ཕྱི་ལོ་ ༢༠༡༩ ཟླ་ ༨ ཚེས་ ༡༧ རེས་གཟའ་སྤེན་པ།
༄༅། །འདི་གའི་ཆེད་གཉེར་གསར་འགོད་པ་ཡེ་ཤེས་ཀུན་གྲགས་ལགས་ཀྱིས་ས་གནས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༩ ཟླ་ ༨ ཚེས་ ༡༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དཔལ་ལྡན་འོན་མངའ་རིས་གྲྭ་ཚང་ནས་ཇི་ལྟར་སྔོན་ནས་གསོལ་འདེབས་ཞུ་དོན་ལྟར་བཀའ་བཞེས་བཟང་པོ་སྨིན་སྩལ་ཐོབ་སྟེ། རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་ས་ཁུལ་མ་ནཱ་ལིར་སེར་སྐྱ་མི་མང་སྟོང་ཕྲག་བརྒལ་བར་འཕགས་པ་སྤྱན་རས་གཟིགས་ཀྱི་བཀའ་དབང་བཀའ་དྲིན་སྩལ་ཡོད།
དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༨ ཙམ་ལ་མགོན་པོ་གང་ཉིད་མཆོག་དཔལ་ལྡན་འོན་མངའ་རིས་གྲྭ་ཚང་གི་གཟིམ་ཆུང་ཕོ་བྲང་ནས་གསུང་ཆོས་ར་བར་ཆིབས་སྒྱུར་གྱིས་བཞུགས་ཁྲིར་༸ཞབས་སོར་འཁོད་བསྟུན་བཀའ་སློབ་སྩལ་དོན། དེ་རིང་སྤྱན་རས་གཟིགས་༸གོང་ས་ལྔ་པ་ཆེན་པོར་དག་སྣང་བྱུང་བའི་གསང་བ་རྒྱ་ཅན་གྱི་ཆོས་ཚན་ཉི་ཤུ་རྩ་ལྔ་ཙམ་ཡོད་པ་དེའི་ནང་དབང་དང་། གཙོ་བོ་བཀའ་བརྒྱད་སྤྱི་དྲིལ་ཞི་ཁྲོ་རྣམ་རོལ་གྱིས་མཚོན་པའི་རྗེས་གནང་། རིགས་གཏེར་སོགས་མང་པོ་ཞིག་འདུག
དེའི་ནང་ནས་དེ་རིང་འདིར་སྤྱན་རས་གཟིགས་འཇིག་རྟེན་དབང་ཕྱུག དེ་སྔ་རྩེ་ཕོ་བྲང་དུ་ཡོད་པའི་སྤྱན་རས་གཟིགས་ལོ་ཀི་ཏེ་ཤྭ་ར་དང་། བོད་སྟོད་ཁུལ་དུ་ཡོད་པའི་ཝ་ཏི་བཟང་པོ་བཅས་འཕགས་པ་ཆེ་གཉིས་ཞེས་དེ་འདྲ་གསུང་རྒྱུན་འདུག ༸གོང་ས་ལྔ་པ་ཆེན་པོར་གནས་ཆུང་གིས་ལུང་སྐུལ་ཞུས་ནས་སྤྱན་རས་གཟིགས་ཀྱི་ལྗགས་སྙན་ཞིག་རྩེ་ཕོ་བྲང་ལ་གནང་བ་རེད། སྐབས་དེར་ཆོས་རྒྱལ་སྲོང་བཙན་སྒམ་པོ་ཞལ་གཟིགས་བྱུང་ནས་སྲོང་བཙན་སྒམ་པོས་ལས་ཀྱི་སློབ་དཔོན་གྱི་ཚུལ་གནང་སྟེ་སྤྱན་རས་གཟིགས་འཇིག་རྟེན་དབང་ཕྱུག་ལོ་ཀི་ཏེ་ཤྭ་ར་དང་ཝོ་ཏི་བཟང་པོ་ལྷ་དགུ་ཡོད་པའི་དཀྱིལ་འཁོར་ནང་ཡར་ཁྲིད་གནང་ནས་འཇིག་རྟེན་དབང་ཕྱུག་གི་བཀའ་དབང་གནང་འདུག
ཕྱོགས་གཅིག་ནས་འཕགས་པ་སྤྱན་རས་གཟིགས་བོད་གངས་ཅན་གྱི་ལྷག་པའི་ལྷ་སྐལ་རེད། གཉིས་ནས་༸གོང་ས་ལྔ་པ་ཆེན་པོར་དག་སྣང་བྱུང་བའི་སྤྱན་རས་གཟིགས་འཇིག་རྟེན་དབང་ཕྱུག་གི་དབང་འབུལ་རྒྱུ་རེད། ངོས་ཀྱིས་དབང་ཞུ་ས་ནི་ངོས་རང་ཆུང་དུས་སྐབས་སྟག་བྲག་རིན་པོ་ཆེས་ཐུགས་ཁུར་ཆེན་པོ་བཞེས་ཏེ་གསང་བ་རྒྱ་ཅན་གྱི་ཆོས་སྐོར་ཆ་ཚང་ལྷ་ས་ནས་ཞུས་པ་རེད། དེའི་ནང་ནས་ཚེ་སྒྲུབ་ཀྱི་ཁྲིད་དེ་སྟག་བྲག་རིན་པོ་ཆེའི་སྐུ་མདུན་ནས་ཞུས་པ་གསལ་པོ་དྲན་གྱི་མི་འདུག དེར་བརྟེན་ངོས་རང་རྒྱ་གར་དུ་སླེབས་ནས་དིལ་མགོ་མཁྱེན་བརྩེ་རིན་པོ་ཆེ་སྐུ་མདུན་ནས་ཁྲིད་ཅིག་ཞུས་པ་ཡིན།
ངོས་ཀྱིས་གསང་བ་རྒྱ་ཅན་ནང་ནས་ཆོས་སྐོར་བཀའ་བརྒྱད་སྤྱི་དྲིལ་ཞི་ཁྲོ་རྣམ་རོལ་གྱིས་མཚོན་པའི་ལྷག་པའི་ལྷ་གང་ཙམ་ཞིག་གིས་བསྙེན་པ་བཏང་ཡོད། ངོས་རང་ཆུང་དུས་སྐབས་སྟག་བྲག་རིན་པོ་ཆེའི་སྐུ་མདུན་ནས་གསང་བ་རྒྱ་ཅན་གྱི་ཆོས་སྐོར་ཞུས་པའི་སྐབས་ངོས་ཀྱི་རྨི་ལམ་ལ་དེ་ཙམ་དོ་སྣང་མེད། འོན་ཀྱང་ཕྱིས་སུ་ཉིན་རེའི་དབང་གནང་རྒྱུ་དེ་དང་འབྲེལ་བའི་རྨི་ལམ་འཆར་ཅན་ཡོང་ལྟ་བུ་ཞིག་བྱུང་།
དེ་ནས་ང་ཚོ་རྒྱ་གར་དུ་སླེབས་ནས་ཕལ་ཆེར་ལོ་ཁ་ཤས་ཕྱིན་མིན་ནམ། ནུབ་གཅིག་རྨི་ལམ་དུ་༸གོང་ས་ལྔ་པ་ཆེན་པོའི་སྐུ་ཐང་ཞིག་འདུག སྐུ་ཐང་མཇལ་དུས་སྐུ་དངོས་གནས་ལ་ཕྱིན་ནས་ཧ་ཅང་མཉེས་པོ་གནང་སྟེ་ངོས་ལ་ནང་མཛོད་སེར་པོ་ཕལ་ཆེར་འདོམ་བཞི་ལྔ་ཙམ་ཧ་ཅང་རིང་པོ་ཞིག་གནང་བའི་མཚན་མ་གསར་པ་ལྟ་བུ་གང་ལྟར་ངོས་དང་ལས་འབྲེལ་ཡོད་པ་གསལ་པོ་རེད་འདུག
དེ་རིང་འཕགས་པ་སྤྱན་རས་གཟིགས་འཇིག་རྟེན་དབང་ཕྱུག་གི་དབང་འབུལ་རྒྱུ་རེད། དེ་རིང་གནམ་གཤིས་ཧ་ཅང་སྐྱོ་བོ་སྟོན་གྱི་འདུག ངོས་རང་རྡ་རམ་ས་ལར་གནམ་གྲུའི་ནང་འགྲོ་འོང་སྐབས་གནམ་གཤིས་དམིགས་བསལ་ཡག་པོ་སྟོན་གྱི་ཡོད། དེར་བརྟེན་ངོས་ཀྱིས་ལྷ་ཆེན་དབང་ཕྱུག་གི་གནས་གཞི་སྟོད་གངས་རིན་པོ་ཆེ་ཆགས་ཡོད་སྟབས། ངོས་དང་དམིགས་བསལ་འབྲེལ་བ་ཡོད། ཅེས་རྒྱ་གར་སྐོར་སྲུང་བ་ཚོ་ལ་འདི་ལྟར་བརྗོད་ཀྱི་ཡོད། དེ་རིང་གང་བྱས་པ་ཡིན་ནམ། ༼བཞད་མོ་བཞད།༽ ངོས་ཀྱིས་སྔོན་ལ་སྒྲུབ་གཞག་བྱེད་པའི་རིང་ཁྱེད་རང་ཚོས་ཞལ་འདོན་གཞན་གང་ཡང་མི་དགོས་པར་མ་ཎི་སོག་དགོས་པའི་བཀའ་སློབ་སྩལ་རྗེས་མགོན་པོ་མཆོག་གིས་སྒྲུབ་ཞག་མཛད།
དེ་ནས་མུ་མཐུད་བཀའ་སློབ་སྩལ་དོ
འདིར་ངོས་ཀྱིས་སྒྲུབ་གཞག་བྱེད་
