ཕྱི་ལོ་་ ༢༠༡༩ ཟླ་ ༡༢ ཚེས་ ༡༢ རེས་གཟའ་ཕུར་བུ། 

དུས་སྟོན་ཉིན་དང་པོར་དཔལ་ལྡན་ཚོགས་གཞོན་ཨཅྰརྱ་ཡེ་ཤེས་ཕུན་ཚོགས་མཆོག་གིས་རྡ་ས་ཧིན་བོད་མཛའ་འབྲེལ་ཚོགས་པ་དང་། ལ་དྭགས་རང་སྐྱོང་རི་ལྗོངས་ཡར་རྒྱས་ལྷན་ཚོགས་ཀྱི་ཚོགས་མི་རྣམས་ལ་འཚམས་འདྲི་དང་སྦྲགས་ཧིན་སྐད་ཐོག་དུས་སྟོན་དང་འབྲེལ་བའི་གསུང་བཤད་གནང་འདུག

ཉིན་གཉིས་པར་དུས་སྟོན་གོ་སྒྲིག་ཞུ་མཁན་ནས་རེ་སྐུལ་གནང་བ་ལྟར། དཔལ་ལྡན་ཚོགས་གཞོན་མཆོག་གིས་དུས་སྟོན་ཐོག་རིག་གཞུང་འཁྲབ་སྟོན་པ་རུ་ཁག་ ༣༣ ཡོད་པ་རྣམས་ལ་ཆེ་བསྟོད་ཕྱག་འཁྱེར་ཕུལ་གནང་འདུག་པ་དང་།

ལྷག་པར་ཧི་མཱ་ལ་ཡའི་དུས་སྟོན་ཉིན་གཉིས་པའི་མཇུག་བསྡོམས་མཛད་སྒོའི་སྐུ་མགྲོན་གཙོ་བོ་བྷི་ཇེ་པི་སྲིད་དོན་ཚོགས་པའི་མངའ་སྡེའི་གྲོས་ཚོགས་འཐུས་མི་སྐུ་ཞབས་ར་ཀེ་ཤི་པ་ཐ་ནཡེ་ Rakesh Pathania མཆོག་དང་། ཆེ་བསྟོད་སྐུ་མགྲོན་བྷི་ཇེ་པི་སྲིད་དོན་ཚོགས་པའི་རྡ་རམ་ས་ལའི་ཧི་མཱ་ཅལ་མངའ་སྡེའི་གྲོས་ཚོགས་འཐུས་མི་སྐུ་ཞབས་ཝི་ཤལ་ནི་རི་ཡ་ Vishal Nehria མཆོག་རྣམ་གཉིས་དང་མཛད་སྒོའི་ཟུར་དུ་མཇལ་འཕྲད་ཀྱིས་འཚམས་འདྲི་ཞུས་གནང་བ་དང་།

དེ་བཞིན་རྡ་ས་ཧིན་བོད་མཛའ་འབྲེལ་ཚོགས་པར་ཧི་མཱ་ལ་ཡའི་དུས་སྟོན་སྲུང་བརྩི་ཞུས་གནང་བར་ཐུགས་རྗེ་ཆེ་ཞུས་གནང་ཡོད་འདུག་པ་བཅས། །