ཕྱི་ལོ་ ༢༠༡༨ ཟླ་ ༧ ཚེས་ ༡༡ རེས་གཟའ་ལྷག་པ།
༄༅། །འདི་ག་ཕྱི་དྲིལ་བོད་ཡིག་ཚན་པའི་སྤྱི་ཁྱབ་རྩོམ་སྒྲིག་པ་ངག་དབང་ཐོགས་མེད་ཀྱིས་ས་གནས་ནས་བཏང་གནས་ནང་འཁོད་དོན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་འདིའི་ཕྱི་ཚེས་ ༡༢ ཉིན་ལྡུམ་ར་བདེ་སྐྱིད་བཀྲ་ཤིས་ཆོས་གླིང་དུ་ཆིབས་སྒྱུར་བཀའ་དྲིན་བསྐྱང་རྒྱུ་དང་། ཕྱི་ཚེས་ ༡༣ ཉིན་ལྡུམ་ར་སེར་སྐྱ་མང་ཚོགས་རྣམས་ལ་བློ་སྦྱོང་ཚིགས་བརྒྱད་མ་དང་རྟེན་འབྲེལ་བསྟོད་པའི་ཆོས་འབྲེལ་སྩལ་རྒྱུ་ཡིན་འདུག དེ་ནས་ཕྱི་ཚེས་ ༡༤ ཉིན་༸གོང་ས་མཆོག་ཉེ་འགྲམ་སུ་མུར་གྲོང་ཁྱེར་དུ་རྟེན་གཞི་བྱས་པའི་བསམ་གཏན་གླིང་དགོན་པར་ཆིབས་སྒྱུར་བཀའ་དྲིན་བསྐྱང་ནས་ལ་དྭགས་དབྱར་ཆོས་ཆེན་མོ་ཕྱི་ཚེས་ ༡༥ ཉིན་ཚུགས་རྒྱུ་ཡིན་སྟབས་ཚོགས་མགོན་དུ་ཆིབས་སྒྱུར་བསྐྱང་རྒྱུ་ཡིན་འདུག
མཐོ་ཚད་མི་ཊར་ ༣༢ ཅན་གྱི་རྒྱལ་བ་བྱམས་པའི་སྐུ་བརྙན། ༢༠༡༠ ཟླ་ ༧ ཚེས་ ༢༥ ཉིན་༸གོང་ས་༸སྐུ་ཕྲེང་བཅུ་བཞི་པ་ཆེན་པོ་མཆོག་གིས་དབུ་འབྱེད་རབ་གནས་བཀའ་དྲིན་སྩལ།
དེ་ཡང་གཙོ་ཆེར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་སློབ་ལམ་སྟོན་འོག་དབྱར་ཆོས་ཆེན་མོ་ཚོགས་རྒྱུའི་སྲོལ་དར་ནས་ཐོག་མ་རྒྱལ་ས་སླེ་རུ་རྟེན་གཞི་བྱས་པའི་ལ་དྭགས་མཚན་ཉིད་སློབ་གྲྭ་དང་། དེ་རྗེས་ཀླུ་འཁྱིལ་དགོན་པར་ཚོགས། དེ་རྗེས་དཔེ་ཐུབ་དགོན་པ་དང་། ཁྲིག་རྩེ་དགོན་པ། བདེ་སྐྱིད་དགའ་ལྡན་བཀྲ་ཤིས་ཆོས་གླིང་བཅས་སུ་ཚོགས་ཡོད།
རྒན་བློ་བཟང་བསམ་གཏན་ལགས།
