ཕྱི་ལོ་ ༢༠༡༩ ཟླ་ ༡༢ ཚེས་ ༧ རེས་གཟའ་སྤེན་པ། 
༄༅། །ཕྱི་ལོ་ ༢༠༡༩ ཟླ་ ༡༢ ཚེས་ ༧ རེས་གཟའ་སྤེན་པའི་ཉིན་འཕགས་ཡུལ་དུ་ཀིརྟིའི་བྱེས་པ་གྲ་ཚང་བཙུགས་ནས་མི་ལོ་ཧྲིལ་པོ་ཉེར་ལྔ་འཁོར་བའི་དུས་དྲན་གྱི་མཛད་སྒོ་དང་བསྟུན་མཁས་པའི་བགྲོ་གླེང་ཐེངས་དང་པོ་དབུ་འབྱེད་མཛད་སྒོའི་ཐོག་སྐྱབས་རྗེ་ཀིརྟི་རིན་པོ་ཆེ་མཆོག་གིས་གསུང་བཤད་གནང་དོན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེ
ལོ་མང་པོའི་རིང་ལ་བོད་ནང་གི་འབྲེ
ཕྱི་ལོ་ ༡༩༨༠ དང་ ༡༩༩༠ ནང་བཙན་བྱོལ་བོད་མིའི་ཤེས་ཡོན་
ང་རང་ལ་སྐྱེས་སྟོབས་ཀྱིས་ཁྲིད་པའི་ལས་འགན་ཞིག་ཡོད། ང་དང་འབྲེལ་ཡོད་ཀྱི་མི་དེ་དག་གིས་རེ་བ་རྒྱག་གི་ཡོད། ལྷག་པར་དགོན་པ་ཁག་གི་སྒྲིག་ལམ་དེ་དག་ལམ་ཡག་པོ་ཞིག་གི་ཐོག་ཏུ་འཁྲིད་པར་འབད་བརྩོན་བྱེད་དགོས་པའི་ལས་འགན་ཆེན་པོ་ཞིག་ཆགས་ཡོད་སྟབས། ལམ་དེར་འཁྲིད་ཐབས་བྱེད་པའི་སྐབས་དཀའ་ངལ་མང་དག་ཞིག་འཕྲད་བཞིན་ཡོད། དེར་བརྟེན་བགྲོ་གླེང་འདི་ལྟ་བུ་གོ་སྒྲིག་ཞུ་དགོས་པའི་དམིགས་ཡུལ་གཙོ་བོ་དེ་ཡིན། ཕ་ཡུལ་ལ་མཚོན་ན། དགོན་སྡེ་ཁག་ཏུ་གྲྭ་པ་རྣམས་ལ་སློབ་སྦྱོང་ཡང་དག་པ་ཞིག་རག་གི་མེད། སློབ་ཚན་ལ་ཆ་མཚོན་ནའང་གཅིག་གྱུར་མེད་པར་དགེ་རྒན་ཚོས་འདོད་པ་ལྟར་སློབ་འཁྲིད་གནང་གི་ཡོད། དེ་ལྟར་བྱས་ཚེ་ཤེས་ཡོན་སློབ་སྦྱོང་ཡག་པོ་ཞིག་མ་རག་པར་འཐུས་ཤོར་འགྲོ་བཞིན་ཡོད། བོད་ནང་ལ་མཚོན་ན། རྒྱ་ནག་གཞུང་གིས་སྒྲིག་ལམ་དམ་པོའི་འོག་དཀའ་ངལ་དང་བོད་པ་རང་གིས་དགོན་པ་གྲྭ་ཚང་ཁག་གི་སྒྲིག་ལམ་བསྡམ་མ་ཐུབ་པའི་དཀའ་ངལ་སོགས་ཀྱིས་གྲྭ་པ་མང་པོ་ཞིག་འཕྲོ་བརླག་འགྲོ་རྒྱུའི་ཉེན་ཁ་ཡོད་པ་དང་། དེ་ལྟ་བུའི་དཀའ་ངལ་དེ་བོད་ཙམ་མ་ཡིན་པར་ད་ཆ་རྒྱ་གར་ནང་གི་རིས་སུ་མ་ཆད་པའི་དགོན་སྡེ་ཁག་ལའང་དཀའ་ངལ་གཅིག་མཚུངས་འཕྲད་བཞིན་ཡོད་སྟབས། ང་ཚོའི་མིག་མདུན་དུ་ཡོད་པའི་མི་རབས་གསར་པ་རྣམས་ལ་མ་འོངས་པར་ཕན་ཐོགས་ཤིག་མི་ཡོང་ངམ་བསམས་ནས་བགྲོ་གླེང་འདི་ལྟ་བུ་ཞིག་གོ་སྒྲིག་བྱས་པ་ཡིན་ཞེས་སོགས་ཀྱི་གསུང་བཤད་གནང་།།
