ཕྱི་ལོ་ ༢༠༡༨ ཟླ་ ༧ ཚེས་ ༤ རེས་གཟའ་ལྷག་པ།
༄༅། །འཛམ་གླིང་རྐང་རྩེད་པོ་ལོའི་འགྲན་སྡུར་དེ་བཞིན་ཕྱི་ལོ་ ༢༠༡༨ ཟླ་ ༦ ཚེས་ ༡༤ ཉིན་ནས་འགོ་བཙུགས་ཀྱིས་ཕྱི་ཟླ་ ༧ ཚེས་ ༡༥ ཉིན་མཇུག་སྒྲིལ་གནང་གི་ཡོད། རྐང་རྩེད་པོ་ལོ་རུ་ཁག་ ༣༢ འགྲན་སྡུར་ནང་མཉམ་ཞུགས་ཀྱིས་ཨུ་རུ་སུའི་གྲོང་ཁྱེར་ ༡༡ ནང་རྩེས་དང་རྩེ་བཞིན་ཡོད།
དེ་ཡང་འཛམ་གླིང་རྐང་རྩེད་པོ་ལོའི་འགྲན་སྡུར་འགྲོ་བཞིན་པ་དང་བསྟུན་ཨུ་རུ་སུ་རྒྱལ་ས་མོ་སི་ཁོ་ནང་རྟེན་གཞི་བྱས་པའི་རུ་སོག་སྐུ་ཚབ་དོན་གཅོད་ཁང་གི་གོ་སྒྲིག་འོག་བཀྲ་ཤིས་ལྷུན་པོ་དགོན་པའི་དགེ་འདུན་པ་གདན་ཞུས་ཀྱིས་ཨུ་རུ་སུ་གཞུང་མང་གཉིས་ལ་ཐུགས་རྗེ་ཆེ་ཞུའི་ལས་འགུལ་ཨུ་རུ་སུའི་གྲོང་ཁྱེར་ཆེ་ཁག་དྲུག་གི་ནངབོད་ཀྱི་ཆོས་དང་རིག་གཞུང་། འགྲེམས་སྟོན་སོགས་ཀྱི་སྐོར་ལས་འགུལ་རྒྱ་ཆེ་སྤེལ་རྒྱུ་ཡིན་པ་མ་ཟད། དགེ་འདུན་པ་རྣམ་པས་ཕྱག་ཏུ་བོད་ཀྱི་རྒྱལ་དར་བཟུང་ནས་མོ་སི་ཁོ་མངའ་སྡེའི་མཐོ་སློབ་ Moscow State University ཀྱི་ཐང་ཆེན་དུ་འཛམ་གླིང་རྐང་རྩེད་པོ་ལོའི་འགྲན་སྡུར་ལྟད་མོ་བ་སྟོང་ཕྲག་མང་པོར་བོད་དོན་སྐོར་གོ་རྟོགས་རྒྱ་ཆེ་སྤེལ་ཡོད།
དགེ་འདུན་པ་རྣམས་ནས་ཨུ་རུ་སུའི་གསར་འགྱུར་བརྒྱུད་ལམ་ཁག་གི་གསར་འགོད་པ་ཚོའི་བཅར་འདྲི་ལ་དང་ལེན་གནང་སྟེ་ལྟད་མོ་ཚོ་དང་མཉམ་བོད་དོན་སྐོར་གླེང་སློང་ཤུགས་ཆེ་གནང་ཡོད་པ་བཅས། །
