ཕྱི་ལོ་ ༢༠༡༨ ཟླ་ ༧ ཚེས་ ༢༧ རེས་གཟའ་པ་སངས།

༄༅། །ཕྱི་ལོ་ ༢༠༡༨ ཟླ་ ༧ ཚེས་ ༢༤ དང་ ༢༥ ཉིན་སྦེལ་ཇམ་སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་ཀྱིས་ཕ་རན་སི་གྲོས་ཚོགས་གོང་མའི་འཐུས་མི་སྐུ་ཞབས་གེཊ་ཊོ་ལིན་ Andre Gattoline མཆོག་དང་ཆབ་སྲིད་ཚོགས་པའི་འཐུས་མི་ལྕམ་ཨེ་ལི་ཛེ་བྷེ་ཐི་ཊོ་ཊུཊ་ Elizabeth Toutut མཆོག་རྣམ་གཉིས་དང་མཇལ་འཕྲད་གནང་ཡོད།

དེ་ཡང་གོང་ཚེས་ཉིན་སྦེལ་ཇམ་སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་དང་སྐུ་ཞབས་གེཊ་ཊོ་ལིན་མཆོག་གིས་འདས་པའི་ཕི་རན་སིའི་དང་བོད་ཀྱི་འབྲེལ་ལམ་བྱུང་རིམ་སྐོར་དང་། དེ་བཞིན་སྲིད་འཛིན་ཟུར་པ་མི་ཊར་རན་ཌི་Mitterrand སྐབས་དང་ད་ལྟའི་སྲིད་འཛིན་མེག་ཁི་རོན་Macron མཆོག་རྣམ་གཉིས་ནས་བོད་དོན་ཆེད་གདུང་སེམས་མཉམ་སྐྱེ་གནང་མུས་ཡིན་པ་སོགས་གནད་དོན་འདྲ་མིན་སྐོར་བཀའ་མོལ་ལྷུག་པོར་གནང་ཡོད།

སྐུ་ཞབས་གེཊ་ཊོ་ལིན་མཆོག་གིས་དེ་སྔ་ཕྱི་ལོ་ ༢༠༡༦ ལོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྐུ་ཞབས་མེག་ཁི་རོན་མཆོག་ལ་འཚམས་འཕྲིན་སྩལ་བར་སྲིད་འཛིན་མཆོག་དགའ་ཚོར་བྱུང་བའི་སྐོར་སོགས་ལ་བཀའ་མོལ་གནང་ཡོད།

སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཡོ་རུབ་སྤྱི་མཐུན་ཚོགས་པའི་སྒྲིག་འཛུགས་མང་གཙོ་དང་ཁྲིམས། རང་དབང་སོགས་ལ་མཉེས་པོ་དང་རྒྱབ་སྐྱོར་གནང་གི་ཡོད་པའི་སྐོར་དང་། དེ་བཞིན་ཡོ་རོབ་སྤྱི་མཐུན་ཚོགས་པ་དང་རྒྱ་ནག་བོད་བཅས་ཀྱི་གནད་དོན་ཐོག་གྲོས་བསྡུར་གཟབ་རྒྱས་གནང་ཡོད་པ་མ་ཟད། རྒྱ་ནག་གི་སྟོབས་ཤུགས་རྒྱས་བཞིན་པའི་སྐབས་རྒྱ་གཞུང་གིས་རྒྱལ་སྤྱིའི་ཆབ་སྲིད་ཐོག་གནོན་ཤུགས་ཆེན་པོ་སྤྲོད་ཀྱིན་ཡོད་པའི་སྐོར་སོགས་བཀའ་མོལ་གནང་ཡོད།

སྐུ་ཚབ་དོན་གཅོད་བཀྲ་ཤིས་ཕུན་ཚོགས་ལགས་ཀྱིས་ཕ་རན་སི་དང་ཨ་རིའི་བོད་མི་དང་གསར་འགོད་པ་སོགས་བོད་ནང་དུ་གོ་སྐབས་འདྲ་མཉམ་ཐོག་ཕར་འགྲོ་ཚུར་འོང་ཆོག་པའི་སྐོར་གོ་བསྡུར་གནང་ཡོད།

སྦེལ་ཇམ་སྐུ་ཚབ་དོན་གཅོད་ཀྱིས་ལྕམ་ཨེ་ལི་ཛེ་བྷེ་ཐི་ཊོ་ཊུཊ་མཆོག་ལ་ཐུག་འཕྲད་ཀྱིས་ཕ་རན་སིའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ནུས་ཤུགས་གོང་འཕེལ་གཏོང་དགོས་པ་སོགས་ཀྱི་སྐོར་གྲོས་སྡུར་གནང་ཡོད།

སྦེལ་ཇམ་སྐུ་ཚབ་དོན་གཅོད་བཀྲ་ཨཤིས་ཕུན་ཚོགས་ལགས་དང་ལྷན་དྲུང་ཆེ་རྣམ་རྒྱལ་བསམ་གྲུབ་ལགས་ལྷན་བཅར་ཞུས་ཡོད་པ་བཅས།།