ཕྱི་ལོ་ ༢༠༡༩ ཟླ་ ༨ ཚེས་ ༢༢ རེས་གཟའ་ཕུར་བུ། 

༄༅། །ཕྱི་ལོ་ ༢༠༡༩ ཟླ་ ༨ ཚེས་ ༢༡ ཉིན་གྱི་སྔ་དྲོ་ཆུ་ཚོད་ ༡༡ ནས་ཉིན་རྒྱབ་ཆུ་ཚོད་ ༢ བར་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག་གིས་དབུས་ལས་བྱེད་ཁག་གཅིག་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་འཇོན་ཧོ་པི་སི་ཀིན་རྒྱལ་སྤྱིའི་མོ་ནད་དང་མངལ་ཆགས་གསོ་རིག་John Hopskins program for International Education in Gynecology and obstetrics ཚོགས་པར་ཕེབས་ཡོད་པ་དང་། སྐབས་དེར་འཇོན་ཧོ་པི་སི་ཀིན་རྒྱལ་སྤྱིའི་མོ་ནད་དང་མངལ་ཆགས་གསོ་རིག་ཚོགས་པའི་ངེས་སྟོན་པ་བྷ་སྦུལ་སོ་ཌི་ Dr. Babul Sood ལགས་ཀྱིས་འཕྲོད་བསྟེན་བཀའ་བློན་མཆོག་དང་འཕྲོད་བསྟེན་ལས་བྱེད་བཅས་ལ་ཕེབས་བསུའི་གསུང་བཤད་གནང་བ་དང་སྦྲགས།

ཚོགས་པ་དེའི་ལས་བྱེད་ཡོངས་ནས་ད་བར་ལས་གཞི་གང་དང་གང་སྤེལ་ཡོད་པའི་སྐོར་ངོ་སྤྲོད་དང་འབྱུང་འགྱུར་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་དང་ཚོགས་པ་གཉིས་དབར་མཉམ་འབྲེལ་གྱི་ལས་གཞི་གང་དང་གང་སྤེལ་ཐུབ་མིན་སོགས་ཀྱི་སྐོར་གྲོས་བསྡུར་གནང་བ་མ་ཟད། ཚོགས་འདུའི་སྐབས་སྨན་ཞབས་པའི་ཤེས་ཡོན་ཡར་རྒྱས་གོང་སྤེལ་གཏོང་ཕྱོགས་དང། ལང་ཚོ་དར་བབ་ཀྱི་འཕྲོད་བསྟེན། འགོས་ནད་རིགས་མ་ཡིན་པའི་ནད་གཞི་བཅོས་ཐབས་སོགས་ཀྱི་སྐོར་གྲོས་བསྡུར་ལྷུག་པོར་གནང་ཡོད་པ་བཅས། །