བོད་མི་མང་སྤྱི་འཐུས་སྐུ་ཚབ་ཚོགས་ཆུང་གིས་༼བོད་ཀྱི་གནད་དོན་གནད་འགག་ཇི་ཆགས།༽ཞེས་པའི་བརྗོད་གཞིའི་ཐོག་གསུང་བཤད་གནང་བ།

གསར་ལས་ཁང་གི་གསར་འགོད་པས།

༢༠༡༨-༡༠-༠༣

ཕྱི་ལོ་ ༢༠༡༨ ཟླ་༡༠ ཚེས་ ༣ རེས་གཟའ་ལྷག་པ།

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ནས་རྒྱ་གར་རྒྱལ་ཡོངས་སུ་བོད་དོན་ཞུ་སྐུལ་གྱི་ལས་འགུལ་ཞིག་སྤེལ་བཞིན་ཡོད་པ་ལྟར། ཕྱི་ལོ་ ༢༠༡༨ ཟླ་ ༩ ཚེས་ ༣༠ ཉིན་ནས་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཚོགས་ཆུང་གི་ཚོགས་མི་སྤྱི་འཐུས་དབུ་དཀར་ཚང་གཡུ་སྒྲོན་ལགས། སྤྱི་འཐུས་ཡེ་ཤེས་སྒྲོལ་མ་ལགས། སྤྱི་འཐུས་དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ་ལགས། སྤྱི་འཐུས་དཀོན་མཆོག་ཡང་འཕེལ་ལགས་བཅས་ཀྱིས་རྒྱ་གར་མངའ་སྡེ་མཧཱ་ར་ཤི་ཀྲའི་ Maharashtra རྒྱལ་ས་མུམ་སྦེ་ནང་བོད་དོན་ཞུ་སྐུལ་གནང་བཞིན་ཡོད།

དེ་ཡང་ཟླ་ ༩ ཚེས་ ༣༠ ཉིན་མུམ་སྦེ་ནང་རྟེན་གཞི་བྱས་པའི་ National and Asian Resource Centre for Inclusion, ADAPT Mumbai, Bandra Reclamation ཚོགས་ཁང་ནང་དུ་ ༼བོད་ཀྱི་གནད་དོན་གནད་འགག་ཇི་ཆགས། Why Tibet Matters ༽ ཞེས་པའི་བརྗོད་གཞིའི་ཐོག་གཏམ་བཤད་གནང་རྒྱུའི་ཚོགས་འདུ་ཞིག་ཚོགས་གནང་ཡོད་འདུག

གཏམ་བཤད་ལས་རིམ་གྱི་ཐོག་མར་ CTA: Leading Tibet Home ཞེས་པའི་དུས་ཐུང་དངོས་བྱུང་གློག་བརྙན་ཞིག་གཟིགས་འབུལ་གནང་ཡོད་པ་དང་། དེ་རྗེས་སྤྱི་འཐུས་དགེ་བཤེས་ལྷ་རམས་པ་གོ་བོ་བློ་བཟང་ཕན་བདེ་ལགས་ཀྱིས་ནང་ཆོས་དང་རྒྱ་གར་གྱི་གནའ་བོའི་རིག་གཞུང་། Buddhism: An ancient Indian heritage ཞེས་པའི་བརྗོད་གཞིའི་ཐོག་གསུང་བཤད་གནང་ཡོད་པ་དང་། སྤྱི་འཐུས་ཡེ་ཤེས་སྒྲོལ་མ་ལགས་ཀྱིས་ཨིན་སྐད་ཐོག་སྐད་བསྒྱུར་གནང་འདུག་པ་བཅས། །