༢༠༡༨ ཟླ་ ༩ ཚེས་ ༢༠ རེས་གཟའ་ཕུར་བུ།
༄༅། །བཙན་བྱོལ་བོད་མིའི་བཅའ་ཁྲིམས་ལིའུ་དྲུག་པའི་དོན་ཚན་ ༦༣ ནང་གསེས་ ༡ དགོངས་དོན་ཆེས་མཐོའི་ཁྲིམས་ཞིབ་ཁང་དུ་ཁྲིམས་ཞིབ་པ་གཞན་གཅིག་གི་གོ་ཡུལ་སྟོང་པ་ཐོན་པར་ཁ་སྐོང་གནང་ཕྱོགས་ཀྱི་ལས་རིམ་ལག་བསྟར་བརྒྱུད་འདེམས་སྒྲུག་ཚོགས་ཆུང་ནས་མི་འགྲོ་འཆར་འབུལ་བྱུང་བ་ལྟར། ད་ལམ་སྐབས་ ༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༦ པའི་ལས་ཉིན་གཉིས་པ་སྟེ་ཕྱི་ལོ་ ༢༠༡༨ ཟླ་ ༩ ཚེས་ ༡༩ སྔ་དྲོའི་ཚོགས་ཐེངས་གཉིས་པའི་ཐོག་ངོ་ཡོད་སྤྱི་འཐུས་ཞལ་གྲངས་ ༤༣ ཚོགས་ཕེབས་ཡོད་པ་ནས་ནང་སྲིད་ལས་ཁུངས་ཀྱི་དྲུང་འཕར་ཤོ་ཟུར་ཚེ་དབང་སྒྲོལ་མ་ལགས་ལ་འོས་གྲངས་ ༡༩ དང་། ཆོས་རིག་ལས་ཁུངས་ཀྱི་དྲུང་འཕར་ཀརྨ་དགྲ་འདུལ་ལགས་ལ་འོས་གྲངས་ ༢༡ ཐོབ་པ་བཞིན་མང་མོས་ཀྱིས་ཆོས་རིག་དྲུང་འཕར་ཀརྨ་དགྲ་འདུལ་ལགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་གཞན་གཅིག་ལ་འོས་ཐོན་བྱུང་བའི་གསལ་བསྒྲགས་སུ། བོད་མིའི་སྒྲིག་འཛུགས་ཀྱི་སྲིད་སྐྱོང་གིས།
ཕྱི་ལོ་ ༢༠༡༨ ཟླ་ ༩ ཚེས་ ༢༠ ལ།།
