ཕྱི་ལོ་ ༢༠༡༩ ཟླ་ ༣ ཚེས་ ༨ རེས་གཟའ་པ་སངས།
༄༅།། ལོ་ལྟར་དགའ་ལྡན་ཕོ་བྲང་ཡིག་ཚང་གི་ཏཱ་ལའི་བླ་མའི་དགེ་རྩའི་སློབ་ཡོན་གྲངས་ ༡༠༥ ཡོད་པ་ནས་སློབ་ཕྲུག་གྲངས་ ༡༠༠ ལ་ཉེ་བའི་གཙུག་ལག་རབ་འབྱམས་པའམ་ལོ་གསུམ་ཡན་གྱི་ཌིབ་ལོ་མའི་སློབ་ཚན་དང་། སློབ་ཕྲུག་གྲངས་ ༥ ལ་གཙུག་ལག་རབ་འབྱམས་པ་བཅས་ཀྱི་སློབ་ཡོན་གནང་བཞིན་ཡོད་ན། ཕྱི་ལོ་ ༢༠༡༩ ལོའི་སློབ་ཡོན་ཆེད་གཤམ་གསལ་དགོས་ངེས་ཆ་རྐྱེན་ཚང་རིགས་ནས་ཉེ་བའི་གཙུག་ལག་རབ་འབྱམས་པའི་སློབ་ཡོན་ཆེད་ཕྱི་ལོ་ ༢༠༡༩ ཟླ་ ༥ ཚེས་ ༣༡ དང་། གཙུག་ལག་རབ་འབྱམས་པའི་སློབ་ཡོན་ཆེད་ཕྱི་ལོ་ ༢༠༡༩ ཟླ་ ༨ ཚེས་ ༣༡ འགྱངས་མེད་གཤམ་གསལ་སྦྲེལ་མཐུད་ཁ་བྱང་བརྒྱུད་འཚང་སྙན་འབུལ་ཟིན་པ་དགོས།
ཉེ་བའི་གཙུག་ལག་རབ་འབྱམས་ཆེད། https://goo.gl/forms/dh99kSHhdzABY6ew2
གཙུག་ལག་རབ་འབྱམས་ཆེད། https://goo.gl/forms/sFXJYyYj5WshUZY12″
༡༽ གཤམ་གསལ་སློབ་ཡོན་ཞུ་ལེན་གྱི་དགོས་ངེས་ཆ་རྐྱེན་གང་རུང་གཅིག་ངེས་པར་ཚང་དགོས། ༼འགེངས་ཤོག་- ཁ་པ་བཀང་དགོས།༽
ཀ། རྒྱུན་གཏན་སློབ་སྦྱོང་ལེགས་པོ་ཡོད་ལ་ཐོན་རྒྱུགས་སྐབས་བརྒྱ་ཆ་མཐོ་པོ་བླངས་མ་ཐུབ་པ། ༼སློབ་གྲྭ་ནས་བཀང་དགོས།༽
ཁ། སྤྱི་དོན་སེམས་ཁུར་དང་། ལྷག་བསམ། དྲང་བདེན། ཡ་རབས་སྤྱོད་བཟང་བཅས་ལྡན་པ། ༼སློབ་གྲྭ་ནས་བཀང་དགོས།༽
ག། དྭ་ཕྲུག་དང་། ཕྱེད་དྭ་ཕྲུག དབུལ་ཕོངས་ཉམ་ཐག་ཅན་གྱི་ཁྱིམ་ཚང་གི་ཕྲུ་གུ་ཡིན་པ། ༼ས་གནས་འགོ་འཛིན་ནས་བཀང་དགོས།༽
༢༽ དགོས་མཁོའི་ཡིག་ཆ་ཁག་གཤམ་གསལ།
༢་༡། ༼འགེངས་ཤོག་-ཀ༽ པ་དང་། ༼ འགེངས་ཤོག་-ཁ༽ པ་ཞིབ་བཀང་གིས་ངེས་འབུལ་དགོས།
༢་༢། འཛིན་རིམ་བཅུ་པའི་ཨང་ཐོབ་ཤོག་ལྷེ་འབུལ་དགོས།
༢་༣། གཙུག་ལག་རབ་འབྱམས་པའི་སློན་ཚན་ཁོངས་སྙན་འབུལ་བ་ཡིན་ན་ཉེ་བའི་གཙུག་ལག་རབ་འབྱམས་སྐབས་ཏཱ་ལའི་བླ་མའི་དགེ་རྩ་ནས་སློབ་ཡོན་བཞེས་མཁན་ཞིག་ཡིན་དགོས་ཐོག ཉེ་བའི་གཙུག་ལག་རབ་འབྱམས་པའི་ཨང་ཐོབ་ཤོག་ལྷེ་ཆ་ཚང་འབུལ་དགོས།
༢་༤། སློབ་ཕྲུག་རྩེ་ཕུད་ཀྱི་གཟེངས་བསྟོད་ལག་འཁྱེར་ཡོད་ཚེ་ལག་འཁྱེར་གྱི་ངོ་བཤུས་འབུལ་དགོས།
༣། ཐུགས་སྣང་དགོས་པའི་གནད་དོན་གཞན་ཁག
༣་༡། འཚང་སྙན་འབུལ་མི་གང་ཞིག་བཙན་བྱོལ་བོད་མི་ཡིན་པའི་ཐོག་དོ་བདག་དང་། ཕ་མའི་དྭང་བླངས་དཔྱ་དངུལ་ཕྱི་ལོ་ ༢༠༡༨ བར་གཙང་ཕུལ་ཟིན་པ་དགོས། གལ་ཏེ་ཕ་མ་བོད་ནང་ཡོད་པའམ། འདས་གྲོངས། ཁ་བྲལ་སོང་བའི་རིགས་ཡིན་ཚེ་འབྲེལ་ ཆགས་ས་གནས་འགོ་འཛིན་ནས་ཞིབ་འཇུག་གིས་ཞིབ་ཕྲའི་གནས་ཚུལ་ ༼ འགེངས་ཤོག་-ཀ ༽ པའི་ནང་ཁ་གསལ་བཀང་དགོས།
༣་༢། འཚང་སྙན་འབུལ་མི་རྣམས་ལ་རྒྱ་གར་སྐྱབས་བཅོལ་ལག་དེབ་དུས་འགྱངས་བཀའ་འཁྲོལ་ཡོད་པ་དགོས། བལ་ཡུལ་དང་། འབྲུག ཀ་རྡོར་སྒང་གསུམ་ས་ཁུལ་དུ་གནས་སྡོད་སྙན་འབུལ་བ་ཡིན་ན་འབྲེལ་ཆགས་ས་གནས་འགོ་འཛིན་ནས་ཞིབ་འཇུག་ གིས་བོད་མི་སྐྱབས་བཅོལ་བ་དངོས་འབྲེལ་ཡིན་པའི་རྒྱབ་གཉེར་ ༼ འགེངས་ཤོག་-ཀ ༽ པའི་ནང་ཁ་གསལ་བཀང་དགོས།
༣་༣། ཉེ་བའི་གཙུག་ལག་རབ་འབྱམས་པའི་སློབ་ཡོན་ཆེད་དམའ་མཐར་འཛིན་རིམ་བཅུ་པ་བར་བོད་ཡིག་སློབ་སྦྱོང་བྱས་པ་ཞིག་ དགོས། ཡང་ན་ཤེས་རིག་ལས་ཁུངས་ནས་ས་གནས་འགོ་འཛིན་ལས་ཁུངས་སོ་སོར་ཕྱི་ལོ་ ༢༠༡༩ ཟླ་ ༦ ཚེས་ ༡༠ ཉིན་གོ་སྒྲིག་ ཞུ་གཏན་འཁེལ་བའི་འཛིན་རིམ་བཅུ་པའི་ཚད་མཉམ་བོད་ཡིག་ཡིག་རྒྱུགས་འཕྲོད་པ་ཞིག་དགོས།
༣་༤། ལས་རིགས་སློབ་སྦྱོང་གི་སློབ་ཡོན་འདི་ཁོངས་ཚུད་མེད།
འབྲེལ་གཏུག་ཞུ་ཡུལ།
སངས་རྒྱས་ལྷ་སྒྲོན།
Scholarship Section Department of Education,
CTA Gangchen Kyishong, Dharamsala -176215
District Kangra,
Himachal Pradesh,
India Phone: +91.01892.226695, 222572, 222721
Email: [email protected], [email protected]
Website: www.sherig.org, www.lamton.org
