ཕྱི་ལོ་ ༢༠༡༩ ཟླ་ ༩ ཚེས་ ༣ རེེས་གཟའ་མིག་དམར། 

༄། །འདི་གར་ལས་འདེམས་བསྐོ་ལྷན་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༡༩ ཟླ་ ༩ ཚེས་ ༢ ནས་ ༧ བར་ཉིན་གྲངས་དྲུག་རིང་བོད་མིའི་སྒྲིག་འཛུགས་ལས་བྱེད་འདེམས་བསྐོ་ལྷན་ཁང་གི་གོ་སྒྲིག་འགན་འཁུར་འོག ལྡི་ལིར་རྟེན་གཞི་བྱས་པའི་རྒྱ་གར་དབུས་གཞུང་གི་འཛིན་སྐྱོང་སྦྱོང་བརྡར་ལྟེ་གནས་ཁང་དུ་འཛིན་སྐྱོང་དང་འགོ་ཁྲིད་ཟབ་སྦྱོང་ཞིག་འགོ་བཙུགས་གནང་ཡོད། ཟབ་སྦྱོང་ནང་བོད་མིའི་སྒྲིག་འཛུགས་ཀྱི་སྲི་ཞུ་བ་དྲུང་འཕར་ ༣ དང་། ཟུང་དྲུང་ ༡༤ བཅས་འགན་འཛིན་སྡེ་ཚན་གྱི་ལས་བྱེད་ཁྱོན་མི་གྲངས་ ༡༧ བཅས་མཉམ་ཞུགས་གནང་ཡོད།