ཕྱི་ལོ་ ༢༠༡༩ ཟླ་ ༡༢ ཚེས་ ༥ རེས་གཟའ་ཕུར་བུ། 

༄༅། །ཕྱི་ལོ་ ༢༠༡༩ ཟླ་ ༡༢ ཚེས་ ༤ རེས་གཟའ་ལྷག་པའི་ཉིན་ཕྱི་དྲིལ་ཀམ་པུ་ཊར་ཚོགས་ཁང་དུ་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་བུད་མེད་ནུས་སྟོབས་གོང་འཕེལ་ཚན་པའི་གོ་སྒྲིག་འོག་ཉིན་གྲངས་གསུམ་རིང་ཕོ་མོ་ལྟ་ཚུལ་མཉམ་སྡུད་ཀྱི་ཟབ་སྦྱོང་ཞིག་འགོ་འཛུགས་ཡོད།

ཟབ་སྦྱོང་དེ་བཞིན་བོད་མིའི་སྒྲིག་འཛུགས་ཀྱི་འཛིན་སྐྱོང་ལས་དོན་དང་ལས་འཆར་གཏན་འབེབས་སོགས་གནང་བའི་སྐབས་རྐང་འགན་འཁུར་བཞེས་མཁན་ལས་ཁུངས་ཁག་གི་དྲུང་ཆེ་དང་དྲུང་འཕར་རྣམ་པ་དང་། འབྲེལ་ཡོད་ལས་འཆར་འགན་འཛིན་སོགས་ལ་གོ་སྒྲིག་ཞུས་གནང་འདུག

དེ་ཡང་ཟབ་སྦྱོང་གི་ཚོགས་མཐུན་དང་པོའི་ཐོག་ལས་ཁུངས་ཁག་གི་དྲུང་ཆེ་དང་དྲུང་འཕར་རྣམ་པར་ཕུལ་ཡོད།

སྐབས་དེར་བོད་ཀྱི་བརྙན་འཕྲིན་གྱི་གསར་འགོད་པར་དཔལ་འབྱོར་ལས་ཁུངས་ཀྱི་བུད་མེད་ནུས་སྟོབས་གོང་འཕེལ་ཚན་པའི་འགན་འཛིན་ཚེ་རིང་སྐྱིད་ལགས་ཀྱིས་གསུང་དོན། ཟབ་སྦྱོང་དེ་བཞིན་བོད་མིའི་ཆབ་སྲིད་ཐེ་བའི་སྤྱི་ཚོགས་ཀྱི་བྱ་གཞག་འདྲ་མིན་ཐོག་བུད་མེད་ཀྱི་ནུས་པ་དང་འགན་ཁུར་མཉམ་སྤུངས་ཐུབ་ཐབས་ཀྱི་ཁོར་ཡུག་བསྐྲུན་ཆེད་དུ་གཏན་འབེབས་གནང་བའི་བུད་མེད་ཀྱི་ནུས་སྟོབས་སྤེལ་བའི་སྲིད་བྱུས་ལག་བསྟར་འཐུས་ཚང་ཡོང་ཆེད་དུ་དམིགས་པ་ཞིག་ཡིན།

དེ་སྔ་གཏན་འབེབས་ཟིན་པའི་བུད་མེད་ནུས་སྟོབས་གོང་འཕེལ་གྱི་སྲིད་བྱུས་ལ་བོད་མིའི་སྒྲིག་འཛུགས་བཀའ་ཤག་སྐབས་ ༡༥ ངོས་ནས་བསྐྱར་བཅོས་དང་འབྲེལ་ཕྱི་ལོ་ ༢༠༡༧ ལོར་སྲིད་བྱུས་ལག་བསྟར་ཇི་དགེའི་སྐོར་བཀའ་བསྡུར་བྱུང་ཡོད། 

ཉིན་གྲངས་གསུམ་རིང་ཟབ་འཁྲིད་གནང་མཁན་རྒྱ་གར་ལྷོ་ཕྱོགས་ཁུལ་ཧེ་དར་བྷཏ་ Hyderabad ནང་ཡོད་པའི་ Gender at Work ཞེས་པའི་ཚོགས་པ་ནས་སུ་ཌར་ཤ་ནཱ་ཁུན་དུ་ Sudharshana Kundu ལགས་དང་། རི་ཏུ་གྷུབ་ཏ་ Ritu Gupta ལགས་རྣམ་གཉིས་ཡིན།

སྤྱིར་ Gender at Work ཞེས་པའི་ཚོགས་པ་དེ་ནི་ཁེ་མེད་ཚོགས་པ་ཞིག་ཡིན་པ་དང་ལས་ཁུངས་གཙོ་བོ་དེ་བཞིན་ཨ་རིར་ཡོད་འདུག་པ་བཅས། །