༢༠༢༠ ཟླ་ ༤ རེས་གཟའ་ཟླ་བ།
༄༅། །དཔལ་རྒྱལ་བ་ཀརྨ་པ་སྐུ་ཕྲེང་བཅུ་བདུན་པ་ཆེན་པོ་ཨོ་རྒྱན་འགྲོ་འདུལ་ཕྲིན་ལས་རྡོ་རྗེ་དཔལ་བཟང་པོ་མཆོག་གི་ལམ་སྟོན་དགོངས་གཞིའི་འོག རྒྱ་གར་ནང་དུ་ COVID-19ཏོག་དབྱིབས་གཉན་ནད་ཁྱབ་བརྡལ་འགྲོ་མུས་ལ། རྒྱ་གར་གཞུང་མང་ལ་གདུང་སེམས་མཉམ་སྐྱེ་དང་རྒྱབ་སྐྱོར་མཚོན་ཆེད་དུ། དཔལ་རྒྱལ་བ་ཀརྨ་པ་མཆོག་གི་སྤྱི་ལས་ཁང་འཛིན་སྐྱོང་མཚུར་ཕུ་བླ་བྲང་གི་ཀུན་སྐྱོང་ཐེབས་རྩ་ནས། ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་གྱི་ངལ་སེལ་ཐེབས་རྩར་ཧིན་སྒོར་འབུམ་གསུམ་གནང་བ་མ་ཟད། རྒྱ་གར་གྱི་སྲིད་བློན་མཚན་ཐོག་ངལ་སེལ་རོགས་སྐྱོར་ཆེད་ཧིན་སྒོར་འབུམ་བཅུ་གཉིས་ཞལ་འདེབས་གནང་འདུག
ཕྱོགས་མཚུངས་སྦས་ཡུལ་འབྲས་མོ་ལྗོངས་སུ་ཆགས་པའི་དཔལ་རྒྱལ་བ་ཀརྨ་པ་མཆོག་གི་གདན་ས་རུམ་བཏེག་ཀརྨ་བཤད་སྒྲུབ་ཆོས་འཁོར་གླིང་གི་མཚུར་ཕུ་བླ་བྲང་ནས། འབྲས་ལྗོངས་མངའ་སྡེའི་སྤྱི་ཁྱབ་བློན་ཆེན་ངལ་སེལ་ཐབས་རྩར་ ཧིན་སྒོར་འབུམ་གསུམ་གནང་བ་དང་། གནས་མཆོག་རྡོ་རྗེ་གདན་བཀའ་བརྒྱུད་སྨོན་ལམ་ཆེན་མོའི་ཐེབས་རྩ་ཚོགས་པ་ནས། བི་ཧར་མངའ་སྡེའི་བློན་ཆེན་ངལ་སེལ་ཐེབས་རྩར་ཧིན་སྒོར་འབུམ་ལྔ་ཞལ་འདེབས་སུ་གནང་འདུག
གཞན་ཡང་རྒྱ་གར་གྱི་སྲིད་བློན་ན་རེནྡྲ་མོ་དི་གཅེས་སྐྱོང་ཁང་Shri Narendra Modi གི་ཐེབས་རྩ་ལ་ཧིན་སྒོར་འབུམ་ལྔ་ཕུལ་བ་བཅས་དཔལ་རྒྱལ་བ་ཀརྨ་པ་མཆོག་གིས་ཁྱོན་ཧིན་སྒོར་༢༨༠༠༠༠༠ རྒྱ་གར་དབུས་སའི་ངལ་སེལ་རོགས་སྐྱོབ་ལས་གཞིར་ཞལ་འདེབས་སུ་ཕུལ་ནས་ཏོག་དབྱིབས་ནད་ཡམས་མྱུར་དུ་ཞི་བ་དང་། ཉམ་ཐག་ཚོར་ཉིན་རེའི་དགོས་མཁོའི་བཟའ་བཅའ་དང་སྨན་རིན་སོགས་ལ་ཆེད་དུ་དམིགས་པ་ཡིན་པ་བཅས།།
