ཕྱི་ལོ་ ༢༠༡༨ ཟླ་ ༩ ཚེས་ ༥ རེས་གཟའ་ལྷག་པ། 

༄༅། །ཕྱི་ལོ་ ༢༠༡༨ ཟླ་ ༩ ཚེས་ ༦ ནས་ ༧ བར་ཉིན་གཉིས་རིང་༸སྐྱབས་རྗེ་༸རྒྱལ་བ་སྨན་རིའི་ཁྲི་འཛིན་སོ་བཞི་པ་མཆོག་གཞིས་བྱེས་བོན་འབངས་ཡོངས་ཀྱི་གཙུག་རྒྱན་དུ་མངའ་གསོལ་དགྱེས་སྟོན་གྱི་མཛད་སྒོ་ཞིག་ཚོགས་རྒྱུ་ཡིན་པ་ལྟར།   བོད་མི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་མཛད་སྒོའི་ཐོག་གདན་འབོད་ལྟར་གཞུང་འབྲེལ་ཕྱོགས་ཕེབས་གནང་ཡོད།
དེ་ཡང་དཔལ་ལྡན་སྲིད་སྐྱོང་མཆོག་ཕྱི་ཟླ་ ༩ ཚེས་ ༥ ཞོགས་པ་རྡ་ས་ནས་བོན་གཞིས་ཕེབས་ཐོན་གནང་རྒྱུ་དང། ཚེས་ ༦ དང་ ༧ ཉིན་གཉིས་རིང་ས་གནས་སུ་མཛད་འཆར། ཚེས་ ༨ སྔ་དྲོའི་ཉིན་བོན་གཞིས་ནས་རྡ་སར་ཕྱིར་ཕེབས་གནང་རྒྱུ་བཅས། །