༢༠༡༨ ཟླ་ ༡༡ ཚེས་ ༡༥ རེས་གཟའ་ཕུར་བུ།
༄༅། །བོད་མིའི་སྒྲིག་འཛུགས་བཀའ་ཤག་གི་ལྔ་དང་ལྔ་བཅུའི་འཆར་སྣང་ལྟར་བོད་མིའི་ཤེས་ཡོན་དང་རིག་གཞུང་། དཔལ་འབྱོར་གྱི་ལས་གཞི་ཡར་རྒྱས་གཏོང་རྒྱུར་དམིགས་ཏེ་ཐེངས་འདིར་དཔལ་འབྱོ
སྐབས་དེར་ཁོང་གཉིས་ཀྱིས་ཐེ་ཝན་གཞུང་གི་ལས་བྱེད་རྒན་གྲས་ཁག་གཅིག་དང་ཐུག་འཕྲད་གནང་བ་མ་ཟད། ཐེ་ཝན་རྒྱལ་གཉེར་ཆབ་སྲིད་གཙུག་ལག་སློབ་ཆེན། National Chengchi University དང་། ཕོ་ཀོང་ནང་བསྟན་སློབ་ཆེན། (Fo Guan University) རྒྱལ་གཉེར་ཀུའུ་ཀུང་འགྲེམས་སྟོན་ཁང་། (National Palace) ༢༢༨ ཞི་བདེའི་དྲན་གསོ་ཁང་། (National 228 Memorial museums) ཐེ་ཝན་མང་གཙོ་ཐེབས་རྩ་ཁང་། (Taiwan Foundation for Democracy) ཐེ་པེ་ཝེན་ཧྭ་ས་ཁུལ་སྔོན་འགྲོའི་སློབ་གྲྭ་ (Taipei Municipal Wenshan Preschool) བཅས་སུ་ཕེབས་འདུག ཤེས་ཡོན་བསྟི་གནས་ཁང་དེ་དག་ཏུ་དེང་དུས་འཕྲུལ་ཆས་བཀོལ་སྤྱོད་བྱེད་སྟངས་དང་། སློབ་ཚན་འཇོག་སྟངས། ལྷག་པར་ཐེ་པེ་ཝེན་ཧྭ་ས་ཁུལ་སྔོན་འགྲོའི་སློབ་གྲྭའི་ནང་དུ་རིན་མེད་ཐོག་ཚད་མཐོའི་ཤེས་ཡོན་སློབ་སྦྱོང་གི་གོ་སྐབས་གནང་བཞིན་པ་བཅས་ལ་རྟོག་ཞིབ་གནང་འདུག 
བོད་མིའི་སྐུ་ཚབ་ཁོང་རྣམས་ནས་ཚོང་པའི་ལྷན་ཚོགས་ཀྱི་མི་སྣ་དང་ཐུག་འཕྲད་སྐབས་བོད་མི་ཁེ་གཉེར་ཚོང་པ་རྣམས་ལ་ཚོང་ལས་མ་འཛུགས་སོགས་རོགས་རམ་གནང་རྒྱུའི་གོ་སྐབས་དང་ཐབས་ལམ་ཇི་ཡོད་སོགས་གསལ་བཤད་ཀྱང་ཞིབ་ཕྲ་གནང་ཐུབ་པ་བྱུང་འདུག ཕྱོགས་མཚུངས་བོད་མིའི་སྐུ་ཚབ་རྣམ་གཉིས་ནས་ཐེ་སྡོད་བོད་རིགས་ཚོགས་པའི་སྐུ་ཚབ་དང་ཐུག་འཕྲད་གནང་བ་མ་ཟད། སྐལ་རྡོར་དབུ་དཀར་ཚང་ལགས་ཀྱིས་ཐེ་ཝན་རྒྱལ་ཡོངས་རླུང་འཕྲིན་ལས་ཁང་Radio Taiwan International ནང་རྒྱ་ནག་དང་འབྲེལ་བའི་ལེ་ཚན་Eye on China ཞེས་པའི་དྲི་བར་ལན་འདེབས་གནང་འདུག
ཐེངས་འདིར་གཞུང་འབྲེལ་ཕྱོགས་ཕེབས་གོ་སྒྲིག་གནང་མཁན་ཐེ་ཝན་སྐུ་ཚབ་དོན་ཁང་ལ་རྒྱབ་སྐྱོར་གནང་མཁན་ཚོགས་པ་ཁག་ཡིན་ཞིང་། ཐེ་ཝན་སྐུ་ཚབ་དོན་གཅོད་ཟླ་བ་ཚེ་རིང་ལགས་ཐེངས་འདིར་གཞུང་འབྲེལ་ཕྱོགས་ཕེབས་སྐབས་ལྷན་དུ་ཕེབས་ཡོད་པ་བཅས།།
