ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་བགྲོ་གླེང་ལྷན་ཚོགས་སུ་ལྷན་ཞུགས་གནང་བ།

གསར་ལས་ཁང་གི་གསར་འགོད་པས།

༢༠༢༠-༠༣-༠༢

ཕྱི་ལོ་ ༢༠༢༠ ཟླ་ ༣ ཚེས་ ༢ རེས་གཟའ་ཟླ་བ།

༄༅། །ཕྱི་ལོ་ ༢༠༢༠ ཟླ་ ༢ ཚེས་ ༢༨ ཉིན་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་གདན་ས་དཔལ་སྤུངས་ཤེས་རབ་གླིང་དུ་དེ་གའི་དགོན་པས་གོ་སྒྲིག་ཞུས་པའི་བགྲོ་གླེང་ལྷན་ཚོགས་ Water for Life, Active Peace- One World One Humanity ཞེས་པའི་བརྗོད་གཞིའི་ཐོག་ཕྱི་རྒྱལ་མཁས་དབང་དང་ལྷན་བགྲོ་གླེང་ལྷན་ཚོགས་ཞིག་གོ་སྒྲིག་ཞུས་པའི་དམིགས་གསལ་སྐུ་མགྲོན་དུ་མགྲོན་འབོད་ཞུས་པ་བཞིན་ངོ་ཕེབས་གནང་ཡོད།

མཛད་སྒོའི་སྐུ་མགྲོན་གཙོ་བོ་༧བྱམས་མགོན་ཀན་ཏིངཏཱའི་སི་ཏུ་རིན་པོ་ཆེ་མཆོག་གིས་ཚོགས་ཆེན་གི་ངོ་སྤྲོད་གསུང་བཤད་གནང་བ་དང་། དེ་རྗེས་ཆོས་ལུགས་ཁག་གི་འགོ་ཁྲིད་རིམ་པས་ཆོས་ཕྱོགས་ཀྱི་ཆོ་ག་འདོན་ཡོད།

བཀའ་བློན་མཆོག་གིས་༧བྱམས་མགོན་ཏཱའི་སི་ཏུ་རིན་པོ་ཆེ་མཆོག་དབུས་པའི་དཔལ་སྤུངས་ཤེས་རབ་གླིང་གི་མཁན་ལས་སྣེ་དགེ་འདུན་ཡོངས་ནས་འཛམ་གླིང་སྤྱིའི་ཞི་བདེ་སྐྲུན་ཐབས་ལ་ཕན་པའི་ཚོགས་ཆེན་དེ་དང་། དེ་འདྲ་བ་མང་པོ་ཞིག་ལོ་མང་རིང་གོ་སྒྲིག་གནང་བར་རྗེས་སུ་ཡི་རངས་དང་བསྔགས་བརྗོད་ཞུས་ཡོད།

ཉིན་རྒྱབ་ཕྱི་རྒྱལ་གྱི་མཁས་དབང་ཁག་གི་བརྗོད་གཞི་དང་འབྲེལ་བའི་ཐོག་གསུང་བཤད་གནང་ཡོད། ཐེངས་འདིའི་ཚོགས་ཆེན་ལ་མཉམ་ཞུགས་གནང་མཁན་རྒྱལ་ཁབ་འདྲ་མིན་གྱི་ཆོས་ལུགས་ཁག་གི་འགོ་ཁྲིད་དང་། མཁས་དབང་། དེ་བཞིན་གྲྭ་བཙུན་སློབ་ཕྲུག་ ༡༠༠ ལྷག་ཡོད་འདུག །

གསར་གནས།