ཕྱི་ལོ་ ༢༠༢༠ ཟླ་ ༥ ཚེས་ ༤ རེས་གཟའ་ཟླ་བ། 

༄༅། །སྦེལ་ཇམ་གྲོས་ཚོགས་འཐུས་མི་སྐུ་ཞབས་སེ་མུལ་ཀོ་གོ་ལ་ཏི་ Mr Samuel Cogolati མཆོག་གིས་བོད་མཐོ་སྒང་གི་གནམ་གཤིས་འགྱུར་ལྡོག་དང་ཁོར་ཡུག་ཉམས་ཆག་ཏུ་འགྲོ་བཞིན་པའི་གནད་དོན་སྐོར་བཀའ་འདྲི་ཞུས་བར།  སྦེལ་ཇམ་གྱི་ཕྱི་སྲིད་དང་བདེ་སྲུང་བཀའ་བློན་སྐུ་ཞབས་ཕི་ལིབ་གྷོ་ཕིན་ Mr. Philippe Goffin མཆོག་གིས་ཕྱི་ལོ་ ༢༠༢༠ ཟླ་ ༤ ཚེས་ ༢༥ ཉིན་ལན་འདེབས་གནང་དོན།

ཕྱི་ལོ་ ༢༠༡༩ ཟླ་ ༡༡  ཚེས་ ༡༩ ཉིན་སྦེལ་ཇམ་གཞུང་དང་བོད་རང་སྐྱོང་ལྗོངས་དམར་ཤོག་ཚོགས་པའི་སྐུ་ཚབ་ཚོགས་ཆུང་ཕྱོགས་གཉིས་དབར་ཚོགས་འདུ་ཚོགས་པའི་སྐབས་བོད་མཐོ་སྒང་གི་གནམ་གཤིས་འགྱུར་ལྡོག་དང་། ཁོར་ཡུག་ཉམས་ཆག  སྐྱེ་དངོས་སྲུང་སྐྱོབ། རྒྱུན་གནས་འཕེལ་རྒྱས་བཅས་ཀྱི་གནད་དོན་སྐོར་གླེང་སློང་གནང་ཡོད་པ་མ་ཟད། གནད་དོན་དེ་ཚོའི་ཐད་སྦེལ་ཇམ་གྱི་ཕྱི་སྲིད་ལས་ཁུངས་དང་རྒྱ་ནག་གི་རྒྱལ་ས་པེ་ཅིན་དུ་རྟེན་གཞི་བྱས་པའི་སྦེལ་ཇམ་གཞུང་ཚབ་ཁང་གིས་གཟབ་ནན་གྱིས་ལྟ་རྟོག་བྱེད་བཞིན་ཡོད། ཅེས་གསུངས། །