ཕྱི་ལོ་ ༢༠༡༨ ཟླ་ ༡༠ ཚེས་ ༨ རེས་གཟའ་ཟླ་བ།

༄༅། །བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་མཆོག་ཕྱི་ལོ་ ༢༠༡༨ ཟླ་ ༡༠ ཚེས་ ༨ ནས་ ༢༤ བར་རྒྱ་གར་བྱང་ཤར་ཁུལ་དུ་རྟེན་གཞི་བྱས་པའི་བོད་བརྒྱུད་ནང་བསྟན་གྱི་དགོན་སྡེ་ཁག་ཏུ་གཞུང་འབྲེལ་འཚམས་གཟིགས་གནང་གཏན་འཁེལ་ཡོད།
དེ་ཡང་བཀའ་བློན་མཆོག་ཟླ་འདིའི་ཕྱི་ཚེས་ ༩ ནས་ ༡༥ བར་བསྟན་འཛིན་སྒང་དང་། འབུམ་སྡེ་ལ། དྷི་རངས། རྟ་དབང་བཅས་ཀྱི་ཁུལ་དུ་ཡོད་པའི་དགོན་སྡེ་ཁག་ཏུ་འཚམས་གཟིགས་གནང་རྒྱུ་དང་། དེ་བཞིན་ཕྱི་ཚེས་ ༡༦ ནས་ ༢༣ བར་མེའོ་ཆོས་འཕེལ་གླིང་དང་། ཏེ་ཛུ་དར་རྒྱས་གླིང་། ཀྲུ་ཀྲིང་། ཤི་ལོངས་བཅས་ཀྱི་ཁུལ་དུ་ཡོད་པའི་དགོན་སྡེ་ཁག་ཏུ་འཚམས་གཟིགས་གནང་རྒྱུ་ཡིན་པ་བཅས། །