ཕྱི་ལོ་ ༢༠༢༠ ཟླ་ ༥ ཚེས་ ༡༤ རེས་གཟའ་ཕུར་བུ། 

༄༅། །བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག་བོད་རང་བཙན་སློབ་ཕྲུག་ཚོགས་པའི་གཞོན་སྐྱེས་འགོ་ཁྲིད་ཁག་གཅིག་གིས་ཕྱི་ལོ་ ༢༠༢༠ ཟླ་ ༥ ཚེས་ ༡༡ ཉིན་ཨ་རིའི་མང་གཙོ་ཚོགས་པའི་གྲོས་ཚོགས་འཐུས་མི་སྐུ་ཞབས་ཇིམ་མེག་གྷོ་ཝན་མཆོག་དང་ལྷན་༢༠༡༩ ལོའི་བོད་དོན་རྒྱབ་སྐྱོར་གྱི་བསྐྱར་ཞིབ་ཁྲིམས་འཆར་གསར་པ་ Tibetan Policy and support Act 2019 དང་འབྲེལ་བའི་སྐོར་དྲ་རྒྱ་བརྒྱུད་གོ་བསྡུར་སྦྱངས་བཤད་གནང་སྐབས།
ཨ་རིའི་མང་གཙོ་ཚོགས་པའི་གྲོས་ཚོགས་འཐུས་མི་སྐུ་ཞབས་ཇིམ་མེག་གྷོ་ཝན་ Jim McGovern མཆོག་གིས། གཉན་འཕྲང་ཅན་གྱི་དུས་སྐབས་འདིར་ཨ་རིའི་བོད་རིགས་སྤྱི་མཐུན་ཚོགས་པ་ཁག་གིས་ཨ་རིའི་ནང་མི་མང་དགོས་ངེས་ཅན་རིགས་ལ་རླངས་འཁོར་བརྒྱུད་བཟའ་བཅའ་མཁོ་སྤྲོད་ལས་གཞིའི་སླད་དུ་ཨ་སྒོར་སུམ་ཁྲི་ལྔ་སྟོང་ཐམ་པ་ཞལ་འདེབས་ཕུལ་ཡོད་པ་དེ་ནི་སེམས་ཤུགས་སྐྱེད་འོས་པ་ཞིག་དང་། བཟའ་བཅའི་འགན་སྲུང་ཐད་རྒྱལ་ཁབ་དང་རྒྱལ་སྤྱིའི་ཐོག་ནས་ཐུགས་ཁུར་གནང་དགོས་པའི་གནད་དོན་ཞིག་ཆགས་ཡོད་པ་མ་ཟད། སོ་སོ་ཡིན་ནའང་གནད་དོན་དེའི་ཐད་ད་བར་ཧུར་ཐག་འབད་ཐག་གིས་ཞབས་ཞུ་ཞུས་དང་ཞུ་མུས་ཡིན། ཞེས་གསུངས།།