ཕྱི་ལོ་ ༢༠༢༠ ཟླ་ ༢ ཚེས་ ༡༧ རེས་གཟའ་ཟླ་བ། 

༄༅། །ཕྱི་ལོ་ ༢༠༢༠ ཟླ་ ༤ ཚེས་ ༢ ནས་ ༤ བར་ཉིན་གྲངས་གསུམ་གྱི་རིང་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཁྱབ་ཁོངས་སྤྱི་ཚོགས་ཡར་རྒྱས་ཐེབས་རྩ་དང་ཕྱི་དྲིལ་ལས་ཁུངས་ཀྱི་གོ་སྒྲིག་འོག་བཞུགས་སྒར་རྡ་སར་རྒྱལ་སྤྱིའི་བོད་རིགས་སྤྱི་མཐུན་ཚོགས་པ་དང་ཚོགས་སྡེ་ Global summit of International Tibetan Associations Organizations ཁག་གི་སྐུ་ཚབ་རྣམ་པའི་ཚོགས་འདུ་འཚོགས་གཏན་འཁེལ་ཡོད་པ་དང་། ཚོགས་འདུའི་ཐོག་རྒྱལ་སྤྱིའི་བོད་རིགས་སྤྱི་མཐུན་ཚོགས་པ་ཁག་གི་སྐུ་ཚབ་གྲངས་ ༡༢༥ ལྷག་མཉམ་ཞུགས་གནང་རྒྱུ་ཡིན་པ་རེད།

ཐེངས་འདིའི་ཚོགས་འདུའི་བརྗོད་གཞི་གཙོ་བོ་བཞི་སྟེ།

༡༽ རྒྱལ་སྤྱིའི་ཐོག་བོད་དོན་ཞུ་གཏུག་གི་ལས་འགུལ་ཤུགས་ཆེ་རུ་གཏོང་ཐབས།

༢༽ བོད་མིའི་རིག་གཞུང་དང་། སྐད་ཡིག ཤེས་ཡོན་བཅས་ཉམས་པ་སླར་གསོ་དང་མི་ཉམས་གོང་འཕེལ་གཏོང་ཐབས།

༣༽ བོད་མིའི་ཚོགས་པ་ཁག་སྲ་བརྟན་དུ་གཏོང་ཐབས།

༤༽བོད་མིའི་སྒྲིག་འཛུགས་དང་བོད་རིགས་སྤྱི་མཐུན་ཚོགས་པ་ཁག་གི་དབར་འབྲེལ་ལམ་ཟབ་ཏུ་གཏོང་ཐབས་བཅས་ཡིན་པ་རེད།

གོང་གི་བོད་རིགས་སྤྱི་མཐུན་ཚོགས་པ་ཁག་དེ་དག་ཕལ་ཆེ་བ་ནི་དེབ་སྐྱེལ་ཡོད་པའི་ཐེབས་རྩ་ཚོགས་པ་དང་རང་སྐྱོང་ཚོགས་པ་ཡིན་ཞིང་། ཚོགས་འདུ་འདི་ནི་བོད་མིའི་སྒྲིག་འཛུགས་ནས་ལྔ་དང་ལྔ་བཅུའི་འཆར་སྣང་གི་ལས་གཞི་མང་དག་ཅིག་འགོ་འཛུགས་གནང་བའི་ཁོངས་ནས་གཅིག་ཆགས་ཡོད།  ཚོགས་ཆེན་འདིར་མཐུན་འགྱུར་སྦྱིན་བདག་གནང་མཁན་ཨ་རིའི་ཕྱི་སྲིད་ལྷན་ཁང་གི་མང་གཙོ་དང་། འགྲོ་བ་མིའི་ཐོབ་ཐང་། ངལ་རྩོལ་གོང་འཕེལ་ལས་དོན་ཚོགས་ཆུང་ Bureau of Democracy, Human Rights, and Labor ཡིན་པ་བཅས།།