ཕྱི་ལོ་ ༢༠༢༠ ཟླ་ ༣ ཚེས་ ༡༣ རེས་གཟའ་པ་སངས།
༄༅། །བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དྲུང་ལས་ཁུངས་སུ་གྲོས་ཚོགས་ལས་རིམ་ཕབ་སྒྱུར་གྱི་ལས་དོན་ཆེད་ལས་དྲུང་ས་མིག་ཐོག་ཉིན་གླའི་ལས་བྱེད་ ༡ བསྐོ་གཞག་གནང་འཆར་ཡིན་ན། གཤམ་གསལ་ཆ་རྐྱེན་ཚང་ཞིང་ཞབས་འདེགས་ཞུ་འདོད་ཡོད་རིགས་ནས་འཚང་སྙན་འབུལ་འཐུས།
དགོས་ངེས་ཆ་རྐྱེན།
༡། ཉུང་མཐར་ལེགས་བྱང་མཐོ་རིམ་རབ་འབྱམས་པའི་ཤེས་ཚད་ལག་འཁྱེར་ཚད་ལྡན་ཡོད་པ།
༢། ནང་པའི་ལྟ་གྲུབ་དང་ཚན་རིག་གི་ Diploma ཡོད་ན་བརྒྱ་ཆ་འཕར་མ།
༢། བོད་ཡིག་འབྲི་ཀློག་འཕེར་བ་དགོས་རྒྱུ།
༣། ཀམ་པུ་ཊར་ཤེས་ཚད་གང་ལེགས་ཡོད་པ།
༤། རྒྱུགས་གཞི། ངག་རྒྱུགས་ལེན་རྒྱུ།
གོང་གསལ་ས་མིག་ཐོག་ཆ་རྐྱེན་ལྡན་རིགས་ནས་འཚང་སྙན་འགེངས་ཤོག་མཉམ་གཤམ་གསལ་ཡིག་ཆ་ཁག་ངེས་པར་མཉམ་སྦྱར་དགོས་རྒྱུ།
༡། ཉུང་མཐའ་ལེགས་བྱང་མཐོ་རིམ་རབ་འབྱམས་པའི་ཤེས་ཚད་ལག་འཁྱེར་ཚད་ལྡན་ཡོད་པ།
༢། བོད་མིའི་དྭང་བླངས་དཔྱ་དངུལ་ཕྱི་ལོ་ ༢༠༢༠ ཟླ་ ༣ ཚེས་ ༣༡ བར་གཙང་ཕུལ་ཟིན་པའི་ལག་དེབ་ཀྱི་ངོ་བཤུས།
༣། གནས་ཡུལ་རྒྱལ་ཁབ་རྒྱ་གར་ནང་ཁྲིམས་མཐུན་གནས་སྡོད་ཆོག་པའི་སྐྱབས་བཅོལ་ལག་དེབ་ཀྱི་ངོ་བཤུས།
༤། བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཀྱི་ཁྱབ་ཁོངས་རྒྱ་བོད་སྨན་ཁང་ཡོད་ན་དང༌། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ (Medical Certificate) ངོ་མ།
༥། འབྲེལ་ཡོད་ས་གནས་འགོ་འཛིན་ནས་བྱ་སྤྱོད་ཐལ་སྐྱོན་མེད་པའི་ངོས་སྦྱོར་ངོ་མ་བཅས་མཉམ་འབུལ་དགོས།
གོང་གསལ་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ། ལས་བྱེད་འདེམས་ལྷན་ནས་བསྐོ་གཞག་བྱས་པའི་ཟུང་དྲུང་གནས་རིམ་ཡན་སུ་རུང་གི་དག་མཆན་ལས་དམ་འཁོད་པ་ Attestation ཞུས་ཏེ་ཕྱི་ལོ་ ༢༠༢༠ ཟླ་ ༣ ཚེས་ ༢༧ ཉིན་གྱི་དགོང་དྲོ་ཆུ་ཚོད་ ༤ འགྱངས་མེད་འབུལ་དགོས་རྒྱུ། དོ་བདག་སོ་སོར་འབྲེལ་བ་གནང་བདེའི་སླད་ཁ་བྱང༌། གློག་འཕྲིན་ e-mail ཁ་པར་ཨང་བཅས་འཚང་སྙན་ནང་ཁ་གསལ་འགོད་དགོས། དུས་བཀག་རྗེས་འཚང་སྙན་ཕུལ་འབྱོར་རིགས་ངོས་བཞེས་གནང་རྒྱུ་མིན།
ཕོགས་དང་ཐོབ་ཐང་གཞན། དཔལ་ལྡན་བཀའ་ཤག་གི་ཉིན་གླའི་རྩ་འཛིན་དགོངས་དོན་ལྟར་ཉིན་གླའི་གླ་ཕོགས་འཐོབ་རྒྱུ། གཞུང་འབྲེལ་གུང་སེང་དང་རེས་གཟའ་སྤེན་པ་ཉི་མའི་གུང་སེང༌། དེ་མིན་ལས་ཁུངས་གློ་བུར་སྒོར་རྒྱབ་པ་དང༌། དམིགས་བསལ་གུང་སེང༌། དེ་བཞིན་དོ་བདག་རང་ངོས་ནས་ལས་བཅར་མ་ཞུས་པ་བཅས་ལ་ཉིན་གླ་མེད།
ཞུ་སྙན་ཕུལ་འབྱོར་ཁག་ལ་འདི་ནས་ཞིབ་འཇུག་དང་འབྲེལ་འོས་ཆོས་ལྡན་པ་ཚོར་འབོད་བརྡ་དང་འབྲེལ་ངག་རྒྱུགས་ལམ་ནས་འདེམས་བསྐོ་བྱ་རྒྱུར་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་ཁག་མཉམ་འཁྱེར་གྱིས་འབྱོར་ཐོ་འགོད་བཅར་དགོས་པ་བཅས་ཀྱི་གསལ་བསྒྲགས་སུ། སྤྱི་འཐུས་ཚོགས་དྲུང་ལས་ཁུངས་ནས་ཕྱི་ལོ་ ༢༠༢༠ ཟླ་ ༣ ཚེས་ ༡༣ ལ།།
The Secretary
Tibetan Parliamentary Secretariat
Gangchen Kyishong
Dharamsala-176215
Distt. Kangra, H.P INDIA
