ཕྱི་ལོ་ ༢༠༡༩ ཟླ་ ༣ ཚེས་ ༧ རེས་གཟའ་ཕུར་བུ།

༄༅། །ཕྱི་ལོ་ ༢༠༡༩ ཟླ་ ༣ ཚེས་ ༦ ཉིན་ Institute of Social Sciences ཞེས་པའི་གོ་སྒྲིག་འོག་རྒྱ་གར་བདེ་སྲུང་བློན་ཆེན་ཟུར་པ་སྐུ་གཤེགས་སྐུ་ཞབས་ཇོར་ཇི་ཕར་ནན་ཌེ་སིᨋམཆོག་གི་རྗེས་དྲན་ཚོགས་འདུ་འགོ་འཛུགས་ཀྱི་ཐོག་མར་སྐུ་ཞབས་ Dr.Ash Narain Roy མཆོག་གིས་ཕེབས་བསུའི་གསུང་བཤད་གནང་།

དེ་རྗེས་ཐེངས་འདིའི་རྗེས་དྲན་ཚོགས་འདུ་གོ་སྒྲིག་གནང་མཁན་གཙོ་བོ་སྐུ་ཞབས་ Dr. George Mathew མཆོག་གིས་ངོ་སྤྲོད་གསུང་བཤད་གནང་གྲུབ་མཚམས་ཞབས་པ་ཊེལ་ Patil ལགས་ཀྱིས་རྗེས་དྲན་གསུང་བཤད་ཐོག་མ་དེ་གནང་། དེ་རྗེས་དཔལ་ལྡན་བཀའ་ཤག་གི་སྐུ་ཚབ་དཔལ་འབྱོར་བཀའ་བློན་ཀརྨ་ཡེ་ཤེས་མཆོག་གིས་བཀའ་ཤག་དང་བོད་མི་ཡོངས་ཀྱི་ཚབ་ཞུས་ཏེ་དམ་པ་ཁོང་གིᨑ་ནང་མིར་ཐུགས་གསོ་ཞུས་གནང་བ་དང་། དམ་པ་ཁོང་ནི་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་བོད་མིའི་བློ་ཐུབ་གྲོགས་པོ་ཞིག་ཡིན་པ་སོགས་ངོ་སྤྲོད་གནང་།

དེ་རྗེས་བཀའ་བློན་མཆོག་སྐུ་སྒེར་ནས་དམ་པ་དེའི་སྐུ་ཕུང་ཞུགས་འབུལ་དང་། དེ་རྗེས་ཡེ་ཤུའི་ལུགས་ལྟར་དུར་ཤུལ་ས་རྦས་སྐབས་སུ་བཅར་ཡོད་པ་མ་ཟད། དམ་པ་ཁོང་ནི་བོད་མིའི་འཐབ་རྩོད་ཐོག་རྒྱབ་སྐྱོར་ཤུགས་ཆེ་གནང་མཁན་དང་སྐུ་ཚེ་ཧྲིལ་པོ་བདེན་པ་དང་མི་མང་གི་བདེ་དོན་ལ་དགོངས་བཞེས་གནང་མཁན་ཞིག་ཡིན་ཞིང་། ཁྱད་པར་སྐྱབས་བཅོལ་བོད་མི་ལྟ་བུ་དཀའ་སྡུག་མྱང་མཁན་གྱི་མི་རིགས་ཀྱི་ཆེད་སྐུ་ལས་སྐྱོན་མཁན་གྱི་སྐྱེས་བུ་ཞིག་ཡིན་པ་སོགས་ངོ་སྤྲོད་གནང་།

ད་དུང་དམ་པ་དེའི་སར་བཅར་སྐབས་དཔོན་རིགས་གཞན་ལྟར་མ་ཡིན་པར་ག་དུས་ཡིན་ནའང་བཅར་ཆོག་ཆོག་ཡིན་པ་སོགས་ཁོང་ནི་དཀའ་ངལ་ཅན་ལ་རྒྱབ་སྐྱོར་གནང་མཁན་ཞིག་ཡིན་པས་ཧ་ཅང་གི་བཀའ་དྲིན་ཅན་ཞིག་ཀྱང་ཆགས་ཀྱི་ཡོད་པ་གསུང་ཡོད། དུས་ཚིགས་དེའི་སྐབས་དཔལ་འབྱོར་བཀའ་བློན་མཆོག་དང་ལྷན་དུ་ལྡི་ལི་སྐུ་ཚབ་དོན་གཅོད་བཀའ་ཟུར་འབྲོང་ཆུང་དངོས་གྲུབ་མཆོག་ཀྱང་བཅར་ཡོད་པ་རེད།

ད་དུང་རྗེས་དྲན་ཚོགས་འདུའི་ཚོགས་ཐེངས་སྔ་རྗེས་ནང་བཀའ་ཟུར་རྒྱ་རི་སྒྲོལ་མ་མཆོག་དང་། གྲོས་ཚོགས་འཐུས་མི་སྐུ་ཞབས་ K.C Tyagi མཆོག སྐུ་ཞབས་ Pual Fernandes ལགས། མཁས་དབང་སྐུ་ཞབས་ Anand Kumar ལགས།ལྕམ་སྐུ་ Jaya Jaitly ལགས། ལྕམ་སྐུ་ Leila Kabir Fernandes ལགས། Dr Arun Kumar ལགསᨋསོགས་དམ་པ་ཁོང་དང་ལྷན་དུ་ཕྱག་ལས་གནང་མྱོང་ཡོད་མཁན་མི་སྣ་གྲགས་ཅན་ཁག་གཅིག་གཏམ་བཤད་དང་རྗེས་དྲན་ཞུས་ཡོད། སྐབས་དེར་ལྡི་ལི་ས་གནས་འགོ་འཛིན་དང་བརྒྱ་འཐུས་ཀྱིས་གཙོས་གནད་ཡོད་མི་སྣ་དང་རྒྱ་གར་བཅས་ཁྱོན་མང་ཚོགས་བརྒྱ་སྐོར་ཞིག་མཉམ་ཞུགས་གནང་འདུག །