་དར་ལགས་ནི། ཕྱི་ལོ་ ༡༩༩༥ ཟླ་ ༡ ཚེས་ ༡༢ ཉིན་ལས་བྱ་ཁ་ལོ་བ་གནས་རིམ་ཐོག་ཟླ་དྲུག་ཚོད་ལྟར་བསྐོ་གཞག་གིས་འཕྲོད་བསྟེན་ལས་ཁུངས་ཀྱི་ཁ་ལོ་བར་ལས་འགན་བཀོད་སྒྲིག་གནང་། ཕྱི་ལོ་ ༡༩༩༥ ཟླ་ ༨ ཚེས་ ༡༢ ཉིན་ནས་ལས་བྱེད་ངོ་མར་བསྐོ་གཞག་གིས་ལས་འགན་རང་འཇགས་ཐོག་ཞབས་འདེགས་ཞུ་མུས་ཡིན།
༣། ཕྱི་དྲིལ་ལས་ཁུངས་ཀྱི་ལས་བྱ་ཁ་ལོ་བ་བློ་བཟང་ཚེ་བརྟན་ལགས་ནི། ཕྱི་ལོ་ ༡༩༩༥ ཟླ ༡ ཚེས་ ༡༧ ཉིན་ལས་བྱ་ཁ་ལོ་བ་གནས་རིམ་ཐོག་ཟླ་དྲུག་ཚོད་ལྟར་བསྐོ་གཞག་གིས་ཕྱི་དྲིལ་ལས་ཁུངས་ཀྱི་ཁ་ལོ་བར་ལས་འགན་བཀོད་སྒྲིག་གནང་། ཕྱི་ལོ་ ༡༩༩༥ ཟླ་ ༨ ཚེས་ ༡༢ ཉིན་ནས་ལས་བྱེད་ངོ་མར་བསྐོ་གཞག་གིས་ལས་འགན་རང་འཇགས་ཐོག་ཞབས་འདེགས་ཞུ་མུས་ཡིནཔ་བཅས། །
