ཕྱི་ལོ་ ༢༠༡༨ ཟླ་ ༧ ཚེས་ ༢༤ རེས་གཟའ་མིག་དམར།

༄༅། །ཕྱི་ལོ་ ༢༠༡༨ ཟླ་ ༧ ཚེས་ ༡༩ ཉིན་གྱི་ཉིན་རྒྱབ་ཡི་ཤུའི་ཆོས་ཚོགས་ཀྱི་གོ་སྒྲིག་འོག་ཆོས་ལུགས་ཁག་ནང་ཁུལ་ནས་ཐུན་མོང་གི་བདེན་དོན་འཚོལ་བ་ “Exploring the Commonality of Truth within Religion” ཞེས་པའི་བགྲོ་གླེང་ཞིག་ཡི་ཤུའི་ལྷ་ཁང་དུ་ཚོགས་ཡོད་པ་དང་། སྐབས་དེར་ལྷོ་ཨ་ཕི་རི་ཀའི་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས་དང་། ལམ་རིམ་ནང་བསྟན་ཆོས་ཚོགས་ཀྱི་སྐུ་ཚབ་དགེ་བཤེས་བློ་བཟང་དོན་གྲུབ་ལགས།  སྐུ་ཞབས་ནེ་ལི་ Neil ལགས་བཅས་མཉམ་ཞུགས་གནང་ཡོད།

དེ་བཞིན་འཇིའུ་ཆོས་ལུགས་དང་ཡི་ཤུའི་ཆོས་ལུགས་ཀྱི་སྐུ་ཚབ་སོགས་མཉམ་ཞུགས་ཀྱིས་དེང་སྐབས་འཛམ་གླིང་ནང་རྙོག་གྲ་ཆེ་བའི་སྐབས་འདིར་ཆོས་ལུགས་ཁག་གི་བསླབ་བྱ་བཟང་པོ་བརྒྱུད་དཀའ་ངལ་དེ་དག་ཇི་ལྟར་སེལ་དགོས་པའི་སྐོར་དང་། དེ་བཞིན་འཛམ་གླིང་ཞི་བདེ་སྐྲུན་པར་འཛམ་གླིང་མི་མང་ལ་བརྡ་ལན་བཟང་པོ་ཞིག་ཇི་ལྟར་སྤྲོད་དགོས་པའི་སྐོར་སོགས་ལ་བགྲོ་གླེང་ལྷུག་པོར་གནང་ཡོད་པ་བཅས།།