ཕྱི་ལོ་ ༢༠༢༠ ཟླ་ ༢ ཚེས་ ༦ རེས་གཟའ་ཕུར་བུ། 

༄༅། །བྱང་ཨ་རི་སྐུ་ཚབ་དོན་གཅོད་དངོས་གྲུབ་ཚེ་རིང་ལགས་ཕྱི་ལོ་ ༢༠༢༠ ཟླ་ ༢ ཚེས་ ༤ ནས་ ༦ བར་ཁེ་ན་ཌའི་ནང་གཞུང་འབྲེལ་ཕྱོགས་ཕེབས་གནང་བར་བརྟེན། ཟླ་འདིའི་ཕྱི་ཚེས་ ༤ ཉིན་བྱང་ཨ་རིའི་སྐུ་ཚབ་དོན་གཅོད་ཁང་གི་དྲུང་ཆེ་བཀྲ་ཤིས་དོན་གྲུབ་ལགས་ཀྱིས་ཐེ་ཝན་གྱི་སྲིད་འཛིན་གཞོན་པར་བདམས་ཐོན་སྐུ་ཞབས་ཝི་ལིམ་ལེ་ William Lai མཆོག་ལ་མཇལ་འཕྲད་གནང་སྟེ་ ༼  ལོ་རྒྱུས་ཐོག་བོད་རྒྱ་ནག་གི་ཆ་ཤས་ནམ་ཡང་མིན། འོན་ཀྱང་དབུ་མའི་ལམ་གྱི་སྲིད་བྱུས་ནི་བོད་རྒྱའི་དཀག་རྙོག་སེལ་བར་འོས་ཤིང་འཚམས་པའི་ཐབས་ལམ་ཞིག་ཡིན། ༽   ཞེས་ཨིན་སྐད་ཐོག་ཡོད་པའི་དཔེ་དེབ་གཅིག་དང་དཀར་གཙང་གི་ཁ་བཏགས་དཀར་པོ་ཞིག་བཅས་སྲིད་འཛིན་གཞོན་པ་མཆོག་ལ་འབུལ་སྐབས། ཁོང་གིས་དེབ་དེར་གཟིགས་རྗེས་ཐེ་ཝན་ཡང་རྒྱ་ནག་གི་ཆ་ཤས་ནམ་ཡང་ཆགས་མྱོང་མེད། ཅེས་གསུངས།

གཞན་ཡང་བཀྲ་ཤིས་དོན་གྲུབ་ལགས་ཀྱིས་ཡུ་གུར་ཁེ་ལས་པའི་ཚོགས་པ་ Uyghur Entrepreneurs Network གསར་འཛུགས་གནང་མཁན་དང་ཚོགས་གཙོ་ཨ་ཊི་ལེ་ Kuzzat Atlay ལགས་དང་གནད་ཡོད་མི་སྣ་ཁག་གཅིག་བཅས་དང་ཐུག་འཕྲད་གནང་ཡོད་པ་བཅས།།