༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༩ ཟླ་ ༦ ཚེས་ ༡ ཉིན་སྐབས་བཅུ་དྲུག་པའི་བོད་མི་མང་སྤྱི་འཐུས་རྒྱུན་ལས་ལོ་དུས་བཞི་པའི་སྐབས་སྤྱི་འཐུས་རྒྱུན་ལས་བཞི་འཕོ་འགྱུར་ཕྱིན་ཡོད་པ་ལས་གཞན་རྣམས་རང་འཇགས་བཞུགས་ཡོད།

དེ་ཡང་མདོ་སྟོད་སྤྱི་འཐུས་འཇུ་ཆེན་དཀོན་མཆོག་ཆོས་སྒྲོན་ལགས་དང་། སྤྱི་འཐུས་གེ་བ་ཚང་ངག་དབང་ཐར་པ་ལགས་རྣམ་གཉིས་ཀྱི་ཚབ་ཏུ་སྤྱི་འཐུས་དབུ་དཀར་ཚང་གཡུ་སྒྲོན་ལགས་དང་། སྤྱི་འཐུས་བློ་བཟང་གྲགས་པ་ལགས་རྣམ་གཉིས་ཕེབས་གནང་བ་དང་། དགེ་ལུགས་སྤྱི་འཐུས་དགེ་བཤེས་ལྷ་རམས་པ་ཨ་ཀྲུག་ཚེ་བརྟན་ལགས་ཀྱི་ཚབ་ཏུ་སྤྱི་འཐུས་དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ་ལགས་དང་། མདོ་སྨད་སྤྱི་འཐུས་ཀརྨ་དགེ་ལེགས་ལགས་ཀྱི་ཚབ་ཏུ་སྤྱི་འཐུས་ཚེ་རིང་ལྷ་མོ་ལགས་བཅས་ཕེབས་གནང་ཡོད།