ཕྱི་ལོ་ ༢༠༢༠ ཟླ་ ༡ ཚེས་ ༡༣ རེས་གཟའ་ཟླ་བ།
༄༅། །བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ནས་མང་ཚོགས་རྣམས་ལ་བོད་མིའི་སྨན་བཅོས་ལྟ་སྐྱོང་ལས་གཞིའི་ནང་འཛུལ་ཞུགས་བྱེད་འདོད་ཡོད་ཚེ་ཕྱི་ལོ་ ༢༠༢༠ ཟླ་ ༡ ཚེས་ ༣ ནས་ཟླ་ ༣ ཚེས་ ༣༡ བར་གསར་དུ་ཐོ་འགོད་བྱེད་ཆོག་པའི་གསལ་བསྒྲགས་གནང་འདུག
ཕྱི་ལོ་ ༢༠༡༩་་་༢༠ ལོའི་སྨན་བཅོས་ལྟ་སྐྱོང་གི་གནས་སྟངས་མདོར་བསྡུས།
༡༽ ཚོགས་ཞུགས་མི་གྲངས་ ༢༧༤༩༦
༢༽ ཕྱི་ལོ་ ༢༠༡༩ ཟླ་ ༤ ཚེས་ ༡ ནས་ཕྱི་ལོ་ ༢༠༢༠ཟླ་ ༡ ཚེས་ ༤ བར་མི་གྲངས་ ༡༥༦༦ ལ་སྨན་བཅོས་ཁེ་ཕན་ཕུལ།
༣༽ སྨན་གྲོན་བསྡོམས་ཧིན་སྒོར་ ༡༧༣༤༦༦༤༢ འགྲོ་གྲོན་བཏང་ཐུབ་པ་བྱུང་ཡོད།
༤༽ སྨན་བཅོས་ལྟ་སྐྱོང་ལས་གཞི་འདི་ནི་རྒྱ་གར་ནང་གི་བཙན་བྱོལ་བོད་མིའི་གཞི་ཆགས་ཁག་ ༣༦ དང་ཁ་ཐོར་ས་གནས་ཁག་ཏུ་གནས་སྡོད་བྱེད་བཞིན་པའི་བོད་མི་ཡོངས་ལ་ཁྱབ་པ་ཡིན།
སྨན་བཅོས་ཁེ་ཕན་དུས་ཡུན། ཕྱི་ལོ་ ༢༠༢༠ ཟླ་ ༤ ཚེས་ ༡ ནས་ཕྱི་ལོ་ ༢༠༢༡ ཟླ་ ༣ ཚེས་ ༣༡ བར་ཡིན།
ཐོ་འགོད་ཞུ་ཡུལ། ས་གནས་འགོ་འཛིན་ལས་ཁང་ངམ་ས་གནས་འཕྲོད་བསྟེན་སྨན་ཁང་།
བཙན་བྱོལ་བོད་མིའི་སྨན་བཅོས་ལྟ་སྐྱོང་ལས་གཞིའི་སྐོར་ཞིབ་ཕྲ་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་དྲ་ཚིག་ www.tibetanhealth.org ལ་གཟིགས་གནང་ཡོང་བ་ཞུ།།
