ཕྱི་ལོ་ ༢༠༡༨ ཟླ་ ༧ ཚེས་ ༡༧ རེས་གཟའ་མིག་དམར།

༄༅། །ཕྱི་ལོ་ ༢༠༡༨ ཟླ་ ༨ ནས་བཟུང་སྒྲིག་ཞུགས་རིགས་གཅིག་རྐང་འཛིན་ Ph.D སློབ་མཐར་ཕྱིན་པའི་བོད་རིགས་སློབ་ཕྲུག་སུ་རུང་ལ་སྲིད་སྐྱོང་གཟེངས་བསྟོད་ལག་འཁྱེར་དང་ལེགས་སྐྱེས་སྒོར་ ༢༠,༠༠༠ གནང་རྒྱུ་ཡིན་པས། སྙན་འབུལ་ཡོད་རིགས་ནས་དག་མཆན་འཁོད་པའི་གཤམ་གསལ་ཡིག་ཆ་ཁག་ཕྱི་ལོ་ ༢༠༡༨ ཟླ་ ༨ ཚེས་ ༡༥ ནང་ཚུད་ཤེས་རིག་ལས་ཁུངས་སུ་འབུལ་ཐུབ་པ་དགོས།

༡༽  དོ་བདག་གི་དང་བླངས་དཔྱ་དངུལ་ལག་དེབ་ཀྱི་ངོ་ཤོག་དང་པོ་དང་མཐའ་མ་གཉིས་ཀྱི་ངོ་བཤུས།

༢༽ སྒྲིག་ཞུགས་རིགས་གཅིག་རྐང་འཛིན་ཐོན་པའི་ལག་འཁྱེར་གྱི་ངོ་བཤུས།

༣༽ ཉམས་ཞིབ་དཔྱད་རྩོམ་གྱི་ངོ་བཤུས་བཅས།

ཆེ་བསྟོད་ཞུ་ཡུལ།  རྡ་ས་གཙུག་ལག་ཁང་དུ་ཕྱི་ལོ་ ༢༠༡༨ ཟླ་ ༩ ཚེས་ ༢ ཉིན་མང་གཙོའི་དུས་ཆེན་གཞུང་འབྲེལ་མཛད་སྒོའི་སྐབས།

སློབ་ཐོན་པ་རྣམས་བྱ་དགའ་ལེན་པར་ཡོང་སྐབས་གྲང་གློག་མེ་འཁོར་ཉལ་ཁྲི་ཉིས་བརྩེགས་ AC 2 TIER དང་སྤྱི་འཁོར་ལེགས་གྲས་ཀྱི་ལམ་གྲོན། ཉིན་རེར་ལྟོ་དོད་ཧིན་སྒོར་ ༣༠༠། རེ། ལམ་བར་དགོས་གལ་ཡོད་རིགས་ལ་ཉིན་རེར་གླ་མང་མཐར་སྒོར་ ༥༠༠ གནང་རྒྱུ་ཡིན། གོང་གསལ་འགྲོ་གྲོན་ཁག་རྩིས་འཕེར་ཡོང་སླད་ཁང་གླ་དང་། མེ་འཁོར། སྤྱི་འཁོར་སོགས་ཀྱི་ཐོབ་འཛིན་ངོ་མ་ཆབས་འབུལ་ཞུ་དགོས།

སྙན་ཞུ་འབུལ་ཡུལ་ཁ་བྱང་།