ཕྱི་ལོ་ ༢༠༡༩ ཟླ་ ༡༠ ཚེས་ ༢༩ རེས་གཟའ་མིག་དམར།
༄༅། །འདི་གར་སྒང་ཏོག་ས་གནས་འགོ་འཛིན་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༩ ཟླ་ ༡༠ ཚེས་ ༢༡ ནས་ ༢༥ བར་བོད་མི་མང་སྤྱི་འཐུས་མི་འགྱུར་རྡོ་རྗེ་ལགས་འབྲས་ལྗོངས་ཁུལ་དུ་འཚམས་གཟིགས་ལེགས་གྲུབ་བྱུང་ཡོད།
དེ་ཡང་བོད་མིའི་སྒྲིག་འཛུགས་ནང་སྲིད་ལས་ཁུངས་ནས་ཕྱི་ལོ་ ༢༠༡༩ ཟླ་ ༡༠ ཚེས་ ༡༥ ཉིན་གནད་འཕྲིན་གནང་འབྱོར་བཞིན་ཕྱི་ལོ་ ༢༠༡༩ ཟླ་ ༡༠ ཚེས་ ༢༡ ཉིན་རྒྱབ་ཚོུད་ ༡ ཙམ་ལ་བོད་མི་མང་སྤྱི་འཐུས་མི་འགྱུར་རྡོ་རྗེ་ལགས་སི་ལི་གུ་རི་སྦག་གྲོ་ར་གནམ་ཐང་དུ་ཕེབས་འབྱོར་སྐབས་སྒང་ཏོག་ས་གནས་འགོ་འཛིན་མི་འགྱུར་གཡུ་སྒྲོན་ལགས་ཀྱིས་ཕེབས་བསུའི་སྣེ་ལེན་ཞུས་པ་དང་། ས་གནས་འཐུས་ཚོགས་དང་ས་གནས་བོད་རང་དབང་ལྡན་པའི་ལས་འགུལ། ཚོགས་པ་དྲུག་བཅས་ནས་སྒང་ཏོག་བོད་ཀྱི་མགྲོན་ཁང་ནས་ཕེབས་བསུ་ཞུས་ཡོད།
དེ་ནས་ཕྱི་ཚེས་ ༢༢ ནས་ ༢༤ བར་བྱང་འབྲས་ལྗོངས་གནས་སྡོད་འབྲོག་པ་དང་གཞན་མི་མང་མཉམ་མཇལ་འཕྲད་དང་གསུང་བཤད་གནང་ཡོད་པ་མ་ཟད། ཕྱི་ཚེས་ ༢༤ ཕྱི་དྲོ་ཚོུད་ ༦ ཕྱིར་སྒང་ཏོག་ཏུ་འབྱོར་རྗེས་སྒང་ཏོག་ལས་ཀྱི་སྣེ་མོ་རྣམ་པ་མཉམ་གཞུང་མོལ་ཚོགས་འདུ་བསྐྱངས། དེ་ནས་ཚེས་ ༢༥ སྔ་དྲོ་ཚོུད་ ༩ ཐོག་སྒང་ཏོག་རྒྱལ་སར་གནས་སྡོད་བོད་མི་རྣམས་ལ་ཆོལ་གསུམ་ཚོགས་ཁང་དུ་གསུང་བཤད་དང་དྲི་བ་དང་དོགས་འདྲི་སོགས་ལ་ལན་འདེབས་གནང་།
དེ་རྗེས་བཀྲིས་གླིང་ Tashiling Scretariat building དུ་མངའ་སྡེའི་དགོན་གནས་བློན་ཆེན་བསོད་ནམས་བླ་མ་མཆོག་ལ་ལུགས་བསྟུན་འཚམས་འདྲི་གནང་གྲུབ་རྗེས་ཉིན་རྒྱབ་རུམ་བཏེགས་སུ་འཚམས་གཟིགས་དང་ཆོས་མཇལ་ཞུས། ཕྱི་ལོ་ ༢༠༡༩ ཟླ་ ༡༠ ཚེས་ ༢༦ སྔ་དྲོ་སྒང་ཏོག་ནས་ར་སྦང་ལ་ས་གནས་སུ་ཕེབས་སྐྱེལ་ཞུས་པ་བཅས། །
