ཕྱི་ལོ་ ༢༠༢༠ ཟླ་ ༢ ཚེས་ ༢༠ རེས་གཟའ་ཕུར་བུ།
༄༅། །བཞུགས་སྒར་གཙུག་ལག་ཁང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསུང་ཆོས་བཀའ་དྲིན་ཆེ་སྩོལ་སྐབས་རྡ་ས་ཁུལ་གཏན་བཞུགས་སེར་སྐྱ་མང་ཚོགས་རྣམས་ལ་སྟབས་བདེ་ཡོང་སླད། ཕྱི་ལོ་ ༢༠༢༠ ལོའི་ལོ་གཅིག་གི་གསུང་ཆོས་ཕྱག་འཁྱེར་ཞུ་མཁན་རྣམ་པས་སོ་སོའི་ད་ལྟའི་རྒྱ་གར་ནང་གཏན་སྡོད་ཆོག་པའི་ལག་འཁྱེར་ RC དང་། དེ་སྔ་གསུང་ཆོས་ཕྱག་འཁྱེར་ཞུས་ཡོད་ཚེ་དེའི་དེབ་འགོད་ཨང་གྲངས་བསྣམ་ཏེ་རྣམ་ཀུན་ལྟར་བདེ་སྲུང་ཡན་ལག་ལས་ཁུངས་ནས་ཞུ་དགོས།
དཔལ་ལྡན་དགའ་ལྡན་ཕོ་བྲང་ཡིག་ཚང་གི་ལས་ཟུར་རྣམ་པ་དང་། བོད་མིའི་སྒྲིག་འཛུགས་ཀྱི་མཛད་གཙོ་ལས་ཟུར་རྣམ་པ། སྲི་ཞུ་ལས་ཟུར་རྣམ་པ། རྣམ་རྒྱལ་གྲྭ་ཚང་། གནས་ཆུང་གྲྭ་ཚང་། དགའ་གདོང་གྲྭ་ཚང་བཅས་སྡེ་ཚན་སོ་སོ་ནས་གནང་བའི་ཕྱག་འཁྱེར་དང་། མཚན་ཉིད་གྲྭ་ཚང་གི་ཕྱག་འཁྱེར་སྟེང་བདེ་སྲུང་ལས་ཁུངས་ཀྱི་དག་མཆན་འཁོད་པ་བཅས་ནས་གསུང་ཆོས་ཕྱག་འཁྱེར་ཞུ་མི་དགོས་པའི་བརྡ་ཁྱབ་ཏུ། བདེ་སྲུང་ལས་ཁུངས་ནས་ཕྱི་ལོ་ ༢༠༢༠ ཟླ་ ༢ ཚེས་ ༡༩ ལ།། །།
ལོ་གཅིག་གི་ཕྱག་འཁྱེར་ཆེད་དགོས་འཁོའི་ཡིག་ཆ་ཁག་གཤམ་གསལ།
རྡ་སའི་སེར་སྐྱ་མི་མང་།
- སྐྱབས་བཅོལ་ལག་འཁྱེར་ས་གནས་རྡ་ས་ནས་ཡིན་པ།
- རང་སྐྱོང་སྡེ་ཚན་ཁག་སོ་སོ་ནས་བསྩལ་བའི་ངོ་སྤྲོད་ཕྱག་འཁྱེར་ཡོད་པ།
- གོང་གསལ་ཆ་རྐྱེན་མ་ཚང་ཡང་རྡ་སར་གཏན་སྡོད་བྱེད་མཁན་ཡིན་ཚེ་ས་གནས་འགོ་འཛིན་ནས་ངོ་སྦྱོར་དགོས།
རྡ་སའི་རྒྱ་གར་ཡུལ་མི།
- ངོ་སྤྲོད་ཕྱག་འཁྱེར་སྟེང་གཏན་སྡོད་ཁ་བྱང་རྡ་ས་འཁོད་པ།
ཕྱི་རྒྱལ་མི་རིགས།
- ཀང་ར་སྐོར་སྲུང་ལས་ཁུངས་ནས་གཏན་སྡོད་ཆོག་པའི་མཐོང་མཆན (RP/Visa extension) ཡོད་པ་ཞིག་ཡིན་པ།
དེབ་འགོད་ཞུ་ཡུལ་གཤམ་གསལ།
ས་གནས། མེ་གྷན་བདེ་སྲུང་ཡན་ལག་ལས་ཁུངས།
ཐོ་འགོད་འགོ་འཛུགས། ཕྱི་ལོ་ ༢༠༢༠ ཟླ་ ༣ ཚེས་ ༩ ནས་ཕྱི་ཟླ་ ༣ ཚེས་ ༢༠ བར།
དུས་ཚོད། སྔ་དྲོ་ཚོུད་ ༩ ནས་ ༡ བར། ཉིན་རྒྱབ་ཚོུད་ ༢ ནས་ ༥ བར།
ཕྱག་འཁྱེར་དོད། སྒོར་ ༢༠།༠༠
