ཕྱི་ལོ་ ༢༠༡༩ ཟླ་ ༤ ཚེས་ ༡ རེས་གཟའ་ཟླ་བ།
༄༅། །འདི་གར་སིམ་ལ་སྤྱི་ཁྱབ་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༨ ལོ་དེ་བཞིན་བོད་མིའི་སྒྲིག་འཛུགས་བཀའ་ཤག་ནས་གཞིས་བྱེས་བོད་མི་ཡོངས་ནས་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུ་རྒྱུའི་ལོར་སྲུང་བརྩི་ཞུ་རྒྱུ་གཏན་འབེབས་གནང་བ་ལྟར། ཕྱི་ལོ་ ༢༠༡༨ ཟླ་ ༤ ཚེས་ ༡ ནས་ཕྱི་ལོ་ ༢༠༡༩ ཟླ་ ༣ ཚེས་ ༣༡ བར་རྒྱ་གར་གཞུང་མང་གཉིས་ལ་བཀའ་དྲིན་རྗེས་དྲན་གྱི་ལོར་སྲུང་བརྩི་གནང་ཡོད་པ་ལྟར། ལོ་འདིར་རྒྱ་གར་གཞུང་མང་གཉིས་ལ་དམིགས་པའི་ལས་རིམ་སྣ་མང་ཞིག་སྤེལ་བའི་ཆ་ཤས་སུ། ཕྱི་ལོ་ ༢༠༡༨ ཟླ་ ༡༠ ཚེས་ ༡༥ ཉིན་ཧི་མཱ་ཅལ་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་རིམ་དམིགས་གསལ་ཞིག་གོ་སྒྲིག་ཞུས་ཡོད།
ལས་རིམ་འདི་བརྒྱུད་སིམ་ལ་ས་གནས་སུ་གནས་ཡོད་ཧི་མཱ་ཅལ་མངའ་སྡེའི་ཆེས་མཐོའི་མི་སྣ་ཁག་དང་། དཔོན་རིགས་ཁག དེ་བཞིན་འབྲེལ་ཡོད་ཆེས་མཐོའི་སྲི་ཞུའི་ལས་བྱེད་རྣམ་པར་སིམ་ལ་ས་གནས་འཐུས་ཚོགས་ཀྱི་ཚོགས་གཙོས་དབུས། སིམ་ལ་སྤྱི་ཁྱབ་ལས་ཁུངས་ཀྱི་འགན་ཁུར་འོག་དགོན་སྡེ་ཁག་གཉིས་དང་། གཞུང་དང་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་ཀྱིས་གཙོས་མི་མང་ཡོངས་ནས་ཕྱར་གྲུ་མཉམ་འདེགས་ཐོག་དཔོན་རིགས་ཁག་ལ་ཐུགས་རྗེ་ཆེ་ཞུའི་ལས་འགུལ་གྱི་ཕྱག་རྟགས་ཕུལ་ཐུབ་པ་བྱུང་ཡོད།
དེ་ཡང་ཆེས་མཐོའི་དཔོན་རིགས་ཁག་ལས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་ཇེ་རཱམ་ཋཱ་ཀུར་ Jairam Thakur མཆོག་དང་། ཤེས་རིག་དང་ཁྲིམས་ལུག་བློན་ཆེན་སུ་རེཤ་བྷར་དྭཱཇ་ Suresh Bhardwaj མཆོག ཧི་མཱ་ཅལ་མངའ་གཞུང་གི་སྤྱི་ཁྱབ་དྲུང་ཆེ་སྦི་ཀེ་ཨ་གར་ཝཱལ་ B.K. Agarwal མཆོག་བཅས་ལ་དེ་སྔ་ཕྱག་རྟགས་ཕུལ་ཟིན་ཐོག མངའ་སྡེ་གཞུང་གི་སྤྱི་ཁྱབ་དྲུང་ཆེ་ཟུར་པ་ཝི་སི་ཕཱར་ཀ་ V.C. Pharka མཆོག་དང་། མངའ་སྡེའི་གྲོང་ཁྱེར་ཡར་རྒྱས་ལས་ཁུངས་ཀྱི་ཟུང་དྲུང་ཝི་རེན་དྲཱ་ཤར་མཱ་ Virendra Sharma མཆོག མངའ་སྡེའི་ཁྲལ་འབབ་ལས་ཁུངས་ Revenue ཀྱི་དྲུང་ཆེ་གཞོན་པ་པྲ་ཝཱིན་ཀུ་མཱར་ཊཱཀ་ Praveen Kumar Taak མཆོག སིམ་ལ་གྲོང་ཁྱེར་ཁོངས་སིམ་ལ་རྫོང་དཔོན་ཨ་མིད་ཀ་ཤྱབ་ Amit Kashyap མཆོག་དང་། རྫོང་དཔོན་ལས་འཕར་དེབ་ཤྭེ་ཏ་སབཱ་ནིཀ་ Debasweta Banik མཆོག ADM (Law & Order) པྲ་བྷ་རཱ་ཇིབ་ Prabha Rajeev མཆོག ADM (Protocol) ཇི་སི་ནཻ་གི་ G.C. Negi མཆོག སིམ་ལ་གྲོང་ཁྱེར་ལས་ཁུངས་ཀྱི་འགན་འཛིན་ Commissioner པངྐ་ཇི་རཡེ་ Pankaj Rai མཆོག སིམ་ལ་སྐོར་སྲུང་ལས་ཁུངས་ཀྱི་སྤྱི་ཁྱབ་ SP ཨོ་མ་པ་ཏི་ཇམ་ཝལ་ Omapati Jamwal མཆོག Addl. SP མན་མོ་ཧན་སིངྒ་ Manmohan Singh མཆོག ཧི་མཱ་ཅལ་ཆེས་མཐོའི་མཐོ་སློབ་ HPU ཀྱི་རིགས་དྲུང་ Registrar ཟུར་པ་པངྐ་ཇི་ལ་ལིཊ་ Pankaj Lalit མཆོག HPU, Controller of Examination ཇེ་ཨེས་ནེ་གི་ J.S. Negi མཆོག སིམ་ལ་གྲོང་ཁྱེར་སྡེ་ཚན་གྱི་ SDM ནི་རཇ་ཅནྡ་ལ་ Neeraj Chandla མཆོག་དང་། Tehsildar སན་ཇཱིབ་གུཔ་ཏ་ Sanjeev Gupta མཆོག སིམ་ལ་ Congress party ཚོགས་པའི་ District President པྲཱ་དིབ་སིངྒ་ Pradeep Singh མཆོག བོད་དོན་ཐོག་ཐུགས་འཁུར་ཆེ་བཞེས་གནང་མཁན་དང་གྲོང་ཁྱེར་ལས་ཁུངས་ཀྱི་འཐུས་མི་ཟུར་པ་ Ex-Councillor ཨ་ནཱུཔ་ཝེད་ Anup Vaid མཆོག་བཅས་སོ་སོར་མཇལ་འཕྲད་ཀྱིས་བོད་མིའི་སྒྲིག་འཛུགས་དང་། གཞིས་བྱེས་བོད་མི་ཡོང་ཀྱི་ཚབ་ཞུས་ཏེ་ཐུགས་རྗེ་ཆེ་ཞུའི་མཇལ་དར་དང་ཕྱག་རྟགས་ཕུལ་ཏེ་ཐུགས་རྗེ་ཆེ་ཞུའི་ལས་འགུལ་མཇུག་སྒྲིལ་ཡོད་པ་བཅས། །
