ཕྱི་ལོ་ ༢༠༢༠ ཟླ་ ༥ ཚེས་ ༡༤ རེས་གཟའ་ཕུར་བུ།
༄༅། །ཕྱི་ལོ་ ༢༠༢༠ ཟླ་ ༥ ཚེས་ ༡༤ རེས་གཟའ་ཕུར་བུའི་ཕྱི་དྲོ་ཆུ་ཚོད་ ༥ ཡོལ་ཙམ་ལ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་དང་། དཔལ་འབྱོར་བཀའ་བློན་ཀརྨ་ཡེ་ཤེས་མཆོག འཆར་འགོད་འགན་འཛིན་འབུམ་རམས་པ་དཀོན་མཆོག་བརྩོན་འགྲུས་ལགས། སྤྱི་ཚོགས་ཡར་
སྐབས་དེར་ཐོག་མར་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ད་ལྟའི་ཛ་དྲག་གི་དུས་སྐབས་སུ་བཙན་བྱོལ་བོད་མིའི་འཚོ་རྟེན་དང་འཕྲོད་བསྟེན། ཤེས་ཡོན་སོགས་ཕྱོགས་ཡོངས་ཀྱི་གནས་སྟངས་ལ་འཕྲད་བཞིན་པའི་དཀའ་ངལ་ལ་བོད་མིའི་སྒྲིག་འཛུགས་ཀྱི་ནང་ཤེས་འཕྲོད་གསུམ་གཙོ་བོར་གྱུར་བའི་འབྲེལ་ཡོད་ལྷན་ཁང་ནས་དཀའ་སེལ་ལས་གཞི་ཇི་ལྟར་སྤེལ་མུས་ཡིན་པའི་གནས་སྟངས་རོབ་ཙམ་ངོ་སྤྲོད་གནང་བསྟུན། དཔལ་འབྱོར་བཀའ་བློན་མཆོག་དང་འཆར་འགོད་འགན་འཛིན་བཅས་ཀྱིས་ཏོག་དབྱིབས་གཉན་རིམས་ཁྱབ་བརྡལ་ཆེ་བའི་དུས་སྐབས་སུ་བསམ་བློ་གཏོང་སྟངས་སོགས་ངོ་སྤྲོད་གནང་།
དེ་རྗེས་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་སྤྱི་ཚོགས་ཡར་
དེ་ཡང་བོད་མི་རྒས་འཁོགས་གྲངས་ ༡༡༠༥༡ ལ་བོད་སྨན་སྨན་སྦྱིན་དང་། སྨན་ཞབས་པ་དང་འཕྲོད་བསྟེན་སློབ་སྟོན་པ། དང་བླངས་བཅས་ཁྱོན་མི་གྲངས་ ༤༠ ལ་ཟླ་བ་གསུམ་རིང་གླ་ཆ་སྤྲད་ནས་ངལ་སེལ་ལས་གཞི་ཚགས་ཚུད་གཏང་རྒྱུ་དང་། ཛ་དྲག་སྨན་བཅོས་ཁང་གི་མཐུན་འགྱུར་སྐྲུན་རྒྱུ། ནད་སྐྱོབ་སྣུམ་འཁོར་གྲངས་ ༣༠ གཡར་པོ་ཞུས་ནས་ཛ་དྲག་གི་གནས་སྟངས་ཆེད་གྲ་སྒྲིག་ཚགས་ཚུད་གནང་རྒྱུ། གཞན་ཡང་འགོག་དབྱེ་ཟུར་འཇོག་ཁང་ quarantine Centers བཅུ་ལ་མཐུན་འགྱུར་སྦྱར་རྒྱུ། སྨན་ཁང་ ༣༣ ལ་ཛ་དྲག་སྨན་བཅོས་མཐུན་རྐྱེན་མཁོ་སྤྲོད་ཞུ་རྒྱུ། ཏོག་དབྱིབས་གཉན་རིམས་ནད་པ་སྨན་བཅོས་བྱེད་ཡུལ་སྨན་ཁང་ ༨ ལ་ཛ་དྲག་སྨན་བཅོས་མཐུན་རྐྱེན་སྦྱོར་རྒྱུ་སོགས་དང་།
ཕྱོགས་མཚུངས་ནང་སྲིད་ལས་གཞིའི་ཁོངས་སུ་རོགས་དངུལ་དེ་ཁོངས་ནས་ཧིན་སྒོར་ ༦༡༦༡༧༨༩།༠༠ ཐམ་པ་འགྲོ་གྲོན་བཏང་ནས་རྒས་གསོ་ཁང་ ༢༡ ནང་རྒས་འཁོགས་གྲངས་ ༧༠༠ ཙམ་ལ་སྨན་དང་ཟ་འབྲུ་མཁོ་སྒྲུབ་ཞུ་རྒྱུ།
བོད་མི་ཉམ་ཐག་དབུལ་ཕོངས་གྲངས་ ༦༣༥ ལ་མི་རེར་ཧིན་སྒོར་ ༤༠༠༠ གནས་པའི་ཟླ་བ་གསུམ་ཙམ་རིང་ཟ་འབྲུ་མཁོ་སྒྲུབ་ཞུ་རྒྱུ། ཕྱོགས་མཚུངས་ལོ་ངོ་ ༦༥ བརྒལ་བའི་བོད་མི་རྒས་གཅོང་ཉམ་ཐག་མི་གྲངས་ ༡༥༥ ལ་ཟླ་གསུམ་རིང་མི་རེར་རིན་འབབ་ཧིན་སྒོར་ ༩༠༠༠ ཐམ་པའི་ཟ་འབྲུ་མཁོ་སྒྲུབ་ཞུ་རྒྱུ། འཁོས་ཞན་སློབ་ཕྲུག་ ༢༩༧ ལ་མི་རེ་རེར་རིན་འབབ་ཧིན་སྒོར་ ༡༠༠༠ ཅན་གྱི་ཟ་འབྲུ་མཁོ་སྒྲུབ་ཆེད་མཐུན་འགྱུར་སྦྱར་རྒྱུ།
ཕྱོགས་མཚུངས་བལ་ཡུལ་ནང་གི་བོད་མི་བཙན་བྱོལ་བ་རྣམས་ལ་ཛ་དྲག་སྨན་བཅོས་ཀྱི་མཐུན་རྐྱེན་སྦྱོར་ཆེད། སྨན་ཞབས་དང་འཕྲལ་སེལ་ལས་བྱེད་གཡར་པོ་ཞུ་རྒྱུ། བལ་སྒོར་ ༣༢༦༠༠༠༠།༠༠ ཐམ་པ་འགྲོ་གྲོན་འོག་བལ་ཡུལ་ནང་གི་ཏོག་དབྱིབས་གཉན་རིམས་སྔོན་འགོག་ཆེད་དོགས་གཞི་ཡོད་པའི་བོད་མི་འགོག་དབྱེ་ཟུར་འཇོག་ཁང་ ༦ ནང་ཟ་འབྲུ་མཁོ་གཏོང་ཞུ་རྒྱུ་དང་། རྒས་གསོ་ཁང་ ༦ ནང་གི་རྒས་འཁོགས་ ༡༡༦ ལ་སྨན་དང་ཟ་འབྲུ་མཁོ་སྒྲུབ་ཞུ་རྒྱུ། རྒས་འཁོགས་གྲངས་ ༡༥༠༠ དང་གཞན་ཡང་ལུས་ཟུངས་ཞན་པའི་བོད་མི་ནད་གཅོང་ཁག་གཅིག་ལ་ཟུངས་གསོའི་ཆེད་བོད་སྨན་མཁོ་སྒྲུབ་ཞུ་རྒྱུ། བོད་མི་ཉམ་ཐག་ནད་གཅོང་མི་གྲངས་ ༢༠༠ བལ་སྒོར་ ༧༢༨༢༤༠༠ རིན་འབབ་ཅན་གྱི་ཟ་འབྲུ་མཁོ་སྒྲུབ་ཞུ་རྒྱུ། ལོ་ངོ་ ༦༥ བརྒལ་བའི་བོད་མི་ཉམ་ཐག་དང་ཁེར་རྐྱང་གནས་མཁན་མི་གྲངས་ ༣༥༠ ལ་ཟླ་བ་གསུམ་རིང་མི་རེར་རིན་འབབ་བལ་སྒོར་ ༡༤༤༠༠ ཅན་གྱི་ཟ་འབྲུ་མཁོ་སྒྲུབ་ཞུ་རྒྱུ། འཁོས་ཞན་སློབ་ཕྲུག་ ༡༤ ལ་མི་རེ་རེ་བལ་སྒོར་ ༡༦༠༠ ཅན་གྱི་ཟ་འབྲུ་བགོ་འགྲེམས་གནང་རྒྱུ་སོགས་ཡིན་འདུག་པ་བཅས།།
