ཕྱི་ལོ་ ༢༠༡༩ ཟླ་ ༦ ཚེས་ ༢༥ རེས་གཟའ་མིག་དམར།

༄༅། །  ཕྱི་ལོ་ ༢༠༡༩ ཟླ་ ༦ ཚེས་ ༢༤ རེས་གཟའ་ཟླ་བ་ཉིན་མེའོ་ཆོས་འཕེལ་གླིང་གི་ས་གནས་འགོ་འཛིན་བསྟན་འཛིན་མཆོག་ལྡན་ལགས་དང་། ས་གནས་འཐུས་ཚོགས་ཀྱི་ཚོགས་གཙོ་རིག་འཛིན་རྡོ་རྗེ་ལགས། མཉམ་འབྲེལ་ཚོགས་གཙོ་རིག་འཛིན་རྡོ་རྗེ་ལགས་དང་མཉམ་དྲུང་བསྟན་འཛིན་རབ་འབྱོར་ལགས། གཞིས་གྲོང་ཁག་གི་བརྒྱ་དཔོན་གྱི་སྐུ་ཚབ་བསོད་ནམས་བཀྲ་ཤིས་ལགས་དང་ལས་བྱེད་ཉི་མ་ཚེ་རིང་ལགས་བཅས་ཀྱིས་བོད་མིའི་སྒྲིག་འཛུགས་ཀྱི་ཚབ་ཞུས་ཏེ་རྒྱ་གར་བྱང་ཤར་ཨ་རུ་ནཱ་ཅལ་ Arunachal Pradesh མངའ་སྡེའི་སྤྱི་ཁྱབ་བློན་ཆེན་སྐུ་ཞབས་པདྨ་མཁའ་འགྲོ་མཆོག་དང་མཇལ་འཕྲད་ཞུས་ཡོད།

དེ་ཡང་མེའོ་ཆོས་འཕེལ་གླིང་གི་ས་གནས་འགོ་འཛིན་བསྟན་འཛིན་མཆོག་ལྡན་ལགས་ཀྱིས་སྐུ་ཞབས་པདྨ་མཁའ་འགྲོ་མཆོག་སླར་ཡང་མངའ་སྡེའི་སྤྱི་ཁྱབ་བློན་ཆེན་དུ་འོས་འདེམས་བྱུང་བར་དགའ་བསུའི་འཚམས་འདྲི་དང་འབྲེལ་ས་གནས་འགོ་འཛིན་དང་ས་གནས་འཐུས་ཚོགས་ཀྱི་ཚོགས་གཙོ་བཅས་ནས་སྤྱི་ཁྱབ་བློན་ཆེན་མཆོག་ལ་སྟོན་པའི་སྐུ་བརྙན་ཞིག་དང་། མཉམ་འབྲེལ་ཚོགས་གཙོ་དང་དྲུང་ཆེ་རྣམ་གཉིས་ནས་མངའ་སྡེའི་གཞུང་མང་གཉིས་ལ་ཐུགས་རྗེ་ཆེ་ཞུ་དང་བཀའ་དྲིན་རྗེས་དྲན་ཞུ་ཆེད་མངའ་སྡེའི་སྤྱི་ཁྱབ་བློན་ཆེན་མཆོག་ལ་སྟོན་པའི་སྐུ་ཐང་ཞིག་དད་རྟེན་ཕྱག་རྟགས་སུ་ཕུལ་ཡོད་པ་བཅས། །