༢༠༡༨ ཟླ་ ༨ ཚེས་ ༣༠ རེས་གཟའ་མིག་དམར།

༄༅། །ཕྱི་ལོ་ ༢༠༡༨ ཟླ་ ༩ ཚེས་ ༣ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དབུས་གཙང་ཆོལ་ཁ་དང་། མདོ་སྨད་ཆོལ་ཁ། རྡ་སར་རྟེན་གཞི་བྱས་པའི་ཆུ་སྒང་། ཀ་རྡོར་སྒང་གསུམ་དང་ར་དབང་ལ་ཀུན་ཕན་གླིང་བོད་མིའི་གཞིས་ཆགས་བཅས་ཀྱི་ཚོགས་སྐྱིད་ཁག་ནས།  མགོན་པོ་གང་ཉིད་མཆོག་སྐྱེ་འགྲོ་སྤྱི་དང་། བྱེ་བྲག་གང་ཉིད་ཀྱི་གདུལ་ཞིང་བོད་ཁ་བ་གངས་ཅན་ལྗོངས་ཀྱི་བསྟན་སྲིད་མི་རིགས་དང་བཅས་པ་ཆགས་འཇིག་གི་དུས་སྐབས་ཧ་ཅང་ཉག་ཕྲ་བའི་དུས་སྐབས་འདིར་༸སྐུ་ཚེ་༸ཞབས་པད་ཡུན་དུ་བརྟན་པ་དང་།  རླབས་ཆེན་གྱི་བཞེད་དགོངས་མཐའ་དག་འགེགས་མེད་ལྷུན་གྱིས་འགྲུབ་པའི་ཕྱིར་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བརྟན་བཞུགས་བསྟར་འབུལ་ཞུ་རྒྱུའི་ལྷ་སྙན་སྒྲོན་འབུལ་ཞུས་པར་བཀའ་བཞེས་བཟང་པོ་སྤྱི་བོར་སྨིན་སྩལ་ཐོབ་པ་བཅས།།