ཕྱི་ལོ་ ༢༠༡༨ ཟླ་ ༧ ཚེས་ ༥ རེས་གཟའ་ཕུར་བུ།
༄༅། །བོད་མིའི་སྒྲིག་འཛུགས་ཀྱི་དཔལ་འབྱོར་བཀའ་བློན་ཀརྨ་ཡེ་ཤེས་མཆོག་ཕྱི་ལོ་ ༢༠༡༨ ཟླ་ ༧ ཚེས་ ༥ ནས་ཕྱི་ཚེས་ ༡༩ བར་ཉིན་གྲངས་ ༡༥ རིང་ཡུ་རོབ་རྒྱལ་ཁབ་ཕ་རན་སི་ France དང་། སྦེལ་ཇམ་  Belgium ། དེ་བཞིན་ནི་ཐར་ལེཌ་ Netherland  སི་པེན་ SPAIN བཅས་སུ་གཞུང་འབྲེལ་ཕྱོགས་ཕེབས་གནང་ཡོད།
དེ་ཡང་བཀའ་བློན་མཆོག་ཕྱི་ཚེས་ ༦  སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༣ ལ་ཕེབས་པའི་༸སྐུའི་འཁྲུངས་སྐར་དུས་ཆེན་ཕ་རན་སིའི་རྒྱལ་ཡོངས་ཚོགས་ཁང་ནང་གཞུང་འབྲེལ་སྲུང་བརྩིའི་མཛད་སྒོར་མཉམ་ཞུགས་དང་། དེ་བཞིན་ཕ་རན་སི་ AET རོགས་ཚོགས་ཀྱི་ཚོགས་མི་དང་མཇལ་འཕྲད། ཕྱི་ཚེས་ ༨ ཉིན་ཕ་རན་སི་བོད་རིགས་ཚོགས་པའི་གོ་སྒྲིག་འོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་འཁྲུངས་སྐར་དུས་ཆེན་སྲུང་བརྩིའི་མཛད་སྒོར་མཉམ་ཞུགས། ཕྱི་ཚེས་ ༩ ནས་ ༡༢ བར་ས་གནས་བོད་མི་རྣམས་ལ་དཔྱ་ཁྲལ་ལག་དེབ་དང་འབྲེལ་བའི་གནད་དོན་སྐོར་གོ་རྟོགས་སྤེལ་རྒྱུ་དང་ས་གནས་བོད་མིར་ཐུག་འཕྲད་དང་གསུང་བཤད་གནང་རྒྱུ།

ཕྱི་ཚེས་ ༡༣ དང་ ༡༤ ཉིན་སྦར་སིལ་ཁུལ་གྱི་བོད་མིར་ཐུག་འཕྲད་ཀྱིས་དཔྱ་ཁྲལ་ལག་དེབ་སྐོར་གོ་རྟོགས་དང་། མང་ཚོགས་ལ་གསུང་བཤད་གནང་རྒྱུ། ནཱ་ལེནྡྲ་ཆོས་ཚོགས་སུ་ཕེབས་རྒྱུ།