༢༠༡༩ ཟླ་ ༣ ཚེས་ ༩ རེས་གཟའ་སྤེན་པ།
པར་པ་བསྟན་འཛིན་ཕན་བདེ་ལགས།
༄༅། །ཕྱི་ལོ་ ༢༠༡༩ ཟླ་ ༣ ཚེས་ ༩ ཉིན་གྱི་ཕྱེད་ཡོལ་ཆུ་ཚོད་ ༦ ཡོལ་ཙམ་ལ་རྡ་ས་གངས་ཅན་སྐྱིད་གཤོངས་བོད་མིའི་སྒྲིག་འཛུགས་ཀྱི་ལྟེ་གནས་སུ་ཐེངས་འདིར་བོད་མིའི་གསུམ་བཅུའི་སྒེར་ལངས་ཐེངས་ ༦༠ ཐོག་ཆེད་མངགས་རྒྱབ་སྐྱོར་གནང་ཆེད་དུ་ཕེབས་པའི་གླིང་ཆེན་ཨབ་ཕི་རི་ཀའི་བྷོཌ་སྭ་ནའི་ Botswana ཡུལ་གྱི་སྲིད་འཛིན་ཟུར་པ་སྐུ་ཞབས་ཨ་ཡན་ཀ་མ་ Ian Khama མཆོག་དང་། ཡུ་རོབ་གྲོས་ཚོགས་ཀྱི་འཐུས་མི་དང་ཐེ་ཝན། འཇར་མ་ནི། Germany ཁེ་ན་ཌ། Canada ཨི་ཊ་ལི། Italy སི་ལོ་ཝ་ཀི་ཡ་ Silovakia ཀེན་ཡ། Kenya རྒྱ་གར། India སོགས་ནས་ཕེབས་པའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་མི་རྣམས་ལ་གངས་སྐྱིད་ཚོགས་ཁང་གསར་པའི་ནང་བཀའ་ཤག་གིས་དགོང་དྲོའི་གསོལ་སྟོན་གཟབ་རྒྱས་ཤིག་གོ་སྒྲིག་ཞུས་འདུག
པར་པ་བསྟན་འཛིན་ཕན་བདེ་ལགས།
གསོལ་སྟོན་སྔོན་ལ་བོད་ཀྱི་ཟློས་གར་ཚོགས་པས་བོད་མིའི་སྲོལ་རྒྱུན་གཞས་སྣ་འཁྲབ་སྟོན་གཟིགས་འབུལ་ཞུས་པ་དང་། སྐབས་དེར་ཐོག་མར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་མཆོག་གིས་ངོ་སྤྲོད་དང་སྦྲགས་ཕེབས་བསུའི་གསུང་བཤད་སྙིང་བསྡུས་ཤིག་གནང་བསྟུན་རིག་གཞུང་འཁྲབ་སྟོན་གཟིགས་འབུལ་ཞུས་ཡོད།
པར་པ་བསྟན་འཛིན་ཕན་བདེ་ལགས།
སྐབས་དེར་རྒྱ་རིགས་སྐུ་མགྲོན་ཁག་གཅིག་དང་བཀའ་བློན་རྣམ་པ་བཅས་ཀྱང་ཕེབས་ཡོད་འདུག
པར་པ་བསྟན་འཛིན་ཕན་བདེ་ལགས།
དེ་ཡང་མཛད་འཆར་ལྟར་ན་ཐེངས་འདིར་བོད་མིའི་གསུམ་བཅུའི་སྒེར་ལངས་ཐེངས་ ༦༠ ཐོག་སྐུ་མགྲོན་གཙོ་བོ་གླིང་ཆེན་ཨ་ཕི་རི་ཀའི་བྷོཌ་སྭ་ནའི་ Botswana ཡུལ་གྱི་སྲིད་འཛིན་ཟུར་པ་སྐུ་ཞབས་ཨ་ཡན་ཀ་མ་ Ian Khama མཆོག་དང་། རྒྱ་གར་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ཤཱནཏ་ཀུ་མཱར་ Shanta Kumar མཆོག ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ཐོ་མ་སི་མན་ Thomas Mann མཆོག གླིང་ཆེན་ཨ་ཕི་རི་ཀའི་ཀེན་ཡ་ Kenya ནས་གྲོས་ཚོགས་འཐུས་མི་སྐུ་ཞབས་སིལ་ཝ་སི་ཨ་ན་མི་ Mr.Silverse Anami མཆོག དང་། དེ་བཞིན་འཇར་མ་ནི། Germany ནས་གྲོས་ཚོགས་འཐུས་མི་སྐུ་ཞབས་མེ་ཁལ་བྷརནྜ་ Mr. Michael Brand མཆོག ཁེ་ན་ཌ་Canda ནས་གྲོས་ཚོགས་འཐུས་མི་སྐུ་ཞབས་གར་ནེ་ཌི་ཇི་ནེ་སི་Mr. Garneti Genius མཆོག དང་། ལྕམ་སྐུ་ལིན་ཌ་ཌུང་ཀན་Ms. Linda Duncanམཆོག སི་ལོ་ཝ་ཀི་ཡའི་ Silovakia ནས་གྲོས་ཚོགས་འཐུས་མི་ལྕམ་སྐུ་ལུ་ཤི་ཡ་ཌུ་རི་སི་ནི་ཀོལ་སོ་ནོ་ཝ་Ms. Lucia Duris Nicholsonova མཆོག་དང་མར་ཊིན་པོ་ལི་ཡ་ཅིག་Mr.Martin Poliacik མཆོག
པར་པ་བསྟན་འཛིན་ཕན་བདེ་ལགས།
ཨི་ཊ་ལིའི་ Italy གྲོས་ཚོགས་འཐུས་མི་ཨེ་ན་ཏོ་ལ་ཨིན་ཅར་ཏི་ Ms. Antonella Incerti མཆོག ལྷོ་ཨ་མི་རི་ཀའི་གླིང་ཆེན་གྱི་པེ་རུ་Peru ནས་སྐུ་ཞབས་ Mr. Albeto de Belaunde མཆོག ཨུ་རུ་སུ། Russia ནས་སྐུ་ཞབས་ Mr. Mikhail Mutulov མཆོག ལྷོ་ཨ་ཕི་རི་ཀ་ South Africa ནས་ལྕམ་སྐུ་སེན་ཌི་ཀལ་ཡཱན་ Ms. Sandy Kalyan མཆོག ཐེ་ཝན་Taiwan ནས་ལྕམ་སྐུ་མེ་ནུ་ཡུ་ Ms. Mei Nu Yu མཆོག
པར་པ་བསྟན་འཛིན་ཕན་བདེ་ལགས།
དེ་བཞིན་ཨ་རི་དང་ཨོ་སི་ཊོ་ལི་ཡ། ཡུ་རོབ་ཁུལ་དུ་གནས་སྡོད་རྒྱ་རིགས་མཁས་དབང་དང་མང་གཙོ་དོན་གཉེར་བ། དེ་བཞིན་རྒྱ་ནག་སྐམ་ས་བཅས་ནས་བོད་དོན་རྒྱབ་སྐྱོར་གནང་མཁན་རྒྱ་རིགས་སོགས་ཀྱིས་གསུམ་བཅུའི་དུས་དྲན་ཐེངས་ ༦༠ སྲུང་བརྩི་ཞུ་རྒྱུའི་མཛད་སྒོའི་ཐོག་མཉམ་ཞུགས་གནང་རྒྱུ་ཡིན་འདུག
པར་པ་བསྟན་འཛིན་ཕན་བདེ་ལགས།
མདོར་ན་གསུམ་བཅུའི་དུས་དྲན་ཐེངས་ ༦༠ མཛད་སྒོའི་ཐོག་རྒྱ་གར་དང་རྒྱལ་སྤྱིའི་ཁྱོན་ནས་གྲོས་ཚོགས་འཐུས་མི་བཅུ་གཉིས་དང་རྒྱ་རིགས་མཁས་དབང་དང་མང་གཙོ་དོན་གཉེར་བ་གྲགས་ཅན་སྐུ་ཞབས་ཡང་ཅེ་ལིན་ Yang Jianli གཙོས་རྒྱ་རིགས་མཁས་དབང་དང་མང་གཙོ་དོན་གཉེར་བ། དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་གནང་མཁན་ཚོས་བོད་མིའི་བདེན་པའི་འཐབ་རྩོད་ལ་བློ་གཟུ་བོར་གནས་ནས་རྒྱབ་སྐྱོར་གནང་གཏན་འཁེལ་འདུག་པ་བཅས།
པར་པ་བསྟན་འཛིན་ཕན་བདེ་ལགས།
