ཕྱི་ལོ་ ༢༠༡༩ ཟླ་ ༧ ཚེས་ ༣༠ རེས་གཟའ་མིག་དམར།

༄༅། །ཕྱི་ལོ་ ༢༠༡༩ ཟླ་ ༧ ཚེས་ ༢༩ ཉིན་མན་སྤར་ཕན་བདེ་གླིང་བོད་མིའི་ས་གནས་འགོ་འཛིན་ལས་ཁུངས་ཀྱི་གོ་སྒྲིག་འོག་ཆ་ཏི་སི་གྷིར་མངའ་སྡེའི་སྤྱི་ཁླབ་བློན་ཆེན་མཆོག་གི་པཱ་ལགས་སྐུ་ཞབས་ནཱནྟ་ཀུ་མར་བྷ་གྷེལ་ Nand Kumar Baghel མཆོག་མན་སྤར་ཕན་བདེ་གླིང་བོད་མིའི་གཞིས་ཆགས་སུ་འཚམས་གཟིགས་གནང་ཡོད།

དེ་ཡང་ཆ་ཏི་སི་གྷིར་མངའ་སྡེའི་སྤྱི་ཁྱབ་བློན་ཆེན་མཆོག་གི་པཱ་ལགས་གོང་ཚེས་ཉིན་མན་སྤར་ཕན་བདེ་གླིང་བོད་མིའི་གཞིས་ཆགས་སུ་ཕེབས་འབྱོར་སྐབས་ས་གནས་འགོ་འཛིན་གྱིས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད། སྐབས་དེར་ཁོང་གིས་གཞིས་མི་རྣམས་དང་ཐུག་འཕྲད་ཀྱིས་ནང་བསྟན་དང་བོད་ནང་གི་ཆབ་སྲིད་གནས་སྟངས་སྐོར་གསུང་བཤད་གནང་གྲུབ་མཚམས་གཞིས་གྲོང་ ༡ ནང་ཡོད་པའི་དྭགས་པོ་དགོན་པ་དང་། སཾ་བྷོ་ཌ་ཉིན་སློབ། རྒས་གསོ་ཁང་། གཞིས་གྲོང་ ༣ ནང་ཡོད་པའི་གཙོ་རི་བདེ་ཆེན་ཆོས་འཁོར་གླིང་དགོན་པ་བཅས་སུ་འཚམས་གཟིགས་གནང་ཡོད། །