ཕྱི་ལོ་ ༢༠༢༠ ཟླ་ ༥ ཚེས་ ༡༡ རེས་གཟའ་ཟླ་བ།
༄༅། །ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དང་ཁོང་གི་ཡབ་ཡུམ་བཅས་རྒྱ་ནག་གཞུང་གིས་ཕྱི་ལོ་ ༡༩༩༥ ཟླ་ ༥ ཟླ་ ༡༧ ཉིན་བཙན་ཁྲིད་གསང་ཉར་བྱས་པ་ནས་བཟུང་གར་སོང་ཆ་མེད་དུ་གྱུར་ཏེ་ཕྱི་ལོ་ ༢༠༢༠ ཟླ་ ༥ ཚེས་ ༡༧ ཉིན་ལོ་ངོ་ ༢༥ ཧྲིལ་པོ་འཁོར་གྱི་ཡོད་པ་དང་བསྟུན། ཨིན་ཡུལ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ཊིམ་ལུབ་ཊོན་ Tim Loughton མཆོག་གིས་བརྙན་ཐུང་བརྒྱུད་འཛམ་གླིང་གི་དབུ་ཁྲིད་རྣམ་པ་དང་། རྒྱལ་སྤྱིའི་ཚོགས་སྡེ་ཁག་ལ་ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་གི་རང་དབང་སླད་དུ་རྒྱབ་སྐྱོར་གནང་དགོས་པའི་འབོད་སྐུལ་གནང་ཡོད་པ་མ་ཟད། རྒྱ་ནག་གཞུང་ལ་ཀུན་གཟིགས་པཎ་ཆེན་རིན་པོ་ཆེ་མཆོག་གློད་བཀྲོལ་གཏོང་དགོས་པའི་འབོད་སྐུལ་ཡང་གནང་ཡོད།
གཞན་ཡང་སྐུ་ཞབས་ཊིམ་ལུབ་ཊོན་མཆོག་གིས་རྒྱ་ནག་གཞུང་གིས་བོད་མིའི་ཆོས་དད་དང་། རིག་གཞུང་། སྐད་ཡིག་རང་དབང་བཅས་ཀྱི་ཐོག་དྲག་གནོན་བྱེད་བཞིན་པ་རྣམས་དག་ཐེར་བྱེད་དགོས་པ་དང་། རྒྱ་ནག་གཞུང་གིས་ཐབས་ལམ་འདྲ་མིན་བརྒྱུད་བོད་མིའི་ཐོག་མནར་གཅོད་གཏོང་བཞིན་པ་ནི་དྲང་བདེན་མ་ཡིན་པ་ཞིག་ཡིན་ཞིང་། གནད་དོན་དེའི་ཐད་རྒྱལ་སྤྱིའི་ཚོགས་སྡེ་ཁག་ནས་བོད་མིར་རྒྱབ་སྐྱོར་གནང་དགོས་པ་སོགས་ཀྱི་སྐོར་གསུངས།།
