ཕྱི་ལོ་ ༢༠༡༨ ཟླ་ ༧ ཚེས་ ༡༨ རེས་གཟའ་ལྷག་པ།

༄༅། །ཕྱི་ལོ་ ༢༠༡༨ ཟླ་ ༧ ཚེས་ ༡༠ ནས་ ༡༣ བར་ཉིན་གྲངས་བཞིའི་རིང་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་གོ་སྒྲིག་དང་ཨ་རི་རོགས་ཚོགས་ཀྱིས་དཔལ་འབྱོར་མཐུན་འགྱུར་འོག་རྒྱ་གར་ལྷོ་ཕྱོགས་སྦེལ་ཀོབ་སྐྱེ་ལྡན་སོ་ནམ་ཉམས་ཞིབ་དང་སྦྱོང་བརྡར་ཁང་དུ་སོ་ནམ་གཞིས་ཆགས་ཁག་གི་སོ་ནམ་སློབ་སྟོན་པ་རྣམས་ལ་ཞིང་ལས་ཤེས་བྱ་གོང་མཐོར་གཏོང་རྒྱུའི་ཟབ་སྦྱོང་ཞིག་གོ་སྒྲིག་གནང་ཡོད། སྐབས་དེེར་ཞིང་པ་དོ་དབྱིངས་ཅན་དང་ས་གནས་ཀྱི་ཚོགས་སྡེ་ཁག་གཅིག་གི་སྐུ་ཚབ་ཀྱང་མཉམ་ཞུགས་གནང་འདུག

དེ་ཡང་ཟབ་སྦྱོང་དབུ་འབྱེད་ཀྱི་མཛད་སྒོར་ནང་སྲིད་སོ་ནམ་སྡེ་ཚན་གྱི་དྲུང་གཞོན་དོན་གྲུབ་ཚེ་རིང་ལགས་ཀྱིས་ཕེབས་བསུ་དང་སྦྲགས། ས་གནས་ཀྱི་ཚོགས་སྡེ་ཁག་གཅིག་གི་སྐུ་ཚབ་རྣམ་པས་གཙོས་སོ་ནམ་པ་རྣམས་ལ་ཁྲོམ་རར་གཙོ་བོར་དམིགས་ཏེ་དེང་རབས་དང་མཐུན་པའི་སོ་ནམ་ཞིང་ལས་འདེབས་སྟངས་ཐོག་འབད་བརྩོན་བྱ་དགོས་པའི་གསུང་བཤད་གནང་།

བོད་མིའི་སྒྲིག་འཛུགས་ཀྱི་སོ་ནམ་ཞིང་ལས་ཀྱི་འཐབ་བྱུས་ཐོག་ཆེད་མཁས་པ་སྐུ་ཞབས་ཀི་ཞོར་རའོ་ Kishore Rao ལགས་ཀྱིས་གཙོ་བོར་ཁྲོམ་ར་ལ་དམིགས་ཏེ་བོད་མིའི་སོ་ནམ་ཞིང་ལས་འདེབས་སྟངས་ཐོག་གཏམ་བཤད་གནང་ཡོད། 

ས་ཏིཤ་ཀུལ་ཀར་ནི་ Dr Satish Kulkarni  ལགས་ཀྱིས་བཙན་བྱོལ་བོད་མིའི་གཞིས་ཆགས་ཁག་ཏུ་འོ་མའི་ཐོན་ཁུངས་ཇི་ལྟར་སྤེལ་དགོས་པའི་སྐོར་ལམ་སྟོན་གཟབ་རྒྱས་གནང་ཡོད།  དེ་བཞིན་པྲ་སཏ་ Dr Prasad ལགས་ཀྱིས་ཟས་བཅུད་དང་ལྡན་པའི་ངང་ནས་སྒོ་ཕྱུགས་སེམས་ཅན་བ་ཕྱུགས་འཚོ་སྟངས་སོགས་ཀྱི་སྐོར་ལམ་སྟོན་གསུང་བཤད་གནང་ཡོད་པ་དང་བཅས། །