༢༠༡༨ ཟླ་ ༡༠ ཚེས་ ༣ རེས་གཟའ་ལྷག་པ།

༄༅། །ཕྱི་ལོ་ ༢༠༡༨ ཟླ་ ༡༠ ཚེས་ ༡ ཉིན་བཀའ་དྲུང་ཡིག་ཚང་ནས་བཀོད་ཁྱབ་ཕེབས་དོན་ལྟར་ན།  སྲི་ཞུའི་ལས་བྱེད་བཞི་དྲུང་ཆེའི་གནས་རིམ་ཐོག་གནས་སྤར་གནང་འདུག   དེ་ཡང་ཟློས་གར་འགན་འཛིན་དཔེ་ཟུར་དབང་འདུས་ཚེ་རིང་ལགས་ནང་སྲིད་ལས་ཁུངས་ཀྱི་དྲུང་ཆེ་དང་།

ཕྱི་དྲིལ་དྲུང་འཕར་ཚེ་རིང་དབྱངས་སྐྱིད་ལགས་བོད་ཀྱི་སྲིད་བྱུས་ཉམས་ཞིབ་ཁང་གི་དྲུང་ཆེར་བསྐོ་གཞག་གནང་བ་མ་ཟད། འཕྲོད་བསྟེན་ལས་ཁུངས་ཀྱི་དྲུང་འཕར་ཡེ་ཤེས་དབང་མོ་ལགས་དཔལ་འབྱོར་ལས་ཁུངས་ཀྱི་དྲུང་ཆེར་བསྐོ་གཞག་གནང་བ་དང་།  སྤྱི་ཁྱབ་རྩིས་ཞིབ་ལས་ཁང་གི་དྲུང་ཚབ་ལྷུན་གྲུབ་སྒང་བཀྲ་ཤིས་སྟོབས་རྒྱལ་ལགས་སྤྱི་ཁྱབ་རྩིས་ཞིབ་ལས་ཁང་གི་དྲུང་ཆེར་བསྐོ་གཞག་གནང་འདུག

ཐེངས་འདིར་བུད་མེད་དྲུང་ཆེ་གསར་བསྐོ་གནང་བ་གཉིས་ནི་ཕྱི་དྲིལ་དྲུང་འཕར་ཚེ་རིང་དབྱངས་སྐྱིད་ལགས་བོད་ཀྱི་སྲིད་བྱུས་ཉམས་ཞིབ་ཁང་གི་བུད་མེད་དྲུང་ཆེ་ཆེས་ཐོག་མ་དང་།

འཕྲོད་བསྟེན་ལས་ཁུངས་ཀྱི་དྲུང་འཕར་ཡེ་ཤེས་དབང་མོ་ལགས་དཔལ་འབྱོར་ལས་ཁུངས་ཀྱི་བུད་མེད་དྲུང་ཆེ་ཆེས་ཐོག་མ་ཆགས་ཡོད།

དེ་ཡང་སྐབས་གཞི་དཔེ་ཟུར་དབང་འདུད་ཚེ་རིང་ལགས་ནི།  ༡༩༥༩།༠༧།༠༡ ཉིན་འབྲས་ལྗོངས་ཀྱི་རྒྱལ་ས་སྒང་ཏོག་ཏུ་སྐྱེས་ཤིང་།  སྦེལ་ཀོབ་གཏན་སློབ་ཐོན་རྗེས་ཝ་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་ནས་ཤཱསྟྲི་ཐོན། 

དཔེ་ཟུར་དབང་འདུས་ཚེ་རིང་ལགས།

༡༩༨༣ ཟླ་ ༥ ཚེས་ ༡༥ ཉིན་གནས་དགུ་པའི་ཐོག་དཔལ་འབྱོར་འདུ་འགོད་ཁང་གི་ཚོད་ལྟའི་གཞོན་དྲུང་། པྱི་ལོ་ ༡༩༨༤ ཟླ་ ༧ ཚེས་ ༡ ཉིན་གནས་དགུ་པ་ལས་བྱེད་ངོ་མར་བསྐོ་གཞག ༡༩༨༤ ཟླ་ ༡༡ ཚེས་ ༡༥ ཉིན་གནས་རང་འཇགས་ཐོག་སྦེལ་ཀོབ་ཕྱུགས་བཟོའི་དངུལ་གཉེར་དུ་གནས་སྤོས།  ཕྱི་ལོ་ ༡༩༨༨ ཟླ་ ༡ ཚེས་ ༡ ཉིན་གནས་རང་འཇགས་ཐོག་འབུམ་ལ་བསྟན་སྒང་ལས་དྲུང་དུ་གནས་སྤོས།  ༡༩༩༢ ཟླ་ ༨ ཚེས་ ༡ ཉིན་ལས་དོའི་གནས་རིམ་དུ་བསྐོ་གཞག  ༡༩༩༣ ཟླ་ ༣ ཚེས་ ༡༥ ཉིན་འབུམ་ལ་དང་བསྟན་སྒང་གཞིས་འགོ་གཅིག་ལྕོགས་སུ་གནས་སྤོས། ༡༩༩༣ ཟླ་ ༦ ཚེས་ ༣ ཉིན་སྡེ་འགན་གནས་རིམ་དུ་གནས་སྤར།  ༡༩༩༦ ཟླ་ ༣ ཚེས་ ༢༡ ཉིན་ཧུན་སུར་རབ་རྒྱས་གླིང་ས་གནས་འགོ་འཛིན་དུ་གནས་སྤོས། ༡༩༩༦ ཟླ་ ༧ ཚེས་ ༢ ཉིན་དྲུང་ལས་གནས་རིམ་ཐོག་གནས་སྤར། ༡༩༩༦ ཟླ་ ༧ ཚེས་ ༢༥ ཉིན་འབུམ་ལ་དང་བསྟན་སྒང་གཞིས་འགོ་གཅིག་ལྕོགས་སུ་ལས་འགན་བཀོད་སྒྲིག

༡༩༩༧ ཟླ་ ༦ ཚེས་ ༢༡ ཉིན་སྤོན་ཊ་ཆོལ་གསུམ་ས་གནས་འགོ་འཛིན་དུ་གནས་སྤོས། ༡༩༩༨ ཟླ་ ༤ ཚེས་ ༢༡ ཉིན་མན་སྤར་ས་གནས་འགོ་འཛིན་དུ་གནས་སྤོས། ༡༩༩༩ ཟླ་ ༣ ཚེས་ ༩ ཉིན་དྲུང་གཞོན་གནས་རིམ་དུ་གནས་སྤར། ༢༠༠༣ ཟླ་ ༣ ཚེས་ ༡༢ ཉིན་ཀོ་ལི་གྷལ་ས་གནས་འགོ་འཛིན་དུ་གནས་སྤོས། ༢༠༠༥ ཟླ་ ༡༢ ཚེས་ ༢༢ ཉིན་ཟུང་དྲུང་གནས་རིམ་དུ་གནས་སྤར། ༢༠༠༩ ཟླ་ ༡ ཚེས་ ༡༦ ཉིན་དཔལ་འབྱོར་ལས་ཁུངས་སུ་གནས་སྤོས། ༢༠༡༣ ཟླ་ ༨ ཚེས་ ༢ དྲུང་འཕར་གནས་རིམ་དུ་གནས་སྤར། ༢༠༡༤ ཟླ་ ༩ ཚེས་ ༡ ཉིན་བོད་ཀྱི་ཟློས་གར་འགན་འཛིན་དུ་གནས་སྤོས། ༢༠༡༨ ཟླ་ ༡༢ ཚེས་ ༡ ཉིན་ནང་སྲིད་ལས་ཁུངས་ཀྱི་དྲུང་ཆེར་གནས་སྤོས།   

དྲུང་ཆེ་ཚེ་རིང་དབྱངས་སྐྱིད་ལགས་ནི། 

དྲུང་ཆེ་ཚེ་རིང་དབྱངས་སྐྱིད་ལགས།

 ༡༩༧༡།༦།༡༥   ཉིན་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་གཞིས་ཆགས་སུ་སྐྱེས་ཤིང་།  མོན་གྷོ་གཏན་སློབ་ཐོན་རྗེས་རྒྱ་གར་སྦེང་ལོར་མཐོ་སློབ་ནས་ཉེ་བའི་གཙུག་ལག་རབ་འབྱམས་པ་ཐོན།

༡༩༩༥ ཟླ་ ༩ ཚེས་ ༡༢ ཉིན་ཐོག་མར་ཆོས་རིག་ལས་ཁུངས་ཀྱི་དྲུང་ལས་སུ་ཚོད་ལྟའི་ལས་བྱེད་དུ་བསྐོ་གཞག་གནང་། ༡༩༩༦ ཟླ་ ༤ ཚེས་ ༢༥ ཉིན་ཆོས་རིག་ལས་ཁུངས་ཀྱི་ལས་བྱེད་ངོ་མར་བསྐོ་གཞག་གནང་། ༡༩༩༩ ཟླ་ ༢ ཚེས་ ༡༡ ཉིན་ཆོས་རིག་ལས་ཁུངས་ཀྱི་དྲུང་གཞོན་གནས་རིམ་ཐོག་གནས་སྤར། ༢༠༠༥ ཟླ་ ༦ ཚེས་ ༡ ཉིན་ཆོས་རིག་ལས་ཁུངས་ཀྱི་ཟུང་དྲུང་གནས་རིམ་ཐོག་གནས་སྤར།  ༢༠༠༧ ཟླ་ ༧ ཚེས་ ༡༦ ཉིན་ཨ་རིར་གཞུང་འབྲེལ་མིན་པའི་སློབ་བསྐྱོད་དང་།  དེ་རྗེས་ ༢༠༠༨ ཟླ་ ༨ ཚེས་ ༡༡ ཉིན་ཨ་རི་ནས་ཕྱིར་འཁོར་མཚམས་འཕྲོད་བསྟེན་ལས་ཁུངས་སུ་ལས་འགན་བསྐོ་སྒྲིག་གནང་། ༢༠༡༢ ཟླ་ ༥ ཚེས་ ༡ ཉིན་བོད་ཀྱི་ཟློས་གར་ཚོགས་པའི་འགན་འཛིན་དུ་གནས་སྤོས། ༢༠༡༣ ཟླ་ ༩ ཚེས་ ༥ ཉིན་དྲུང་འཕར་གནས་རིམ་ཐོག་གནས་སྤར། ༢༠༡༤ ཟླ་ ༩ ཚེས་ ༡ ཉིན་བཀའ་དྲུང་ཡིག་ཚང་དུ་གནས་སྤོས། ༢༠༡༤ ཟླ་ ༡༠ ཚེས་ ༡༥ ཉིན་བོད་ཀྱི་སྲིད་བྱུས་ཉམས་ཞིབ་ཁང་དུ་གནས་སྤོས། ༢༠༡༦ ཟླ་ ༨ ཚེས་ ༡ ཉིན་ཕྱི་དྲིལ་ལས་ཁུངས་སུ་གནས་སྤོས། ༢༠༡༨།༡༠།༠༦ ནས་དྲུང་ཆེའི་གནས་རིམ་དུ་གནས་སྤར། ༢༠༡༨།༡༡།༠༢ ནས་བོད་ཀྱི་སྲིད་བྱུས་ཉམས་ཞིབ་ཁང་གི་དྲུང་ཆེར་གནས་སྤོས།

དྲུང་ཆེ་ཡེ་ཤེས་དབང་མོ་ལགས་ནི།   

དྲུང་ཆེ་ཡེ་ཤེས་དབང་མོ་ལགས།

༡༩༧༠།༡།༡༥   ཉིན་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་ཅོན་ཏ་རར་སྐྱེས།  ཌལ་ཧོར་གཏན་སློབ་ནས་སློབ་ཐོན་རྗེས་ B.Sc GCG College Chandigarh ནས་མཐོ་སློབ་ཐོན། ༡༩༩༥ ཟླ་ ༩ ཚེས་ ༡༥ ཉིན་ཐོག་མར་ལས་བྱེད་དུ་བསྐོ་གཞག་གནང་།༡༩༩༥ ཟླ་ ༩ ཚེས་ ༡༨ ཉིན་བདེ་སྲུང་ཉམས་ཞིབ་ཁང་གི་དྲུང་ལས་སུ་བསྐོ་གཞག་གནང་། 

༡༩༩༩ ཟླ་ ༢ ཚེས་ ༢༤ ཉིན་དྲུང་གཞོན་གནས་རིམ་དུ་གནས་སྤར། ༢༠༠༢ ཟླ་ ༢ ཚེས་ ༨ ཉིན་འཕྲོད་བསྟེན་ལས་ཁུངས་སུ་གནས་སྤོས། ༢༠༠༥ ཟླ་ ༦ ཚེས་ ༢ ཉིན་འཕྲོད་བསྟེན་ལས་ཁུངས་རང་འཇགས་ཐོག་ཟུང་དྲུང་གནས་རིམ་དུ་གནས་སྤར། ༢༠༠༩ ཟླ་ ༨ ཚེས་ ༡༠ ཉིན་གཞུང་འབྲེལ་མིན་པའི་སློབ་བསྐྱོད་ནས་ཕྱིར་འཁོར་རྗེས་བཀའ་ཤག་གི་ཟུང་དྲུང་དུ་ལས་འགན་བཀོད་སྒྲིག་གནང་། ༢༠༠༩ ཟླ་ ༡༢ ཚེས་ ༧ ཉིན་ཕྱི་དྲིལ་ལས་ཁུངས་སུ་གནས་སྤོས། ༢༠༡༣ ཟླ་ ༩ ཚེས་ ༦ ཉིན་དྲུང་འཕར་དུ་གནས་སྤར།  ༢༠༡༦ ཟླ་ ༧ ཚེས་ ༢༧ ཉིན་འཕྲོད་བསྟེན་ལས་ཁུངས་སུ་གནས་སྤོས། ༢༠༡༨།༡༠།༠༨ ནས་དྲུང་ཆེ་གནས་རིམ་དུ་གནས་སྤར་གྱིས་དཔལ་འབྱོར་ལས་ཁུངས་ཀྱི་དྲུང་ཆེར་གནས་སྤོས།